Mateo 21:1 - Mauni Mamaga Iifaga

¹ Egae kai Iesu ke ega imoi fou kemai Ierusaleme taonina kelaisapia, ke kemai Olifa ikugai Betfake paguagai aisama, Iesu ega imoi auni'i eulai kakau'i kelao.

Mateo 21:1 Iomraidhean Croise

Mateo 20:34

Iesu isa ega keifa oma aina'i elogonia aisama, gua'i eaniia puo maa'i eafi opogaina. Ega aisama fiakoa mo maa'i felo emia, ke isa muninai kepea.

Mateo 21:2

Ke epaini'i einaka, “Pagua agomiai auga olao ke agokoko mo alogai, egae donki ke gauga agu'a fou ufeai kepaaukopa'i keapae agoisa'i. Isa auni'i fogupuki'i fomaiseini'i.

Mateo 24:3

Egae kai Iesu elao Olifa ikugai eagu alogai, ega imoi ogefakeai kelao kepa'ani penia keinaka, “Gaika i'ina kapa'i akemia, ke oi emu mai kina ke agofa'a ega fua kinagai gou kapa agemia auga maamaisai moifania?” keoma.

Mateo 26:30

Ke Deo isau afagaina iifina keifinia efua aisama, kekailai Olifa ikuga kelao.

Mako 13:3

Ega'ina afegai Iesu elao Deo ega e'a epaai pagainia afugai Olifa ikugai eaguega kai Peto, James, Ioane ke Andru fou isa eega kemai ogefakeai kepa'ani penia keinaka:

Mako 14:26

Ke Deo isau afagaina iifina keifinia efua aisama, kepealai Olifa ikuga kelao.

Luka 21:37

Ega'ina kina'iai aufa kina Iesu Deo ega e'ai epamalele ke egapigapi aisama, elao iku aka Olifa keoma auga ikugai elaagai.

Luka 22:39

Egae kai Iesu Olifa ikuga elaolao koa i'opoga elao, ke ega apostolo 11 isafa muninai kelao.

Ioane 8:1

Kai Iesu auga e'agaukae Olifa ikuga elao.

Acts 1:12

Egae kai apostolo Olifa ikuga kepua'afuga kemue Ierusaleme taonina kelao. Ega'ina afuga Ierusaleme taonina fou epo'i auga maefa laa'i, Kilomita aga'omo koa i'opoga.