Mateo 14:3 - Mauni Mamaga Iifaga

³ Herod ega eifa oma, gome isa Iesu fouga aelogo koa kai, isa ifo akina Filip akafa Herodias eakafania puogai Ioane Baptista eafiia egopeisa tipulai epaagua.

Mateo 14:3 Iomraidhean Croise

Mateo 11:2

Ioane Baptista tipula e'agai eaguega kai, Iesu kapa'ina ekapaisa auga fouga elogo aisama, ega imoi eulai'i kelao Iesu kepa'ani penia keinaka, “Au aga'o agemai keoma auga oi, o aufalao aga'o i'oina ma fa'ima?” keoma

Mateo 14:6

Kai Herod ega mauni kina miamiaga ekapaisa aisama, Herodias gauga ifiaoga emai isa ma'oai ago'iai egefa, ke Herod alo epagama alogaina.

Mateo 4:12

Ega'ina afegai Iesu Ioane kepatipulania auga fouga elogo aisama, emue Kalilea ago elao.

Mako 6:14

Ega kina'iai kin Herod, Iudea ago e'ima auga Iesu fouga elogo. Gome Iesu aka afu ma'oai mo alo'iai efoufa'a. Ke isa einaka, “Ioane Baptista emaunimue. Ega kainai mirakulo isapu'i isa faagagai kepinauga,” eoma.

Mako 6:17

Gome Herod ifo, isa akina akafa Herodias puogai ega au au'i eulai'i kelao Ioane keafiia kepatipulania. Gome isa Herodias eakafania.

Mako 6:19

Ega puo Herodias Ioane fou epo'iai akekua eka, ke gaaupugua eoma kai, aekainia.

Mako 6:22

Ke Herodias gauga ifiaoga emai egefa, Herod ke ega la'afou au'i alo'i epagama aisama, Herod ifiao epainia einaka, “Kapa'ina anina loani auga eeuai mogoina, lau oi alapenio,” eoma.

Mako 8:15

Ega aisama ega imoi aina'i epalogo einaka, “Maami fekiakae! Herod ke Faliseo au'i e'i pifoge auga, palafa iuma mulamula palafa alogai keoge eufu koa i'opoga, isa e'i pifoge isafa euki papiau epo'iai ekoko epalifu'i auga foisa felo,” eoma.

Luka 13:1

Ega'ina alogai papiau isa'i egae Iesu fou keapa au'i, Iesu maagai Pilato Kalilea au'i Deo amu kepapa'a penia kai eaupugu'i ifa'i ega'ina amu'i alo'iai ekoko fou elapui auga fouga keifania.

Luka 13:31

Ega aisama Faliseo au'i isa'i Iesu eega kemai kepainia keinaka, “Herod oi gaaupuguiso eoma puo, i'ina afuga mopua'afuga afu i'oina aga'o molao,” keoma.

Luka 23:11

Ega aisama Herod ega ifani au'i fou Iesu keisa papa, kepa'aua ke keifa apala penia. Ke Iesu ifo kin eoma auga a'o kelogonia puo, lopia tiapu felo kei'iuka auga tiapuga kepai'iuka kai, keulaisa emue Pilato eega elao pugu.

Luka 23:7

Ke Pilato Iesu Kalilea auga fouga elogo aisama, Herod Kalilea papiau'i e'imai'i puo eulaisa elao isa eegai oko fepakaisa eoma. Ega'ina kina'iai Herod isafa Ierusaleme taoninai eagu puo eulaisa eega elao.

Luka 3:1

Inipo ma'o elao afegai, Roma kamanina e'ima lopia fa'aga aka Tiberius, Roma ago ke Roma papagai keagu ago'i ma'oai e'imai'i. Isa Roma agofa'a fofouga e'imaisa inipo 15 elao. Ega aisama Roma kamanina papagai, Roma auga aka Pontio Pilato Iudea ago fofouga kafanaga emia. Kai isa Iudea ago ae'ima koa kai, kin Herod Iudea ago fofouga eaupea pani epamia. Ke pau kin Herod gauga, aka isafa Herod auga Kalilea ago e'imaisa. Ke isa akina Filip auga, Iturea ke Trakonitis fou ago'i e'imai'i, ke au aga'o aka Lisanias auga Abilene ago e'imaisa.

Luka 8:3

Ke Kusa, Herod ega e'a i'ima kaniagai auga akafa aka Ioanna auga. Ke Susanna, ke papie ma'o isa'i isafa Iesu fou kelao. I'ina papie'i ifo'i e'i amu moni fou keafii'i Iesu ke ega imoi fou kepenii'i kepapinaugani'i.

Acts 12:1

Pau ega'ina kina'iai kin Herod, pako'a papiau'i gaafi apalani'i eoma puo, ega papiau eulai'i, pako'a papiau'i epo'iai isa'i keafii'i.

Acts 4:27

“Iifa ega'ina ko'a ipauma. Gome Herod, Pontio Pilato auni'i Iudea papiau'i laa'i au'i, ke Iudea papiau'i fou i'ina taoninai kekaigugu oi emu pinauga auga Iesu alo elolofa, ke lokinaga Mesaia lopamia auga akekua kepa'aua.