Mateo 2:4 - Mauni Mamaga Iifaga

⁴ Ke isa Iudea papiau'i e'i sakedote lopia'i ma'oai, ke Moses ega iifa pamalelega au'i ma'oai fou eifa kaigugui'i efua aisama, Mesaia kapai agemauni auga epa'aniaina.

Mateo 2:4 Iomraidhean Croise

Mateo 13:52

Ega aisama epaini'i einaka, “Ega puo Moses ega iifa pamalelega au'i ma'oai Deo ega agofa'a fouga a'o kelogo au'i auga, e'a inagome auga ega amu isoge e'a alogai amu afa'i akaiki'a'i au'i, mama'i ke ufai'i isafa fou eafilai'i ofakaegai eoge'i auga koa i'opo'i,” eoma.

Mateo 2:3

Kin Herod ke Ierusaleme taonina papiau'i ma'oai fou i'ina iifaga a'o kelogonia aisama, kegaagu auga aekainia.

Mateo 2:5

Ega aisama isa keifa keinaka, “Iudea agogai Beteleme taoninai agemauni, gome profeta aga'o Deo ega iifa pukagai iina epapua oma:

Mateo 21:15

Kai sakedote lopia'i, ke Moses ega iifa pamalelega au'i, Iesu kapa akaiki'a'i ekapai'i keisa, ke imoi keagaga, ‘Hosana, Davide okogai emai auga amaau afagaina,’ keoma aina'i kelogonia aisama, gua'i ekupu alogaina.

Mateo 21:23

Ke Iesu Deo ega e'a alogai ekoko ke egae epapamalele laolao kai, sakedote lopia'i ke Iudea au akaiki'a'i au'i fou kemai Iesu eegai kai kepa'ani penia keinaka, “Isapu kapagai i'ina kapa'i lokapa'i? Ke kai isapu epeniio ega koa lokapa?” keoma.

Mateo 26:3

Ega'ina alogai sakedote lopia'i ke Iudea au akaiki'a au'i fou sakedote lopia fa'a aka Kaiafas ega e'a akaiki'agai kekaigugu.

Mateo 26:47

Iesu enini'ani laolao kai, ega imoi au'i 12 epo'iai aga'o Judas keoma auga emai isa ee'iai. Ke sakedote lopia'i, ke au akaiki'a'i papiau ke'ima'i au'i fou au keulai'i au'i, la'afou akaiki'agai ifani a'ifa'i ke kopi fou keafii'i isa fou kemai.

Mateo 27:1

Egani amagai ipauma, sakedote lopia'i ke au akaiki'a'i ega'ina fou kepako'ania keifa Iesu femae keoma.

Mateo 7:29

Gome isa Moses ega iifa pamalelega au'i koa aepamalele kai, Deo ega isapu eafia auga koa epamalele.

Mako 8:31

Egae kai Iesu e'ina ega imoi epamaleleni'i. Ke maa'iai Papiau Aumauni Gauga kapa ma'o mo fau'iai fekiekie, ke au akaiki'a'i, sakedote lopia'i, ke Moses ega iifa pamalelega au'i isa fekeumakalaina fekeaupugua kai, kina oiso afegai femaunimue pugu auga fouga eifania.

Luka 20:19

Ega aisama Moses ega iifa pamalelega au'i ke sakedote lopia'i fou kefiaisakoa mo keaga aga'o kekapunia Iesu kegaafia kegagope keoma. Gome Iesu palapole ega'ina eifania auga isa fou'i eifania auga kelogo. Kai isa papiau kemani'iaini'i puo Iesu akeafia akegopeisa.

Luka 23:10

Kai sakedote lopia'i ke Moses ega iifa pamalelega au'i Iesu fou kemai au'i Iesu kapa ko'a'i mo ekapai'i ganinagai, iifa ipakainai pifogeai keifa kapulania.

Ioane 18:3

Ega puo Judas ke Faliseo au'i fou ifani au'i ma'o, ke sakedote lopia'i keulai'i au'i isa'i e'afeini'i kemai. Ke isa ikui, lanepa, ke pipaini amu'i fou keafii'i kelao ega'ina afugai.

Ioane 3:10

Iesu einaka, “Oi Israel papiau'i e'i pamalele aumu lakoa, alakoa i'opoga i'ina kapa'i oko'i alologo?

Ioane 7:32

Faliseo au'i la'afou papiau'i keifa kekefa mo Iesu fouga ega keifa oma auga fouga kelogo. Ega aisama sakedote lopia'i ke Faliseo au'i fou Deo ega e'a ke'ima au'i keulai'i kelao Iesu kegaafia kegagope keoma.

Ioane 8:3

Ega'ina alogai Moses ega iifa pamalelega au'i ke Faliseo au'i fou paafau peage lapau papiega aga'o, au aga'o fou kefeufeu kai keisa'i auga keafiia kemaiseina la'afou ega'ina ago'iai kepaapa.

Acts 23:9

Ke fou keakekua keagaga a'oa'o akaiki'a emia. Faliseo epo'iai, Moses ega iifa kepamalelenia au'i isa'i ke'uegekae Saduseo au'i kelo'u peni'i keinaka, “Lai i'ina auga faagagai kapa aga'o apala alakapulaisa. Iifa gome isage o agelo i'ina auga fou kenini'ani koa aisama, apala aga'o aekapaisa puo faagagai kapa aga'o fakapa koa afaekaina,” keoma.

Acts 4:5

Egani aisama, Iudea ago ke'ima lopia'i, Iudea au'i akaiki'a'i, ke Moses ega iifa pamalelega au'i fofouga, Ierusaleme taoninai kekaigugu.

Acts 6:12

Ega koa kekapaisa, isa papiau ke au akaiki'a'i au'i, Moses ega iifa pamalelega au'i gua'i kepafaugaina gua'i kepakupua. Ke isa kemai Stefano keafiia kelaoaina kansolo au'i ago'iai kepaapa.