Mateo 16:3 - Mauni Mamaga Iifaga

³ Ke amagai aisama oifa, ‘Pau ufa gua epito, ke apuapu ufa gua ekaisapua puo kina apala agemia,’ ooma. Oi ufa guagai kapa'ina emia oisa aisama, kina kapa auga oifania ekaina. Kai pau Mesaia emai efua auga gouga kapa'ina mo kemia oisa'i mo ganinagai, pau kina kapa auga agoifania afaekaina.

Mateo 16:3 Iomraidhean Croise

Mateo 11:5

Isa fopaina, maakimi'i au'i afu keisa, melo au'i kepea, molumolu isafaga keafia au'i faaga'i felo emia, aina'i efua au'i a'oa'o kelogo, mae au'i kemaunimue, ke iifa faunina ulalu papiau'i maa'iai iifafouga emia fooma.

Mateo 15:7

Pifoge aumi! Ufainagai profeta Aisaea oi pau kapa'ina agokapa auga fouga Deo ega iifa pukagai epapua auga ko'a:

Mateo 22:18

Kai Iesu isa e'i opola apalagai kepa'ani auga elogo puo epaini'i einaka, “Pifoge aumi. Kapa puo lau o'opoisau?

Mateo 23:13

“Moses ega iifa pamalelega aumi ke Faliseo aumi fou pifoge aumi! Deo oi afa apala fepenimi laoma! Gome oi papiau Deo ega agofa'ai fekekoko auga pa'afina okupuga. Ega koa okapa oi ifomi alokoko, ke papiau egae kegakoko keoma au'i isafa alologoaini'i akekoko.

Mateo 4:23

Ega'ina afegai Iesu Kalilea ago fofouga alogai epea, Iudea papiau'i e'i la'afou afu'iai ekoko epamalele, ke iifa faunina Deo ega agofa'a fouga einogoaina. Ega'ina alogai papiau isafa i'oi'i i'oi'i keafi'i au'i kemai ma'oai epafelo'i.

Mateo 7:5

Pifoge aumi! Foufai ifomi maamiai au u'ufa ekae auga foafilaisa kai, maami ofakaegai aami akimi maa'iai iili aeapuga ekae auga agoafilaisa agekaina.

Luka 11:44

“Ke oi afemi auga la koa i'opoga, ke alomi auga laai papiau aga'o imaauga efoka koa i'opoga. Kai papiau oi alomi ala efoka oma auga akelogo puo, laagai kepea pagai oi fou opea olao omai. Ke ega koa emia oi isa opagaga'i puo, isa oi koa i'opomi mo kekagakaga. Ega puo Deo oi emi laomai apala afa fepenimi laoma!” eoma.

Luka 12:56

Oi aagoai ke ufa guagai kapa'ina mo kemia oisa'i aisama, ologo oifani'i. Kai ala koa i'opoga pau kapa'ina mo kemia au'i alologo aloifani'i. Oi pifoge ipauma aumi!

Luka 13:15

Ega aisama Lopia Iesu au ega'ina ega iifa epamue einaka, “Deo oau afagaina kinagai oi epomiai au aga'o ega polomakau o ega donki fei fepenia eoma aisama, ega feufeu afugai aegupuka fei aepenia pagu? Oi pifoge aumi! Isa elao polomakau o donki egupuka elaoaina fei epenia.

Hibru 5:14

Kai kaisau aufa kina ifo'i mino'i kepapinauga Deo maagai kapa'ina felo o apala auga kelogo, ke felo mo kekapa au'i, papiau apao'i mo e'i fo'ama keania koa i'opoga.