Mateo 15:2 - Mauni Mamaga Iifaga

² “Kapa puo oi emu imoi papiau apao'i e'i kagakaga laagai keaopagai? Gome isa ima'i akeikua kai keaniani!” keoma.

Mateo 15:2 Iomraidhean Croise

Luka 11:38

Kai Faliseo auga ega'ina Iudea e'i kagakaga kainai Iesu ima aeiku kakaua kai gaaniani eoma auga eisa aisama, ekauai alogaina eopofua.

Mako 7:2

Ke isa Iesu ega imoi e'i kelele aga'o kekapulaisa auga, isa ima'i akeikuisa kai ima'i maiofuga mo palafa keafiia keaniia keisa'i.

Kolose 2:8

Ke foisa felo ega koa kai aga'o i'ina agofa'a ikifaga au'i e'i pamaleleai, ke pifoge nini'ani'i kapa aga'o afakepagama au'i nini'ani'iai oi fakepaoaimi fakeafimi. Ega'ina pamalele'i ke nini'ani'i au'i papiau aumauni e'i kagakagai, ke agofa'ai pamalele e'ele'i, papiau aumauni fekepalagaini'i i'ina agofa'agai fekeagu fekaina auga mo pamalele'i kai, Iesu Kristo fouga akepamalelenia.

1 Peto 1:18

Gome kapa aga'o afakepagama auga aguga, oi ufumi apami ee'iai oafiia oagu. Oi ega'ina agugai oaguega kai, Deo oi afami eogeisa ega'ina agugai epapealaimi auga ologo. Kai Isa oi kapa laa'i akemia au'i kapa'iai, silifai, o goldai afami aeogeisa.

Mako 7:5

Ega puo Faliseo au'i ke Moses ega iifa pamalelega au'i Iesu kepa'ani penia keinaka, “Kapa puo oi emu imoi ufu apa kagakaga kainai akepea kai, ima'i maiofuga mo keaniani?” keoma.

Mateo 15:3

Ega aisama Iesu isa e'i iifa epamue einaka, “Ke oi aumi kapa puo, emi kagakaga mo faugai Deo ega iifa kapula'i au'i oaupea'i?

Kalatia 1:14

Ke Iudea au'i agu'a'i lau fou inipomai aga'omo au'i epo'iai, lau auga isa ma'oai laka'egai afe'aini'i, ke alou imaau fofougai lai ufumai apamai e'i kagakaga ma'oai mo kai'iai lapea.