Mateo 24:3 - Mauni Mamaga Iifaga

³ Egae kai Iesu elao Olifa ikugai eagu alogai, ega imoi ogefakeai kelao kepa'ani penia keinaka, “Gaika i'ina kapa'i akemia, ke oi emu mai kina ke agofa'a ega fua kinagai gou kapa agemia auga maamaisai moifania?” keoma.

Mateo 24:3 Iomraidhean Croise

Mateo 13:36

Iesu palapole la'afou papiau maa'iai eifania efua aisama, epua'afuni'i elao e'a alogai ekoko. Ke ega imoi au'i kemai isa kepainia keinaka, “Afa apala'i agoai keuki auga palapole kapa'ina eifania auga maamaisai oko mopakaisa,” keoma.

Mateo 13:49

Kina fuagai isafa ega koa i'opoga agemia. Ega kinagai agelo akemai papiau alo'i opaina au'i, ke papiau apala'i au'i fou ake'ea'i.

Mateo 15:12

Ega aisama isa ega imoi kemai kepainia keinaka, “Oi ega loifa oma Faliseo au'i a'o kelogonia aisama, alo'i lopalifua auga alologo ma?” keoma.

Mateo 16:27

Gome Papiau Aumauni Gauga Ama ega eaea, ke ega isapu akaiki'agai ega agelo fou akemai aisama, ega'ina kinagai isa papiau kapa'ina kekapa auga kainai mo afa agepeni'i.

Mateo 16:28

Iifa ko'a maamiai laifania. Oi isami inae oapae aumi mae gamuga afoloopo agelao Papiau Aumauni Gauga ega afuai agemai agoisa kai agomae,” eoma.

Mateo 17:19

Ega'ina afegai Iesu ega imoi ogefakeai kemai kepa'ani penia keinaka, “Kapa puo lai tiapolo amapapealaisa aoma aekainimai?” keoma.

Mateo 21:1

Egae kai Iesu ke ega imoi fou kemai Ierusaleme taonina kelaisapia, ke kemai Olifa ikugai Betfake paguagai aisama, Iesu ega imoi auni'i eulai kakau'i kelao.

Mateo 24:27

Gome kimage kina e'agau afugai eafi auga elao mo kina eake afugai koa i'opoga, Papiau Aumauni Gauga ega mai kina auga ega koa i'opoga agemia papiau ma'oai akeisa agekaina.

Mateo 24:30

“Ke ega kinagai Papiau Aumauni Gauga emai auga gouga, ufa guagai agefoki akeisa. Ega aisama aagoai ago fofouga papiau'i Papiau Aumauni Gauga akepako'ania au'i akeapepe akepinapina. Egae kai Papiau Aumauni Gauga isapu, ke eaea akaiki'agai ufai apuapuai agemai akeisa.

Mateo 24:37

Kai Papiau Aumauni Gauga agemai pugu kina auga, papiau Noa miagai ala kekapa oma koa i'opoga mo akekapa.

Mateo 24:39

Ke isa kapa'ina agemia auga oko aga'o akelogo mo elao, kou akaiki'a emai ma'oai kekogo afe'ai. Papiau Aumauni Gauga agemai aisama, papiau ega koa i'opoga mo akekapa.

Mateo 24:43

Kai oi i'ina iifaga kapa'ina eifania auga oko fologo: E'a inagome auga painao auga gapiai kina maaga kapagai agemai auga galogo koa aisama, isa ega e'a fe'ima puo, painao auga isa ega e'a faeaupea.

Mateo 28:20

Ke kapa ma'oai oi maamiai laifa kapulani'i au'i isa fopamaleleni'i, ega koa kai'iai fekepea. Ke iifa gome maamiai laifania, lau oi eemiai alaagu mo agelao agofa'a ega fua auga kina agemai kai,” eoma.

Luka 21:7

Iesu ega eifa oma aisama, ega imoi isa kepa'ani penia keinaka, “Pamalele aumu, gaika kina i'ina kapa'i akemia? Ke gou kapa agemia, lai agepalogonimai ega'ina kina emai ekainia agaoma?” keoma.

Acts 1:7

Ke Iesu einaka, “Lau Amau ifo ega logo isapugai gaika agemia, o kina maaga kapagai agemia auga epako'ania efua. Ega puo oi fologo apuga laa'i.

Hibru 9:26

Kai Iesu ifo imaauga Deo gapa'a penia faefuafua koa aisama, Deo agofa'a epagama mo alogai, isa papiau fau'iai ifo imaauga Deo fepa'a penia faefuafua. Ke aufa inipoai ega koa fekapa felao femai faefuafua puo, kiekie ma'o fepamia. Kai pau kina fua'iai Iesu i'a a'a laomai apala'i fea'ini'i eoma puo, emai fau'aisai ifo imaauga Deo epa'a peni aga'oniamo.