Mateo 26:10 - Mauni Mamaga Iifaga

¹⁰ Kai Iesu isa kapa'ina keifania auga elogo aisama epaini'i einaka, “Kapa puo i'ina papiega opaakekuania? Ega koa folokapa gome isa kapa felo ipauma lau eeuai ekapaisa.

Mateo 26:10 Iomraidhean Croise

Mateo 26:11

Gome ulalu au'i auga aufa kina mo eemiai akeagu kai, lau auga oi fou afalaagu mo afaelaolao.

Mateo 26:9

Gome ega'ina oilina afa akaiki'agai fei'afalai ke monina ulalu papiau'i ipeni'i femia,” keoma.

Mako 14:6

Ega aisama Iesu eifa einaka, “Papie opua'afuga, kapa puo opaakekua? Isa kapa felo ipauma eeuai ekapaisa.

Luka 8:49

Iesu enini'ani laolao kai, aufalao aga'o Jairus Iudea papiau'i e'i la'afou afuga e'ima auga ega e'ai emai Jairus epainia einaka, “Oi gaumu emae efua puo, Pamalele auga folopaafipugua,” eoma.

2 Korinto 9:8

Ke Deo oi kapa ma'oai ani'i oani au'i agepenimi, ke laagai isa'i agepeni aagenimi mo agekaina. Ega koa kapa ma'oai alo'iai, ke aufa kina kapa ma'oai agokapa'i alogai, kapa ma'oai ani'i oani au'i agoafi'i, ke laagai fou agoafi'i, pinauga felo'i ma'oai agokapa'i.

Kalatia 1:7

Kai iifa gome auga, iifa faunina i'oina aga'o laa'i. Kai papiau isa'i oi alomi kepama'o, ke isa iifa faunina Iesu Kristo fouga kegapaefo pagainia i'oina kegapamia keoma.

Kalatia 5:12

Ke papiau kapa'i e'i pamaleleai oi alomi kepama'o au'i, lau anina laani isa ifo'i maguae'i fofouga fekeafilaisa, ega koa isa Deo ega papiau fakemia laoma.

Kalatia 6:17

Ke e'u nini'ani fuagai auga, kaisau lau keleleai opaapaukaisau aumi ainami lapalogo folokapa pugu laoma. Gome Iesu Kristo puogai Iudea papiau'i lau keafi apalaniau auga maka'i faagauai kekae. Ke maka ega'ina lau faagauai kekae auga, lau Iesu Kristo ega kala'afi auga fouga eifania.

Efesus 2:10

Lau ega laifa oma, gome Deo i'a epagamai'a. Ke i'a Iesu Kristo apako'ania aisama, Deo i'a papiau mama'a epamiai'a, ega koa pinauga felo fakapa eoma. Ke ega'ina pinaugaga auga Deo ufainagai epafua eka fakapa eoma.

Kolose 1:10

Ke lai amegamega ega koa oi Lopia agu kapagai foagu eoma auga mo agugai foagu, ke Lopia alo agopagama mo lao'i mai'i fokapa'i Lopia alo fopagama aoma. Ke lai amegamega ega koa oi pinauga felo okapa auga anina feoge, ke Deo fologo auga logo feuki akaiki'a femia aoma.

1 Timoti 3:1

Kaisau alo ko'agai pako'a papiau'i i'ima'i lopiaga gamia eoma aisama, ega'ina pinauga felo puo, opogai laomai felo mo feopolaga fekapa. I'ina iifaga auga ko'a ipauma.

2 Timoti 2:21

Ega koa i'opoga, kaisau pifoge pamalele'i au'i e'i laomai apala'i ipauma'i ma'oai ageumakalaini'i, ke ifo laomai felo'i mo agekapa'i aisama, isa auga amu gold ke silifai kekapai'i auga koa agemia. Ke isa miamia akaiki'a'i kina'iai mo akepapinauga. Ke isa ega pinauga felo ipauma kainai, Deo isa agepafua ageagu, Isa koa i'opoga alo opai auga agepamia. Ke Deo isa agepalagaina pinauga kapa felo Isa faugai gakapa eoma auga mo agekapa.

Taitus 1:16

Isa keifa Deo kelogonia keoma kai e'i laomaisai auga Deo kepuniaiaina. Ega koa kekapa puo, e'i laomaisai Deo gua kepakupua, ke Deo aina akeafia. Ega kainai isa Deo maagai kapa felo aga'o akekapa afaekaina.

Taitus 2:14

Ke Iesu Kristo, i'a a'ima auga anina eani i'a alo'a ofuga feiku'i, i'a isa ifo ega papiau ipauma'a famia, ke alo'a ko'agai laomai felo'i mo Deo maagai fakapa'i eoma. Ega kainai isa ifo imaauga elogoaina fau'aisai emae, a'a laomai apala'i ma'oai afa'i eogei'i.

Taitus 3:1

Lau Krete papiau'i kapa'ina lapamaleleni'i au'i fopaopolani'i. Ega'ina auga papiau ke'ima'i lopia'i, ke au akaiki'a'i isapu keafia au'i isa kapa'ina fekekapa akeoma auga aina'i fekeafia fekekapa. Ke aufa kina fekefua fekeagu, kapa'ina felo'i au'i mo fekekapa'i.

Taitus 3:14

Ke lau anina laani a'a papiau fakeagu aage mo laoma. Ega puo alo'i, imaau'i fofougai isafa fekemalele, Deo maagai kapa'ina felo'i au'i fekekapa'i, ega koa aufa kina kapa'ina mo ani'i keani au'i, e'i pinaugai fekekapa'i fekeafi'i laoma.

Taitus 3:8

I'ina iifaga ko'a ipauma. Lau anina laani oi i'ina kapa'i papiau maa'iai foifa kapulania laoma. Ega koa kaisau Deo kepako'ania au'i, Deo maagai kapa'ina felo auga fekeisa felo, ke alo'i imaau'i fofougai laomai felo'i mo fekekapa'i laoma. I'ina auga isa fau'iai felo ipauma, ke papiau ma'oai isafa fau'iai akepapinauga felo.

Hibru 13:21

Deo Iesu faagagai ega ekapa oma auga, fepalagainimi fofua foagu, kapa felo'i ma'oai ega logoai fokapa laoma. Ke Iesu Deo alo fepagama mo pinauga ekapaisa koa i'opoga, Iesu ega pipalagaisai, i'a Deo alo fapagama mo pinauga fakapa. Ke Iesu ega'ina auga aoniamo, Au Akaiki'a amapamia, ke amaau afagaina faefuafua. Amen.

1 Peto 2:12

Oi Deo akepako'ania papiau'i epo'iai oague alogai, agu felogai foagu. Ega koa isa oi laomai apala okapa keoma keifa apala penimi mo ganinagai, isa oi felo okapa auga fekeisa, ke Iesu Kristo agemai i'a ageisa'a kinagai aisama, isa Deo au akaiki'a fekepamia laoma.