Mateo 2:12 - Mauni Mamaga Iifaga

¹² Ega'ina afegai Deo nipiai aina'i epalogo Herod eega fakelao eoma puo, keaga i'oina keafiia kemue ifo'i e'i ago kelao.

Mateo 2:12 Iomraidhean Croise

Mateo 1:20

Kai isa ega'ina opolaga eafiia alogai, kina aga'o gapiai, Lopia ega agelo nipiai isa eapakina penia epainia einaka, “Iosepa, Davide okogai lomai aumu, Maria foafia emu e'a folaoaina, akafamu femia auga mani'ina folopa'aua. Gome imoi Maria gua alogai auga, Deo ega Spiritu ega isapuai eafiia.

Mateo 2:13

Isa kemue kelao afegai, Lopia ega agelo nipiai Iosepa eapakina penia epainia einaka, “Mo'ue imoi moafia ina fou amopiaukoko Isipto amolao. Ke egae mo foagu felao alapainio kai fomue pugu, gome Herod isa agekapuga gaaupugua ageoma,” eoma.

Mateo 2:19

Herod emae afegai, Lopia ega agelo aga'o Isiptoai nipiai Iosepa eapakina penia.

Mateo 2:22

Kai isa Herod gauga Akelaus ama afuga eafiia Iudea ago e'ima auga fouga elogo aisama, ega felao auga emani'i. Ke Deo nipiai isa aina epalogo afegai, Kalilea ago elao.

Mateo 27:19

Ke Pilato ega agu afugai eagu papiau e'i laomai felo o apala afa epeni'i afugai eaguega kai, isa akafa iifa eulaisa einaka, “Au ega'ina kapa apala aga'o aekapaisa auga faagagai kapa aga'o folokapa. Gome lau pau lanipi, ke nipiai au ega'ina puogai kiekie akaiki'a laafiia,” eoma.

Luka 2:26

Deo ega Spiritu isa afaemae ageagu agelao Lopia Deo ega Mesaia ageisa afegai kai, agemae auga epalogo.

Acts 10:22

Ke isa keinaka, “Konelius, Roma ifani au'i 100 e'ima'i lopiaga eulaimai. Isa Deo maagai alo opai auga, ke Deo emani'iaina, Isa mo eopolaga. Iudea papiau'i ma'oai isa ega koa ekapa auga kelogo puo aina keafia. Ke Deo ega agelo alo elolofa auga aga'o emai isa epainia, iifa feulaisa oi fomai isa ega e'ai, ke isa oi kapa'ina aloifania auga a'o felogo eoma,” keoma.

Acts 4:19

Kai Peto Ioane auni'i iifa kepamue keinaka, “Oi ainami amaafia o Deo aina amaafia? Oi ifomi Deo maagai kapa'ina felo auga amoopolaga.

Acts 5:29

Ega aisama Peto ke apostolo isa fou keinaka, “Lai Deo aina agaafi kakaua kai papiau aumauni aina'i agaafia.

1 Korinto 3:19

Gome Deo agogai i'ina agofa'a ikifaga auga kafo'o ikifaga. Ke ega'ina fouga Deo ega iifa pukagai iina kepapua oma: “Lopia, papiau agofa'a ikifagai kepipifoge kai, eafii'i epafoki'i, ke e'i ikifa ega'ina auga anina laa'i emia.”

Hibru 11:7

Ufainagai Deo Noa aina epalogo, imu akaiki'a agepa'aua papiau laomai apala'i kekapa'i au'i e'i apala afa'i ageoge eoma. Noa Deo kapa'ina eifania auga epako'ania puogai, imu kina aemai aeisa koa kai, Deo Au Akaiki'a epamia aina eafiia. Ke ega famili kania'i gaagamauga eoma puo sikuna ekapaisa. Ke ega pako'ai sikuna ekapaisa kainai, agofa'a papiau'i Deo akepako'ania au'i e'i laomai apala afa Deo epenii'i auga epakinai'a. Ke Deo eifa kaisau Isa agepako'ania auga Isa maagai alo opaina agemia eoma. Noa ega'ina pako'agai Deo maagai alo opaina emia.

Hibru 8:5

Aagoai Deo ega e'a ekaega alogai kepinauga auga, ufai Deo ega e'a ko'a ipauma auga ogo ke iisa i'opoga mo. Ega kainai ufainagai Moses Deo ega e'a kepua aisoge auga gapaapa eoma alogai, Deo Moses aina epalogo iina eifa oma: “Foisa felo, ikuai Lau e'u e'a ufai ekaega auga iisa ala koa lapakinaiso auga i'opoga mo fokapa,” eoma.