Mateo 11:1 - Mauni Mamaga Iifaga

¹ Iesu ega imoi 12 ega'ina iifa'i kapula'i epenii'i efua aisama, Kalilea ago taoni'iai gapamalele ke gainogo eoma puo, egae ekailai elao.

Mateo 11:1 Iomraidhean Croise

Mateo 28:20

Ke kapa ma'oai oi maamiai laifa kapulani'i au'i isa fopamaleleni'i, ega koa kai'iai fekepea. Ke iifa gome maamiai laifania, lau oi eemiai alaagu mo agelao agofa'a ega fua auga kina agemai kai,” eoma.

Mateo 4:23

Ega'ina afegai Iesu Kalilea ago fofouga alogai epea, Iudea papiau'i e'i la'afou afu'iai ekoko epamalele, ke iifa faunina Deo ega agofa'a fouga einogoaina. Ega'ina alogai papiau isafa i'oi'i i'oi'i keafi'i au'i kemai ma'oai epafelo'i.

Mateo 7:28

Iesu ega'ina kapa'i ma'oai epamalele efua aisama, egae kela'afou au'i ma'oai isa ega pamalele eegai keopofua ke kekauai alogaina.

Mateo 9:35

Ega'ina afegai Iesu taoni ke pagua ma'oai alo'i epeai'i Iudea papiau'i e'i la'afou afu'iai ekoko epamalele. Ke iifa faunina Deo ega agofa'a fouga einogoaina. Ega'ina alogai papiau isafa apala keafia au'i kemai eegai epafelo'i. Ke isafa i'oi'i i'oi'i isafa kemai epafelo'i.

Mako 6:12

Ke Iesu isa epaini'i efua aisama, kepealai kelao papiau e'i laomai apala'i fekeumakalaini'i auga inogoga keinogo.

Luka 23:5

Kai isa keifa paisa keinaka, “I'ina auga Kalilea agogai e'ina emai inae ega pamaleleai Iudea papiau'i keagu afu'i ma'oai elao, papiau alo'i eaniia a'oa'o akaiki'a epa'uegenia,” keoma.

Luka 8:1

Ega'ina afegai Iesu taoni aga'o aga'o, ke pagua aga'o aga'o fou alo'iai ekoko iifa faunina Deo ega agofa'a fouga papiau maa'iai einogo ke eifafoua. Ega'ina alogai ega imoi 12 isa fou kelao.

Ioane 15:10

Ke lau Amau kapa'ina fakapa eoma eifa kapula peniau auga kai'iai lapea kainai, lau Isa alo ko'agai aniu eani auga laoga maina alogai laague, ke Isa alo ko'agai lau aniu eani. Ega koa i'opoga oi lau kapa'ina fokapa laoma auga kai'iai mo agopea koa aisama, oi lau alou ko'agai animi laani auga agugai agoagu.

Ioane 15:14

Oi lau kapa'ina laifa kapulania auga agokapa aisama, oi lau ekefa'au.

Acts 1:2

Isa apostolo ekinani'i au'i Deo ega Spiritu ega isapuai eifa kapula peni'i afegai, Deo isa ufai e'agauaina.

Acts 10:38

Ega'ina afegai Iesu Nasareta auga ega pinauga e'ina. Ke Deo ega Spiritu efakeopua, isa isapu epeniia. Ke isa Iudea agogai pagua ma'oai elao aisama, kapa felo'i ma'o ekapai'i ke papiau tiapolo ega isapuai keagu au'i epafelo'i. Gome Deo Iesu fou keagu. Ke Deo Iudea ago fofouga alogai iina epinauga oma, kapa ma'oai kegama au'i, oi a'o'i ologoni'i efua.

Acts 10:42

Ke Deo lai eifa kapula penimai, Deo isa ekinaga mae au'i, ke maa'i maunina au'i fou, e'i laomai felo, o apala afa agepeni'i auga papiau ma'oai maa'iai fainogonia, ke ko'a mo auga faifafoua eoma.

1 Tesalonika 4:2

Gome lai Lopia Iesu ega isapuai oi kapa'ina fokapa auga nini'ani'i kapula'i maamiai aifani'i ologo efua.

2 Tesalonika 3:10

Gome lai oi eemiai aagu aisama, i'ina iifaga isafa apeniimi: “Au kapa afaepinauga koa aisama, afaeaniani,” aoma.

2 Tesalonika 3:6

Aamai akimai Kristiano aumi, lai Lopia Iesu Kristo akagai aifa kapula penimi. Oi epomiai papiau kapa'i ke'apolo, ke pamalele lai apeniimi auga kainai akeagu koa aisama, oi ega'ina papiau'i ma'oai fomuni'i.