Mateo 3:6 - Mauni Mamaga Iifaga

⁶ Ke e'i laomai apala'i keifafou'i kai, Ioane Jordan agapugegai baptismo epenii'i.

Mateo 3:6 Iomraidhean Croise

Mateo 3:11

“Lau oi emi laomai apala'i foumakalaini'i laoma puo feisai mo baptismo lapenimi. Kai muniuai agemai auga ega isapu lau e'u isapu eka'egaina. Ke lau isa ife kamataga alaafiakae alapua afaekaina. Isa Deo ega Spiritu isapugai ke loai baptismo agepenimi.

Mako 1:5

Ega'ina alogai Iudea ago pagua'i papiau'i ke Ierusaleme taonina papiau'i ma'oai kepealai Ioane eega kelao. Egae e'i laomai apala'i keifafou'i kai, Jordan agapugegai baptismo epenii'i.

Luka 1:16

Ke isa Israel papiau'i ma'o agemueaini'i Lopia isa e'i Deo eega agemaiseini'i.

Luka 3:16

Ioane i'ina iifaga elogo aisama, ega'ina papiau'i ma'oai epaini'i einaka, “Lau feisai baptismo lapenimi. Iifa gome lau auga au e'eleu. Kai muniuai agemai auga au akaiki'a ipauma, ega isapu lau e'u isapu eka'egaina. Ega puo lau isa ega kamata ufe mo ganinagai alagupuka afaekaina. Isa Deo ega Spirituai ke loai baptismo agepenimi.

Acts 1:5

Gome Ioane papiau feisai baptismo epenii'i kai, oi auga kina epo afaemaefa, Deo ega Spirituai baptismo agoafia,” eoma.

Acts 11:16

Ega aisama Lopia ega iifa maamaisai iina eifa oma auga laopolaga, ‘Ioane iifa ko'a feisai baptismo epipeni kai, oi auga Deo ega Spirituai baptismo agoafia,’ eoma.

Acts 19:18

Ke Iesu kepako'ania papiau'i ma'o kemai laomai apala'i kekapai'i au'i la'afouai keifafou'i.

Acts 22:16

Ega puo pau kina maaga folopafua! Mo'ue Iesu mopako'ania, akagai baptismo moafia, ke emu laomai apala'i moumakalaini'i. Egae kai Deo emu laomai apala'i age'agegeaini'i,’ eoma.

1 Korinto 10:2

Ke isa ma'oai e'i pako'a Deo eegai keogeisa. Ega kainai apuapu ala elao auga, kainai mo kepakaisa kelao a'uai kepea pagai. Ega koa emia auga, Deo isa baptismo koa i'opoga epenii'i, Moses ega papiau kemia.

Kolose 2:12

Ke oi baptismoai emi laomai apala'i ma'oai fou Iesu Kristo fou omae koa i'opoga. Kai Deo ega isapuai Iesu maeai epamaunimue auga opako'ania aisama, ega'ina pako'agai Deo oi isafa Iesu fou epamauni mueimi koa i'opoga, mauni mamaga oafiia.

Hibru 9:10

Ega'ina kina'i alo'iai, Deo papiau laomai isa'i fakekapa'i eoma auga, lao'i mai'i i'oi'i i'oi'i ekapai'i fekeafiapi'i eoma. Ega'ina auga kapa'ina mo fekeania ke kapa'ina mo fekeinu, ke papiau alo'i ala fekeiku oma auga lao'i mai'i i'oi'i i'oi'i iifa'i ekapai'i epenii'i. Kai i'ina lao'i mai'i ma'oai fekeka fekelao mo Deo ega laomai mamaga femaiseina kinagai kai eoma.

James 5:16

Ega puo Deo oi emi isafai gapafeloimi ooma koa aisama, aga'o aga'o maamiai emi laomai apala'i foifafou'i kai faumiai fomegamega. Iifa gome pako'a papiauga, Deo maagai alo opai auga emegamega aisama, Deo isa ega megamega a'o elogo, ke isapu akaiki'agai epinauga felo.

1 Peto 3:21

Ke fei ega'ina auga, pau oi feisai baptismo oafia, ke Deo oi isafa kaniami eagamauga auga feina gouga. Ke ega'ina auga, fei ega'ina oi emi laomai apala'i, ofu koa i'opo'i faagamiai kekae au'i aeikulai'i. Kai oi pako'a iifaga koa okapa, alomi felogai Deo eega olao. Ke baptismo ega'ina auga, Iesu Kristo ega maunimueai, Deo oi kaniami eagamauga auga gouga.

1 Ioane 1:9

Ke i'a laomai apala'i akapai'i au'i Deo maagai agaifafou'i koa aisama, Deo i'a a'a apala'i ega'ina au'i age'agegeaini'i, ke laomai apala'i ma'oai alo'aisai ageikulai'i. Gome Deo auga kapa'ina eifania agekapa eoma auga agekapa paisa, ke Isa auga afa felo mo epipeni.