Mateo 21:3 - Mauni Mamaga Iifaga

³ Ke aufalao aga'o iifa aga'o afeifania koa aisama, fopaina Lopia, ani'i eani fooma. Ke isa fiakoa mo donki gauga fou agelogoaini'i agomaiseini'i,” eoma.

Mateo 21:3 Iomraidhean Croise

Mateo 21:2

Ke epaini'i einaka, “Pagua agomiai auga olao ke agokoko mo alogai, egae donki ke gauga agu'a fou ufeai kepaaukopa'i keapae agoisa'i. Isa auni'i fogupuki'i fomaiseini'i.

Mateo 21:4

I'ina kapa emia ega koa profeta Deo ega iifa pukagai kapa'ina kepapua auga ko'a emia.

Ioane 17:2

Gome Oi isa isapu lopeniia papiau ma'oai fe'ima'i ega koa papiau ma'oai isa lopenia au'i, agu pagai maunina fepeni'i looma.

Ioane 3:35

Ke Ama alo ko'agai Gauga anina eani, ke kapa ma'oai isa imagai epaaua.

Acts 17:25

Ke Isa ifo i'a a'a agu maunina, lalau'a epenii'a, ke kapa ma'oai ani'i aani au'i isafa epenii'a. Isa kapa ma'oai inagome, ke kapa ma'oai Isa apuga. Ega puo papiau aumauni ima'aisai, kapa ma'oai fakapa'i Deo fapa'a penia fapalagaina auga anina aeani.

2 Korinto 8:16

Ke lau oi eemiai ala laopopo oma koa i'opoga, Deo Taitus oi ega feopopolai omaimi auga laoga maina alogai eogeisa auga Deoga tenkiu lapenia.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

James 1:17

Kai fologo felo, Deo Ama'a eaea ma'oai, kina, gafa ke mi'imi'i ufa guagai aisa'i au'i epagama'i. Ke kina, gafa, ke mi'imi'i eaea'i i'oi'i akemia kai, Deo auga eaea ma'oai gome auga puo, egama mo egama, i'oina agemia afaekaina. Ke kapa felo'i, ke pipeni felo'i ipauma'i au'i ma'oai Deo au'oniai eague auga eegai kemai.