Mateo 3:4 - Mauni Mamaga Iifaga

⁴ Ioane ega tiapu auga kamelo faaga'iai kekapai'i, ke peleta a'o faaga'iai kekapa auga uufa epaafiapia. Ke ega fo'ama auga apela'opu ke meme'uge feina fou.

Mateo 3:4 Iomraidhean Croise

Mateo 11:18

Gome Ioane Baptista emai eani gopegope fo'ama aeania, ke fino aeinu aisama, isa keifa ‘Ioane alogai tiapolo eaguega,’ keoma.

Mateo 11:8

Ega'ina laa'i koa aisama, kapa'ina foisa ooma puo, olao? Au afe tiapuga felo'i ei'iuka'i auga foisa ooma puo olao ma? Laa'i, kaisau tiapu felo'i kei'iuka'i au'i, kin eaguagu e'agai keague.

Mako 1:6

Ioane auga kamelo faaga puinai tiapu kekapa auga ei'iuka, ke peleta a'o faaga'iai kekapa auga uufagai epaaga, ke ago alo meme'uge feina ke apela'opu fou eanii'i.

Luka 1:17

Ke ufainagai Elaija Deo ega Spiritu isapuga eafiia epinauga koa i'opoga, isa ega'ina isapuga ageafia. Ke Lopia aemai koa kai, isa imoi ama'i alo'i agepaefo pagainia gau'i akeaipeni'i, ke papiau Deo aina akeafia au'i isafa alo'i agepaefo pagainia, papiau Deo maagai alo opai au'i e'i ikifa keagagai akepea. Ke Lopia faugai papiau agepafua'i akeagu,” eoma.

Revelation 11:3

Ke lau e'u pinauga au'i auni'i, iifa ko'a mo keifafoua au'i isapu alapeni'i. Ke isa ofuofu tiapu'i koa akei'iuka'i, profeta koa i'opo'i akemia, kina ma'oai 1,260 alogai, Deo ega iifa akeifafoua,” eoma.