Mateo 3:7 - Mauni Mamaga Iifaga

⁷ Kai ega'ina alogai Faliseo ke Saduseo ikupuga papiau'i ma'o isa baptismo epipeni afuga kemai eisa'i aisama epaini'i einaka, “Oi kaapa apala ipauma gauga koa i'opomi. Oi laomai apala mo okapakapa kai, paukai Deo kaniami gaagamauga ooma. Kaisau epainimi oi Deo ega guakupu eegai agopiaukoko eoma?

Mateo 3:7 Iomraidhean Croise

Mateo 12:24

Kai Faliseo au'i papiau ega keifa oma aina'i kelogonia aisama, keifa keinaka, “Isa tiapolo e'i lopia Belsabul mo aka isapugai tiapolo epapealai'i,” keoma.

Mateo 12:34

Oi ikifa aumi, kaapa apala ipauma auga gauga koa i'opomi. Oi laomai apala ikapa aumi puo, ala koa kapa felo aga'o agoifania agekaina? Gome kapa'ina papiau gua'i alo epogu auga, ake'iai epealai keifania.

Mateo 15:12

Ega aisama isa ega imoi kemai kepainia keinaka, “Oi ega loifa oma Faliseo au'i a'o kelogonia aisama, alo'i lopalifua auga alologo ma?” keoma.

Mateo 16:1

Ega'ina afegai Faliseo au'i ke Saduseo au'i kemai Iesu ke'opoisa, ke kepainia gou aga'o ufa guagai gakapa kegaisa keoma.

Mateo 16:6

Ega'ina alogai Iesu isa epaini'i einaka, “Faliseo au'i ke Saduseo au'i e'i palafa ipaufuga mulamula auga foisa felo, ke eegai ifomi fo'imaimi,” eoma.

Mateo 22:15

Egae kai Faliseo au'i kepealai kelao iifa kepaapa, Iesu ifo ega nini'aniai fekepaoa keoma.

Mateo 22:23

Ke ega'ina kinagai mo, Saduseo au'i papiau maeai afakemaunimue keoma au'i, Iesu pa'ani aga'o kegapa'ani penia keoma kemai eegai.

Mateo 22:34

Kai Faliseo au'i Iesu Saduseo au'i ake'i eafunia fouga kelogo aisama, isa kelao kela'afou.

Mateo 23:33

“Oi auga kaapa ke kaapa apala ipauma auga gauga aumi! Oi ipeliai emi laomai apala afa foafia auga eegai ala agopiaukoko oma?

Mateo 5:20

Gome lau lapainimi, oi alomi opaina Faliseo au'i ke pamalele au'i fou e'i alo opai afaeka'egaina koa aisama, Deo ega agofa'ai afolokoko paisa.”

Mako 12:13

Ke ega'ina papiau'i Faliseo au'i ke Herod ega au isa'i fou keulai'i kelao Iesu ifo ega nini'aniai fekepaoa keoma.

Mako 12:18

Egae kai Saduseo au'i papiau maeai afakemaunimue keoma au'i, Iesu eega kemai kepa'ani penia keinaka:

Mako 8:15

Ega aisama ega imoi aina'i epalogo einaka, “Maami fekiakae! Herod ke Faliseo au'i e'i pifoge auga, palafa iuma mulamula palafa alogai keoge eufu koa i'opoga, isa e'i pifoge isafa euki papiau epo'iai ekoko epalifu'i auga foisa felo,” eoma.

Luka 16:14

Kai Faliseo au'i moni anina keani alogaina au'i Iesu ega eifa oma aina kelogonia aisama, Iesu kepa'aua kea'alaina.

Luka 18:11

Egae kai Faliseo auga ega'ina e'ue eapa kai emegamega Deo maagai ifo fouga eifania einaka, ‘Deo, lau auga papiau isa'i koa laa'i. Lau alou opaina, alapainao, amagelofe keafia au'i fou alafeu aage mo. Ke lau au i'ina tax eafia auga koa i'opoga laa'i.

Luka 7:30

Kai Faliseo au'i ke Moses ega iifa pamalelega au'i fou, Ioane eegai baptismo kepamafua akeafia au'i, isa fau'iai Deo ega logo ekapaisa auga keumakalaina.

Ioane 1:24

Ke Faliseo au'i isa'i keulai'i kemai au'i egae keapa.

Ioane 8:44

Oi auga tiapolo gauga, ke tiapolo auga oi amami. Ega puo oi anina oani, amami kapa'ina anina eani auga mo amokapa ooma. Agofa'a e'ina mo alogai, isa i'ina agofa'agai papiau eaupugu'i. Ke isa iifa ko'a auga aeafia alogai aeka, gome isa alogai kapa aga'o ko'a laa'i. Ke isa epifoge aisama, isa kapa'ina fekapa auga mo ekapa, gome isa pifoge auga, ke isa pifoge ma'oai ama'i.

Ioane 9:40

Kai Faliseo au'i isa'i egae fou keapa au'i Iesu aina kelogonia aisama kepa'ani keinaka, “Aa, kapa'ina? Lai isafa maamai ekimi'i ma looma?” keoma.

Acts 15:5

Kai Faliseo ikupuga au'i isa'i Iesu kepako'ania au'i ke'ue keinaka, “Iudea papiau'i laa'i au'i isafa, au maguae'i faaga iifalaina gouga fekeafia, ke fapaini kapulani'i, Moses ega iifa muninai fekepea,” keoma.

Acts 20:31

Ega puo oi ifomi fo'ima feloimi! Ke inipo oiso alogai, gapi gani aga'o aga'o, ke kina isa'i maau mai'iu'iuga mo ainami lapalogo alaapakipo auga folo'agege.

Acts 26:5

Lai emai ikupu ma'o, Deo aau afagaina epo'iai, Faliseo ikupuga papiau'i auga alo'i ko'agai Deo keau afagaina, ke e'i laomai ma'oai kai'iai kepea auga e'inoka alogaina. Lau Faliseo ikupuga ega'ina au aga'o, ke Faliseo au'i keagu koa i'opoga mo laagu. Iudea papiau'i ma'oai kapa ma'oai lakapai'i fouga alo'i ko'agai kegaifania keoma koa aisama, ufainagai kelogo feloisau puo fekeifafoua.

Acts 5:17

Kai sakedote lopia fa'a ke ega Saduseo ikupuga au'i ma'oai fou kepinauga au'i apostolo ee'iai kepikupa alogaina.

Roma 1:18

Deo ega iifa pukagai ega eifa oma, gome pako'a laa'i aisama, papiau Deo aina kainai akepea au'i, ke maagai alo opai au'i laa'i, e'i laomai apala'iai Deo ega iifa ko'a kekaisapua au'i, ufai Deo ega guakupu isa epakina'i.

Roma 5:9

Ega puo pau i'a Iesu Kristo ifagai Deo maagai alo opai au'a amia kainai, isa faagagai Deo ega guakupuai i'a a'a laomai apala'i afa fepeni'a auga eegai kania'a ageagamauga paisa.

1 Tesalonika 1:10

Ke Deo eoge Iesu Kristo maeai epamaunimue auga, isa Deo ega guakupu agemai auga eegai kania'a eagamauga. Oi Deo Gauga ega'ina auga ega mai pugu o'ima auga isafa fouga maamaisai keifania.

Hibru 11:7

Ufainagai Deo Noa aina epalogo, imu akaiki'a agepa'aua papiau laomai apala'i kekapa'i au'i e'i apala afa'i ageoge eoma. Noa Deo kapa'ina eifania auga epako'ania puogai, imu kina aemai aeisa koa kai, Deo Au Akaiki'a epamia aina eafiia. Ke ega famili kania'i gaagamauga eoma puo sikuna ekapaisa. Ke ega pako'ai sikuna ekapaisa kainai, agofa'a papiau'i Deo akepako'ania au'i e'i laomai apala afa Deo epenii'i auga epakinai'a. Ke Deo eifa kaisau Isa agepako'ania auga Isa maagai alo opaina agemia eoma. Noa ega'ina pako'agai Deo maagai alo opaina emia.

Hibru 6:18

Deo ega pako'a nini'anina, ke ifo akagai ega pako'a iifaga ekapaisa. I'ina iifa'i auni'i i'oi'i afaepamia'i, ke Deo aepipifoge puo ega iifa laa'iai afaeaopagai. I'a alogo Deo i'a ago'aisai afia'ama eogeisa fepalagaini'a eoma. Ega kainai i'a kiekie aafia aisama, Isa fepalagaini'a afia'amaga aafia'ama puo, Isa eega alao magogo kapula fepeni'a aoma.

1 Ioane 3:10

Ke kaisau laomai felo afaekapa aisama, isa auga Deo gauga laa'i. Ke kaisau aaga akina Kristiano auga alo ko'agai anina afaeani aisama, isa isafa Deo gauga laa'i. Iina koa emia aisama, i'a fiakoa mo kaisau auga Deo gauga, ke kaisau auga Satani gauga auga alogo.