Mateo 2:2 - Mauni Mamaga Iifaga

² Ke isa Herod eega kelao kepa'ani penia keinaka, “Iudea e'i kin emauni auga kapai? Lai isa ega mi'imi'i kina e'agau afuga kainai emai aisa puo, amai amaau afagaina aoma,” keoma.

Mateo 2:2 Iomraidhean Croise

Mateo 2:3

Kin Herod ke Ierusaleme taonina papiau'i ma'oai fou i'ina iifaga a'o kelogonia aisama, kegaagu auga aekainia.

Mateo 21:5

“Sion gauga ifiaoga amopaina: ‘Moisa, oi emu kin eemu efai moisa. Isa ifo e'ele epamia donki laagai eaguka, ega'ina auga isa donki gauga laagai eaguka efai.’” Sakaraia 9:9

Mateo 27:11

Kai ega'ina alogai Iesu kafana Pilato agogai eapa iifa epakaisa. Pilato isa epa'ani penia einaka, “Oi Iudea papiau'i e'i kin ma?” eoma. Ke Iesu einaka, “E, oi loifania koa i'opoga,” eoma.

Luka 19:38

“Lopia akagai kin emai auga Deo eegai kapa felo'i eafi'i,” keoma. Ke keifa pugu keinaka, “Ufai Deo ke papiau aagoai fou gagagaoni'i, ke au'oniai Lopia Au Akaiki'a apamia aau afagaina,” keoma.

Luka 2:11

Pau oi epomiai Betelemeai, Davide ega taoniai kaniami Isagamauga Auga emauni. Isa Lopia, ke Mesaia auga.

Luka 23:3

Ega aisama Pilato Iesu epa'ani penia einaka, “Oi Iudea papiau'i e'i kin ma?” eoma. Ke Iesu einaka, “E! Oi loifania koa i'opoga, lau Iudea papiau'i e'i kin paisa,” eoma.

Luka 23:38

Egae kai Iesu kania laagai i'ina iifaga kepapua keogeisa: ‘I'ina auga Iudea papiau'i e'i kin,’ keoma.

Ioane 1:49

Natanael Iesu ega eifa oma aina elogonia aisama eifa einaka, “Rabai, oi Deo Gauga aumu ke oi Israel e'i Kin Aumu,” eoma.

Ioane 12:13

Ega aisama isa pa'ogo aga'i kefaiponi'i keafii'i kai, kepea apua keagaga keinaka: “Hosana!” “Lopia akagai emai auga Deo isa kapa felo'i epenia!” Sam 118:25-26 “Israel e'i Kin auga Deo eegai kapa felo'i eafi'i!” keoma.

Ioane 18:37

Ega puo Pilato einaka, “Ega koa aisama oi kin ma?” eoma. Ke Iesu einaka, “Oi lau kin looma auga egamo'e loifania. Iifa gome, ega'ina kainai lau lamauni, ke ega'ina kainai lau lamai i'ina agofa'agai ega koa Deo ega iifa ko'a auga faifafoua laoma. Ke papiau ma'oai Deo ega iifa ko'a agugai keagu au'i, lau ainau kelogo,” eoma.

Ioane 19:19

Ke Pilato malele aga'o epapua umania mo kolotiai Iesu kania laagai keau'u'ua. Ega'ina malelega iina eifa oma: IESU NASARETA AUGA IUDEA AU'I E'I KIN.

Ioane 20:28

Ega aisama Tomas Iesu epainia einaka, “E'u Lopia, e'u Deo,” eoma.

Ioane 5:23

Ega koa papiau ma'oai Ama au akaiki'a kepamia koa i'opoga, Gauga isafa au akaiki'a fekepamia eoma. Kai kaisau Gauga au akaiki'a aepamia auga Ama, Gauga eulaisa auga au akaiki'a aepamia.

Ioane 9:38

Ega aisama au ega'ina einaka, “Lopia lau oi lapako'anio,” eoma, ke eau afagaina.

Hibru 1:6

Kai Deo Gauga fa'aniauga gamaiseina agofa'ai eoma aisama, isa faagagai kapa'ina agemia auga fouga ega iifa pukagai iina eifa oma: “Lau Deo e'u agelo ma'oai isa kegaau afagaina,” eoma. Deuteronomy 32:43

Revelation 22:16

Lau, Iesu e'u agelo laulaisa, iifi e'a fau'iai ega'ina iifaga ko'a ipauma auga feifafoua laoma. Ke lau auga Mesaia, Davide okogai lamai au akaiki'au au, ke Davide akagai lamai au. Ke lau auga amagai mi'imi'ina eeaea alogaina au,” eoma.