Mateo 10:3 - Mauni Mamaga Iifaga

³ Filip ke Batolomeo. Tomas ke Mateo tax eafia auga. James Alfeus gauga ke Tadius.

Mateo 10:3 Iomraidhean Croise

Mateo 18:17

Ke isa ega'ina papiau'i lomaiseini'i au'i aina'i afaeafia koa aisama, pako'a papiau'i maa'iai foifafoua. Ke isa pako'a papiau'i mo ganinagai, aina'i afaeafia koa aisama, Deo akelogo au'i, o tax keafia laomai apala'i kekapa'i au'i ee'iai ala lokapa oma koa i'opoga mo isa eegai fokapa.

Mateo 27:56

Papie ega'ina epo'iai Maria Makdalena, James ke Iosepa fou ina'i aka Maria, ke Sebedi gauga au'i ina'i.

Mateo 9:9

Ega'ina afegai Iesu ekailai elao alogai, tax isafina auga aga'o aka Mateo tax keogeoge afugai eagu epinauga eisa. Ega aisama Iesu isa epainia einaka, “Lau muniuai mopea,” eoma. Ke Mateo e'ue Iesu muninai epea.

Mako 15:40

Iesu kolotiai emae alogai, papie isa'i agomaai keapa kai maa'i mo elao keisa. Ega'ina papie'i epo'iai Maria Makdalena, Maria Joses ke James ina'i, ke Salome fou.

Mako 2:14

Ke isa foe nie mo epea elao alogai, Iudea auga aka Lefi, Alfeus gauga Roma kamanina papagai epinauga tax eafia auga, tax keogeoge afugai eagu eisa. Ke epainia einaka, “Muniuai mopea,” eoma. Ke Lefi e'ue Iesu muninai epea.

Mako 3:18

Ke Andru, Filip, Batolomeo, Mateo, Tomas, James Alfeus gauga, Tadaeus, Saimon Kanaan auga.

Luka 18:10

Isa ega nini'aniai iina eifa oma einaka, “Faliseo auga aga'o ke tax eafia auga aga'o auni'i kegamegamega keoma puo kelao Deo ega e'ai kekoko.

Luka 18:11

Egae kai Faliseo auga ega'ina e'ue eapa kai emegamega Deo maagai ifo fouga eifania einaka, ‘Deo, lau auga papiau isa'i koa laa'i. Lau alou opaina, alapainao, amagelofe keafia au'i fou alafeu aage mo. Ke lau au i'ina tax eafia auga koa i'opoga laa'i.

Luka 18:13

“Kai tax eafia auga ifo eopolaga Deo maagai ageapa afaekaina eoma puo, agomaai mo eapa ke ufa isafa aeakae penia. Kai ifo ega laomai apala'i eopolani'i puo olaga eauniia kai eifa einaka, ‘Deo lau laomai apala ipauma au, guau moania,’ eoma.

Luka 19:2

Ega'ina taonina alogai pa'amu'amu auga ke tax keafia au'i kania'iai auga aka Sakeo eagu.

Luka 5:27

Ega'ina afegai Iesu e'a ega'ina epua'afuga elao Iudea auga aga'o aka Lefi, Roma kamanina papagai epinauga auga tax keogeoge e'a e'elegai eagu epinauga eisa. Ega aisama epainia einaka, “Lau muniuai mopea,” eoma.

Ioane 1:48

Natanael Iesu ega eifa oma aina elogonia aisama epa'ani penia einaka, “Ala looma lau lologoniau?” eoma. Ke Iesu einaka, “Filip oi aeifanio koa kai oi fik auga papagai loapaega kai laisao,” eoma.

Ioane 11:16

Ega aisama ega imoi aga'omo Tomas kepafaala Didimas, i'a mala'aisai kafela keoma auga, Iesu kapa'ina eifania auga aelogo felo puo Iesu ega imoi isa'i au'i epaini'i einaka, “I'a isafa isa fou alao, ega koa Lopia fou kai'alao famae,” eoma.

Ioane 14:22

Ega aisama Judas (Judas Iskariot laa'i kai, aga'o auga) eifa einaka, “Lopia, kapa puo oi kaisau auga lai alopakinaimai kai, agofa'a papiau'i auga afolopakina'i looma?” eoma.

Ioane 14:5

Ega aisama Tomas Iesu epainia einaka, “Lopia, oi ala alolao auga lai alalogo puo ala koa keaga ega'ina agalogo?” eoma.

Ioane 14:9

Ke Iesu einaka, “Filip, pau laa'i epomiai fou alao amai mo ganinagai, oi lau alologoniau koa ma? Kaisau lau eisau auga Amau isafa eisa. Ega puo kapa puo Amau mapakinaimi looma?

Ioane 21:2

Saimon Peto keoma auga, Tomas kafela keoma auga, Natanael Kalilea agogai Kana taoninai emai auga, Sebedi gauga auni'i, ke Iesu ega imoi auni'i isafa fou egae keagu.

Acts 1:13

Ke kelao Ierusaleme taoninai aisama, e'a aga'o au'oniai, papiau alogai keaguagu afugai kekoko. Peto, Ioane, James, ke Andrea; Filip, ke Tomas; Batolomeo, ke Mateo; James Alfeus gauga, Saimon Silot ikupuga auga, ke Judas Iesu e'afa'afalaina auga laa'i kai, au i'oina aga'o aka James keoma auga gauga fou ega kelao.

Acts 12:17

Kai Peto ima eafiakae komo kegaoma eoma. Egae kai Lopia isa tipula e'agai ala epapealai oma auga fouga maa'iai eifafoua. Ke ega'ina eifani'i efua aisama epaini'i einaka, “Folao James, ke pako'a papiau'i fou maa'iai i'ina fouga foifafoua,” eoma. Ega'ina eifania afegai epua'afuni'i, afu i'oina elao.

Acts 15:13

Ke isa kenini'ani efua aisama, pako'a papiau'i epo'iai au akaiki'a auga, apostolo James e'ue papiau epaini'i einaka, “Aau akiu Iesu opako'ania aumi ainau amologo.

Acts 21:18

Egae afeu egani aisama, Paulo lai ma'oai fou James amaisa aoma puo eega alao. James auga Ierusaleme taoninai pako'a papiau'i e'ima'i lopiaga. Isa afugai akoko aisama, pako'a papiau'i ke au akaiki'a'i au'i isafa ma'oai egae keagu.

Kalatia 1:19

Ke egae laagu alogai, apostolo i'oi'i aga'o alaisa'i kai, Lopia akina James auga mo laisa.

Kalatia 2:9

Ke apostolo epo'iai James, Peto, Ioane au'i oiso, oi oopolaga iifi e'a ipalao'i koa i'opo'i ooma au'i isafa, Deo ega gafegafe akaiki'a lau epeniiau auga keisa kelogo. Ega puo isa lau ke Banabas aunimai imamai keafiia. Ega koa kekapaisa auga isa Deo ega pinauga kekapa koa i'opoga, lai isafa isa koa i'opo'i Deo ega pinauga akapa auga gouga eemaisai kekapaisa. Egae kai ma'oai apako'ania isa fekelao Iudea papiau'i maa'iai iifa faunina Iesu fouga fekeifafoua aoma, ke lai auga falao Iudea papiau'i laa'i au'i maa'iai iifa faunina Iesu fouga faifafoua aoma.

James 1:1

Lau James. Deo ke Lopia Iesu Kristo e'i pinauga au. Lau Israel pako'a papiaumi okani okaoka, agofa'ai afu i'oi'i i'oi'iai oague aumi eemiai i'ina malelega lapapua laulaisa. Oi ma'oai oagu felo ma pa'anina lapa'ani.

Jude 1:1

Lau Jude Iesu Kristo ega pinauga au, ke James akina au i'ina malelega lapapua oi i'a Ama'a Deo eifanimi, animi eani alogaina papiaumi aumi, ke Iesu Kristo faugai Deo oi i'ina agofa'a lao'i mai'i ee'iai epakaisapuimi aumi eemiai laulaisa.