Mateo 22:3 - Mauni Mamaga Iifaga

³ Isa ega pinauga au'i eulai'i kelao papiau iifa epeni'i miamia fekemai eoma au'i fekepaini'i fekemai eoma. Kai ega'ina papiau'i mai anina akeani.

Mateo 22:3 Iomraidhean Croise

Mateo 21:34

Ke fino i'afe kina ekainia aisama, ago inagome auga ega pinauga au'i eulai'i kelao uma epa'ima'i au'i ee'iai ega fino anina afa kegaafia eoma.

Mateo 23:37

Egae kai Iesu Ierusaleme taonina eisa gua eaniia puo epapinapina einaka, “O Ierusaleme, Ierusaleme! Ierusaleme taoninai oagu papiaumi. Oi profeta oaupugui'i, ke Deo papiau eemiai eulai'i au'i isafa kepoai ofoupugui'i. Ke o'olo ina papiega gauga epakai guguaini'i panina papagai epakaisogoni'i koa i'opoga, lau isafa kina ma'o alou ko'agai oi gaumi maafi kaigugui'i laoma kai, oi opamafua anina aloani.

Mateo 3:2

Ke ega inogoai iina eifa oma, “Emi laomai apala'i amoumakalaini'i, gome Deo ega agofa'a emai kainagai,” eoma.

Mateo 9:15

Ke Iesu iifa epamue einaka, “Papiau amage mamaga auga ega miamia kemai au'i, amage mamaga auga fou keaguega kai alo'i emafu gouga akekapa agekaina ma? Laa'i, afaekaina! Kai kina aga'o agemai amage mamaga auga isa ee'iai akeafi'aua aisama, egae kai isa akeani gopegope,” eoma.

Luka 13:34

Egae kai Iesu Ierusaleme taonina eisa gua eaniia puo eifa einaka, “O Ierusaleme, Ierusaleme! Ierusaleme taoninai oagu papiaumi, oi profeta oaupugu'i, ke Deo papiau eemiai eulai'i au'i isafa kepoai ofoupugu'i. Ke o'olo papiega gauga epakai guguaini'i panina papagai epakaisogoni'i koa i'opoga, lau isafa kina ma'o alou ko'agai oi lau gau aumi maafi kaiguguimi laoma kai, oi opamafuisau aniu aloani!

Luka 15:28

“Aaga fa'aniau ega'ina iifaga a'o elogonia aisama, gua ekupu alogaina, e'ai koko epamafua. Ega puo ama epealai elao egoinia fou kekoko kelao eoma.

Luka 19:27

Ke lau e'u ou au'i lau kin famia, ke isa fa'ima'i auga anina akeani au'i ma'oai amomaiseini'i inae agouai amoaupugu'i,’ eoma.”

Ioane 5:40

Kai oi lau eeu fomai ega koa agu pagai maunina foafia auga oumakalaina.

Acts 13:45

Kai Iudea papiau'i la'afou akaiki'a keisa aisama, alo'i pikupa epogu. Ke Paulo kapa'ina eifania au'i ee'iai keifa apala.

Roma 10:21

Kai Deo Israel papiau'i eifani'i auga fouga Aisaea iina eifa oma: “Papiau Lau ainau akeafia au'i, ke keumakalainiau au'i ee'iai aufa kina Lau imau lakalaisa,” eoma. Aisaea 65:2

Hibru 12:25

Ufainagai Moses aagoai eagu aisama, Deo ega iifa papiau maa'iai eifania. Ke papiau isa aina keumakalaina au'i, Deo isa e'i laomai apala afa agepeni'i auga eegai akepiau koko, ma'oai keafi afe'aina. Ke pau Deo ufai eague auga, Iesu eulaisa aina'a epalogo. Kai i'a Deo agaumakalaina agamunia aisama, Deo i'a a'a laomai apala afa agepeni'a auga eegai fapiau koko koa auga keagaga aga'o laa'i. Ega puo foisa felo, Deo oi epainimi auga aina folopamafua.

Hibru 9:15

Iesu ifagai ega ekapa oma auga, Deo papiau eifani'i au'i ega pako'a iifaga ega agofa'ai ekae aoniamo isa apu'i eoma auga fekeafia eoma. Ke pau Iesu papiau pako'a nini'anina kapula eufai auga papagai laomai apala'i kekapa'i au'i isafa afa'i feoge ke fepapealai'i eoma. Ega kainai Iesu i'a fau'aisai emae, Deo ke papiau epo'iai gagao ekokoaina. Ega koa ekapaisa pako'a nini'anina mamaga ekapaisa.

Revelation 22:17

Ke Deo ega Spiritu, ke ifiao Sipi Gauga ageakafania auga fou keifa keinaka, “Mai,” keoma. Ke kaisau aina epaaua isa aina'i elogo auga feifa, “Mai,” feoma. Ke kaisau aiso ekupu auga femai. Ke kaisau anina eani auga, femai fei mauni epipeni auga afa laa'i, feafi aagenia mo.