Mateo 17:3 - Mauni Mamaga Iifaga

³ Ega aisama Moses Elaija auni'i isa ago'iai keapafoki Iesu fou kenini'ani keisa'i.

Mateo 17:3 Iomraidhean Croise

Mateo 17:2

Egae isa au'i oiso ago'iai Iesu eponi. Ke kua maaga auga kina eaga eaea koa emia, ke afe tiapuga auga eeaea ekelo alogaina, eaea keloga koa i'opoga emia.

Mateo 17:4

Ke Peto Iesu epainia einaka, “Lopia, lai oi fou amai inae auga felo ipauma. Oi anina loani koa aisama, lau inae efe'efe oiso alakapa'i, aga'o oi apumu, aga'o Moses apuga, ke aga'o Elaija apuga agemia,” eoma.

Mako 9:4

Ke egae ago'iai Elaija Moses auni'i keapafoki, Iesu fou kenini'ani keisa'i.

Luka 1:17

Ke ufainagai Elaija Deo ega Spiritu isapuga eafiia epinauga koa i'opoga, isa ega'ina isapuga ageafia. Ke Lopia aemai koa kai, isa imoi ama'i alo'i agepaefo pagainia gau'i akeaipeni'i, ke papiau Deo aina akeafia au'i isafa alo'i agepaefo pagainia, papiau Deo maagai alo opai au'i e'i ikifa keagagai akepea. Ke Lopia faugai papiau agepafua'i akeagu,” eoma.

Luka 16:16

Ke Iesu eifa pugu einaka, “Moses ega iifa ke profeta e'i iifa papiau maa'iai keifafoua mo emai Ioane Baptista miagai. Ke Ioane Baptista miagai emai mo pau i'ina kina alogai, lau iifa faunina Deo ega agofa'a fouga papiau maa'iai laifafoua. Ke papiau i'ina iifaga a'o kelogonia aisama, ifo'i kepaafi'i keuniaimoimo Deo ega agofa'ai kegakoko keoma.

Luka 24:27

Egae kai Iesu Deo ega puka ma'oai alo'iai isa ifo fouga Moses faagagai e'ina ke profeta ma'oai kapa'ina mo keifani'i au'i maa'iai oko epakaisa.

Luka 24:44

Egae kai epaini'i einaka, “Moses ega iifa profeta kepapua, ke Sam puka alo'iai lau fou kepapua'i au'i ma'oai ko'a'i mo fekemia. I'ina iifaga auga lau oi fou aaguega kai maamiai laifani'i,” eoma.

Luka 9:33

Kai ega'ina au'i auni'i Iesu kepua'afuga kelao alogai, Peto Iesu epainia einaka, “Au Akaiki'a Aumu, inae faagu auga felo. I'a efe'efe oiso fakapa, aga'o oi apumu, aga'o Moses apuga, ke aga'o Elaija apuga,” eoma. (Peto kapa'ina eifania auga oko aelogo felo kai eifa aagenia mo.)

Ioane 1:17

Gome Deo papiau kapa'ina fekekapa eoma iifaga auga Moses epeniia papiau epenii'i. Kai ega gafegafe akaiki'a ke ega iifa ko'a ipauma auga Iesu Kristo faagagai emai papiau keafiia.