Mateo 2:11 - Mauni Mamaga Iifaga

¹¹ Ke kemai ega'ina afugai kekoko aisama, imoi ina Maria fou egae keisa. Ke kelao keloukipo imoi keau afagaina. Egae kai e'i amu afa'i akaiki'a'i keuka'i fe'a kegupuki'i, ke pipeni amu'i, gold, ke mulamula foga'i felo'i au'i, ke myrrh keoma auga fou kekagau'i imoi kepalao penia.

Mateo 2:11 Iomraidhean Croise

Mateo 1:18

Ke pau Iesu Mesaia auga ega mauni fouga iina epea oma. Isa ina Maria auga pako'a iifaga kepaapa Iosepa auni'i fekeamage keoma. Kai auni'i akeagu fou koa kai, Maria Deo ega Spiritu ega isapuai epakaisau. Iosepa Maria epakaisau auga eisa elogo kai, Deo ega Spiritu ega isapuai epakaisau auga aelogo.

Mateo 12:46

Iesu la'afou papiau'i maa'iai enini'ani laolao kai, isa ina ke akina fou kemai afegai keapa fou keganini'ani keoma.

Mateo 14:33

Egae gaagai keaguka au'i isa ega koa ekapaisa keisa aisama, keau afagaina keinaka, “Iifa ko'a, oi Deo gauga paisa,” keoma.

Mateo 2:10

Isa mi'imi'i imoi eka afuga laagai eapakipo keisa aisama, alo'i egama alogaina.

Mateo 2:2

Ke isa Herod eega kelao kepa'ani penia keinaka, “Iudea e'i kin emauni auga kapai? Lai isa ega mi'imi'i kina e'agau afuga kainai emai aisa puo, amai amaau afagaina aoma,” keoma.

Luka 2:16

Ega puo fiakoa mo kelao Maria Iosepa auni'i, ke imoi fafaoai ekauka auga afuga kekapunia kelao kekapulaisa.

Luka 2:38

Isa imoi ega'ina ina ama fou Deo ega e'ai keapaega kai eisa'i. Ega aisama ee'i elao Deo tenkiu epeniia. Egae kai Deo Israel papiau'i e'i ou au'i ee'iai kania'i ageagamauga ke'ima au'i ma'oai maa'iai imoi ega'ina fouga eifafoua.

Ioane 19:39

Ke isa elao alogai Nikodemus, gapiai elao Iesu eisa auga fou kelao. Kelao aisama, Nikodemus mulamula foga'i felo'i aka'i myrrh ke aloes keoma auga fou eafii'i elao. Mulamula ega'ina e'i meau auga 34 kilo.

Revelation 19:10

Ega aisama lau isa ife fo'inai laomukipo maau afagaina laoma. Kai isa lau epainiau einaka, “Moisa! Ega'ina folokapa! Lau auga pinauga au aga'o, oi ke aamu akimu Iesu fouga ko'a mo oifafoua aumi koa i'opou. Oi Deo moau afagaina! Gome Iesu fouga ko'a mo auga Deo ega Spirituai profeta eifania auga.

Revelation 5:8

Ke eafiia aisama, pagama kapa'i maa'i maunina au'i pani au'i, ke au akaiki'a'i ufai keague au'i 24 au'i fou Sipi Gauga agogai keomukipo. Ke au akaiki'a'i ufai keague au'i aga'o aga'o harp keafii'i, ke liti goldai kekapa'i alo'iai mulamula foga felo kepogu au'i keafii'i. Mulamula foga felo ega'ina auga, Deo ega papiau e'i megamega.