Mateo 3:2 - Mauni Mamaga Iifaga

² Ke ega inogoai iina eifa oma, “Emi laomai apala'i amoumakalaini'i, gome Deo ega agofa'a emai kainagai,” eoma.

Mateo 3:2 Iomraidhean Croise

Mateo 10:7

Ke agolao aisama, i'ina iifaga foinogonia, ‘Deo ega agofa'a emai kainagai’ fooma.

Mateo 11:20

Egae kai Iesu taoni kapa'i alo'iai ega mirakulo ma'o ekapai'i au'i, e'i laomai apala'i akeumakalaini'i puo, e'ina efinai'i einaka:

Mateo 12:41

Ninife taonina papiau'i Jona einogo aina kelogonia aisama, e'i laomai apala'i keumakalaini'i. Kai pau Jona eka'egaina auga emai einogonimi ganinagai alopako'ania. Ega puo muni Deo papiau e'i laomai felo, o apala afa agepeni'i aisama, Ninife taonina papiau'i ake'ue akeifa, pau papiaumi afa apala amoafia akeoma.

Mateo 13:11

Ega aisama Iesu einaka, “Deo ega agofa'a logo fouga ogefake auga oi epeniimi efua kai isa aepeni'i.

Mateo 13:24

Ke Iesu palapole i'oina aga'o la'afou papiau'i maa'iai eifania pugu einaka, “Deo ega agofa'a auga, au aga'o laiti anina felo'i eafi'i ega agoai efauni'i auga koa i'opoga.

Mateo 13:31

Ke Iesu palapole i'oina aga'o la'afou papiau'i maa'iai eifania einaka, “Deo ega agofa'a auga, au aka mastad oga aufalao aga'o eafiia ega agoai efauga auga koa i'opoga.

Mateo 13:33

Ke Iesu palapole i'oina aga'o la'afou papiau'i maa'iai eifania pugu einaka, “Deo ega agofa'a auga, papie aga'o palafa ipaufuga mulamula eafia palafa ma'o fou eoge lapuinia kai, fei e'efa efiuga kai epua'afuga eka, ke mulamula ega'ina palafa fofouga alogai epinauga palafa ega'ina epaufua auga koa i'opoga,” eoma.

Mateo 13:47

Ke Iesu palapole i'oina aga'o eifania pugu einaka, “Deo ega agofa'a auga, inoino au'i fe'i a'uai keoge ma'a i'oina i'oina kemai keofa auga koa i'opoga.

Mateo 13:52

Ega aisama epaini'i einaka, “Ega puo Moses ega iifa pamalelega au'i ma'oai Deo ega agofa'a fouga a'o kelogo au'i auga, e'a inagome auga ega amu isoge e'a alogai amu afa'i akaiki'a'i au'i, mama'i ke ufai'i isafa fou eafilai'i ofakaegai eoge'i auga koa i'opo'i,” eoma.

Mateo 18:23

“Ega puo Deo ega agofa'a auga iina koa i'opoga. Kin aga'o ega pinauga au'i isa eegai keapitole au'i e'i apitole oko kegapakaisa eoma.

Mateo 20:1

Ke Iesu palapole aga'o eifania pugu einaka, “Lau ega laifa oma, gome Deo ega agofa'a auga iina koa i'opoga. Ago inagome auga aga'o amagai ipauma epealai elao au isa'i afa'i feoge ega fino umagai fekepinauga eoma.

Mateo 22:2

“Deo ega agofa'a auga, kin aga'o gauga ega amagelofe miamiaga ekapa koa i'opoga.

Mateo 23:13

“Moses ega iifa pamalelega aumi ke Faliseo aumi fou pifoge aumi! Deo oi afa apala fepenimi laoma! Gome oi papiau Deo ega agofa'ai fekekoko auga pa'afina okupuga. Ega koa okapa oi ifomi alokoko, ke papiau egae kegakoko keoma au'i isafa alologoaini'i akekoko.

Mateo 25:1

Iesu eifa pugu einaka, “Ega kinagai Deo ega agofa'a auga iina koa i'opoga agemia. Ifiao agu'a'i faaga'i fofouga au'i ou'aga, au aga'o fou akefeufeu au'i e'i lanepa keafii'i amage mamaga auga kegaisa keoma kelao.

Mateo 25:14

Egae kai Iesu eifa pugu einaka, “Deo ega agofa'a auga iina koa i'opoga. Au aga'o afu agoma galao eoma alogai, ega pinauga au'i eifa kaigugu'i, ke ega amu isa ima'iai epaaua ke'imai'i.

Mateo 4:17

Ega'ina kinagai Iesu e'ina Kalilea agogai einogo einaka, “Oi emi laomai apala'i amoumakalaini'i, gome Deo ega agofa'a fouga emai eemiai efua,” eoma.

Mateo 4:23

Ega'ina afegai Iesu Kalilea ago fofouga alogai epea, Iudea papiau'i e'i la'afou afu'iai ekoko epamalele, ke iifa faunina Deo ega agofa'a fouga einogoaina. Ega'ina alogai papiau isafa i'oi'i i'oi'i keafi'i au'i kemai ma'oai epafelo'i.

Mateo 5:10

Ke alo opai lao'i mai'i kekapa'i kainai keafi apalani'i au'i Deo eegai kapa felo'i keafi'i, gome Deo ega agofa'a isa apu'i.

Mateo 5:3

“Lalau'iai keulalu au'i Deo eegai kapa felo'i keafi'i, gome Deo ega agofa'a isa apu'i.

Mateo 6:10

Ke emu agofa'a gamai. Oi emu logoai kapa'ina anina loani ufai kekapa auga i'opoga mo aagoai isafa gaikapa.

Mateo 6:33

Ega puo Deo ega agofa'a, ke ega alo opai lao'i mai'i fokapu kakau'i. Egae kai ega'ina kapa'i ma'oai ani'i oani au'i isafa ega'ina fou laagai ageogeaua.

Mako 1:15

Ke isa einaka, “Kina ekainia, Deo ega agofa'a emai efua kainagai. Ega puo emi laomai apala'i amoumakalaini'i kai, Deo ega iifa faunina amopako'ania,” eoma.

Mako 1:4

Ega'ina iifaga kainai, Ioane emai ago maininai eapa papiau einogoni'i e'i laomai apala'i kegaumakalaini'i, ega koa Deo e'i laomai apala'i fe'agegeaini'i, ke baptismo fekeafia eoma.

Mako 6:12

Ke Iesu isa epaini'i efua aisama, kepealai kelao papiau e'i laomai apala'i fekeumakalaini'i auga inogoga keinogo.

Luka 1:16

Ke isa Israel papiau'i ma'o agemueaini'i Lopia isa e'i Deo eega agemaiseini'i.

Luka 11:20

Kai lau Deo ima isapugai tiapolo lapapealai'i koa aisama, Deo ega agofa'a emai oi eemiai efua.

Luka 13:3

Iifa gome maamiai laifania, laa'i ipauma! Oi emi laomai apala'i afoloumakalaini'i koa aisama, oi ma'oai isafa agomae afe'ai.

Luka 13:5

Iifa gome maamiai laifania, laa'i ipauma! Kai oi emi laomai apala'i afoloumakalaini'i koa aisama, Deo oi ma'oai emi laomai afa agepenimi,” eoma.

Luka 15:10

Iifa gome maamiai laifania. Laomai apala ekapa auga aga'omo mo ega laomai apala eumakalaina aisama, Deo ega agelo ago'iai alogama akaiki'a emia,” eoma.

Luka 15:7

Iifa gome maamiai laifania. Laomai apala ekapa auga aga'omo mo ega laomai apala'i eumakalaini'i aisama, ufai Deo agogai alogama akaiki'a emia, papiau au'i 99 alo'i opaina e'i apala aga'o laa'i au'i e'i alogama eka'egaina.”

Luka 16:30

“Kai pa'amu'amu auga eifa pugu einaka, ‘Laa'i, amau Abraham, isa e'i iifa a'o kelogo kai afakepako'ania. Kai mae afugai aufalao aga'o agelao agepaini'i koa aisama, ega iifa a'o akelogo ke e'i laomai apala'i akeumakalaini'i,’ eoma.

Luka 21:31

Ega koa i'opoga, pau lau kapa'ina mo laifani'i au'i akegama agoisa'i aisama, Deo ega agofa'a kina emai ekainia auga fologo.

Luka 24:47

Ega'ina afegai Mesaia kepako'ania au'i isa akagai papiau e'i laomai apala'i fekeumakalaini'i, ke Deo isa e'i laomai apala'i age'agegeaini'i auga fouga Ierusaleme taoninai ake'ina akeinogonia, ke akelao agofa'a fofouga papiau'i ma'oai isafa maa'iai akeinogonia.

Luka 6:20

Ega'ina alogai Iesu ega apostolo 12, ke ega imoi isa'i au'i ma'oai fou eaipeni'i ke epaini'i einaka: “Ulalu aumi, Deo eegai kapa felo'i oafi'i, gome Deo ega agofa'a oi apumi.

Luka 9:2

Ke Iesu isa feulai'i fekelao Deo ega agofa'a fouga fekeinogoaina, ke isafa papiau'i fekepafelo'i eoma.

Acts 11:18

Iudea pako'a papiau'i i'ina iifaga a'o kelogonia aisama, komo mo keoma. Ke Deo keau afagaina keinaka, “Iifa gome Deo ega Spiritu Iudea papiau'i laa'i au'i isafa eulai peni'i, ke isa e'i laomai apala'i keumakalaini'i, ke mauni mamaga isafa epeni'i,” keoma.

Acts 17:30

Ufainagai i'a Deo alalogo felo puo, Deo i'a a'a laomai apala'i eisa'aoni'i. Kai pau auga Deo afu ma'oai papiau'i eifa kapula peni'i, e'i laomai apala'i fekeumakalaini'i eoma.

Acts 2:38

Ke Peto einaka, “Emi laomai apala'i amoumakalaini'i. Ke Iesu amopako'ania, ke akagai aga'o aga'o baptismo amoafia. Ega koa Deo oi emi laomai apala'i age'agegeaini'i, ke ega ipeni Spirituga agepenimi.

Acts 20:21

Ke lau Iudea ke Grik papiau'i maa'iai laifa, isa e'i laomai apala'i fekeumakalaini'i, ke Lopia Iesu fekepako'ania laoma.

Acts 26:20

Kai aina laafiia Damaskus taonina lalao kaukau, Iudea papiau'i egae keagu au'i maa'iai isa fouga laifafoua. Egae kai Ierusaleme taonina, Iudea ago fofouga, ke agofa'ai Iudea papiau'i laa'i au'i isafa ee'i lalao, isa fouga laifafoua. Laifafoua aisama, isa e'i laomai apala'i fekeumakalaini'i ke Deo fekeaipenia laoma. Egae kai laomai felo mo fekekapa, iifa gome e'i laomai apala'i keumakalaini'i auga ko'a mo papiau fekepakina'i laoma.

Acts 3:19

Ega puo oi emi laomai apala'i amoumakalaini'i Lopia amoaipenia. Ega koa Lopia eegai Deo ega Spiritu oi fepakapulanimi auga kina agemai aisama, Deo oi emi laomai apala'i ma'oai laa'i fepamia'i laoma.

2 Korinto 7:10

Gome Deo alomafu ega'ina epapinauga, papiau emaiseini'i e'i laomai apala'i keumakalaini'i, ke epapea'i kelao kania'i eagamauga. Ke ega koa ekapa, kai aga'o aepikaisai. Kai papiau i'ina agofa'a laoga mainai alo'i emafu auga, ega'ina laoga maina isa epapea'i kelao kemae.

Kolose 1:13

Oi Isa tenkiu fopenia aoma, gome Isa i'a Satani umina auga papagai aagu au'a epapealai'a, ke emaiseni'a Gauga anina eani alogaina auga ega agofa'ai epakokoi'a.

2 Timoti 2:25

Isa papiau kapa'i Deo ega iifa kekaisapua au'i, Deo ega gafegafe agepeni'i auga afia'amaga fekeafia'ama fouga gafegafeai fepamaleleni'i. Ega'ina alogai Deo ega iifa ko'a ipauma auga mino'i fepaeaea fepalogoni'i, e'i laomai apala'i fekeumakalaini'i, muni fakekapa pugu auga feifafoua laoma.

Hibru 6:1

Ega puo i'a imoi e'ele'i koa i'opo'i falamia kai, papiau apao'i e'i fo'ama keania au'i koa famia. Imoi e'ele'i e'i pamalele auga iina koa'i: isa Deo eegai e'i pako'a keoge. Laomai apala'i mae kepagama au'i keumakalaini'i. Baptismo oko'i i'oi'i i'oi'i Deo maagai alo'a opaina emia auga pamalelega kekapa'i. Papiau Deo ega gafegafe akaiki'a fekeafia keoma kainai kania'iai ima'i keogeaua. Maeai kemaunimue au'i pamalelega, ke kina fuagai laomai felo, o apala afa agaafia auga pamalelega. I'ina pamalele'i Iesu Kristo fouga pamalele'i e'ele'i au'i. I'a ega'ina pamalele'i falapamue'i pugu kai, pamalele akaiki'a'i au'i isafa famaleleaini'i fou'i falogo felo ega koa fauki.

2 Peto 3:9

Ke papiau isa'i keopolaga, isa paakai paakai ala keopola oma koa i'opoga, Lopia pako'a iifaga ekapaisa auga paakai paakai ko'a agepamia keoma. Kai Lopia auga, isa pako'a iifaga ekapaisa auga, paakai paakai mo afaekapa kai, fiakoa mo ko'a agepamia. Kai isa alo oi eemiai eafiapia, ega koa papiau ma'oai e'i laomai apala'i fekeumakalaini'i kania'i feagamauga eoma. Kai kai aga'o faemae eoma.

Revelation 2:21

Lau isa kina lapeniia, amage koa lao'i mai'i apala'i ma'oai ekapai'i au'i feumakalaini'i laoma. Kai isa ega koa fekapa auga anina aeani.

Revelation 2:5

Ega puo oi kapai lo'ualai loake auga moopolaga! Oi emu laomai apala'i foumakalaini'i kai, kapa'ina lokapa kakau'i au'i fokapa'i pugu. Kai oi emu laomai apala'i afoloumakalaini'i koa aisama, lau alafai oi emu lanepa ipafa'a afuga alaafi'aua.