Mateo 3:11 - Mauni Mamaga Iifaga

¹¹ “Lau oi emi laomai apala'i foumakalaini'i laoma puo feisai mo baptismo lapenimi. Kai muniuai agemai auga ega isapu lau e'u isapu eka'egaina. Ke lau isa ife kamataga alaafiakae alapua afaekaina. Isa Deo ega Spiritu isapugai ke loai baptismo agepenimi.

Mateo 3:11 Iomraidhean Croise

Mateo 3:6

Ke e'i laomai apala'i keifafou'i kai, Ioane Jordan agapugegai baptismo epenii'i.

Mako 1:4

Ega'ina iifaga kainai, Ioane emai ago maininai eapa papiau einogoni'i e'i laomai apala'i kegaumakalaini'i, ega koa Deo e'i laomai apala'i fe'agegeaini'i, ke baptismo fekeafia eoma.

Luka 1:17

Ke ufainagai Elaija Deo ega Spiritu isapuga eafiia epinauga koa i'opoga, isa ega'ina isapuga ageafia. Ke Lopia aemai koa kai, isa imoi ama'i alo'i agepaefo pagainia gau'i akeaipeni'i, ke papiau Deo aina akeafia au'i isafa alo'i agepaefo pagainia, papiau Deo maagai alo opai au'i e'i ikifa keagagai akepea. Ke Lopia faugai papiau agepafua'i akeagu,” eoma.

Luka 3:16

Ioane i'ina iifaga elogo aisama, ega'ina papiau'i ma'oai epaini'i einaka, “Lau feisai baptismo lapenimi. Iifa gome lau auga au e'eleu. Kai muniuai agemai auga au akaiki'a ipauma, ega isapu lau e'u isapu eka'egaina. Ega puo lau isa ega kamata ufe mo ganinagai alagupuka afaekaina. Isa Deo ega Spirituai ke loai baptismo agepenimi.

Luka 3:3

Ega kainai ago maini epua'afuga, Jordan agapuge eegai keagu pagua'i ma'oai maa'iai e'ina Deo ega iifa eifafoua. Isa ega nini'aniai papiau epaini'i e'i laomai apala'i kegaumakalaini'i, ega koa Deo isa e'i laomai apala'i age'agegeaini'i, ke baptismo fekeafia eoma.

Ioane 1:15

Ke Ioane isa fouga eifa ko'ania eagaga einaka, “Lau au aga'o fouga laifania lainaka, ‘Lau muniuai agemai auga lau eka'egainiau, gome isa lau alamauni koa kai eagu,’ laoma. Ega'ina auga isa.

Ioane 1:30

Lau maamiai laifa kakaua auga isa fouga laifania lainaka, ‘Au aga'o lau muniuai agemai auga lau eka'egainiau, gome isa lau alamauni koa kai eagu,’ laoma.

Acts 1:5

Gome Ioane papiau feisai baptismo epenii'i kai, oi auga kina epo afaemaefa, Deo ega Spirituai baptismo agoafia,” eoma.

Acts 19:4

Ega aisama Paulo einaka, “Ioane papiau baptismo epenii'i auga, papiau e'i laomai apala'i fekeumakalaini'i auga baptismoga. Ke isa papiau epaini'i eifa muninai au aga'o agemai aka Iesu auga fekepako'ania eoma,”

Acts 8:36

Ke keagai kelao alogai fei afuga aga'o keisa. Ega aisama Etiopia auga eifa einaka, “Fei inamo'e moisa. Baptismo alopeniau agekaina koa aisama mopeniau,” eoma.

Acts 8:38

Egae kai Etiopia auga ega papiau epaini'i, pulieta keagai kepaapakipo. Ke Filip Etiopia auga auni'i keake kelao feisai baptismo epeniia.

1 Korinto 12:13

Gome i'a Iudea au'a ma, Grik au'a ma, kala'afi, o aagu aage mo ifo'a a'a pinauga akapa ma ganinagai, Spiritu aga'omogai i'a ma'oai baptismo aafiia. Ke imaau'a aga'omo koa i'opoga, i'a ma'oai Iesu fou aga'omo amia. Ega'ina auga Deo ega Spiritu aga'omo mo i'a ma'oai ega ipeni epeni'a ainu koa i'opoga, alo'aisai eague.

Efesus 3:8

Ke Deo ega papiau epo'iai lau auga kapa aga'o laa'i mo ganinagai, Deo ega gafegafe akaiki'a ega'ina lau epeniiau, ega koa Iesu Kristo epa'amu'amu alogai, oi pika agoopolaga afaekaina auga fouga, Iudea papiau'i laa'i au'i maa'iai fainogonia eoma.

1 Peto 5:5

Ke oi au agu'ami aumi isafa, oi iifi e'a au akaiki'a'i au'i aina'i foafia. Ke oi ma'oai auga ifomi e'elemi fopamiaimi laoga maina auga foafi inokania, papiau aga'o aga'o ee'iai fokapa. Gome “Deo kaisau ifo'i au akaiki'a'i kepamia'i au'i ee'iai eapa emuni. Kai kaisau ifo'i e'ele'i kepamia'i au'i ega gafegafe akaiki'a epeni'i.” Proverbs 3:34