Mateo 10:2 - Mauni Mamaga Iifaga

² Iesu ega imoi 12 aka'i inamo'e: Eufai auga Saimon, Peto keoma auga, ke akina Andru. Sebedi gauga James, ke akina Ioane.

Mateo 10:2 Iomraidhean Croise

Mateo 17:1

Egae kai kina imagea elao afegai aisama, Iesu, Peto, James, ke akina Ioane fou e'afeini'i epapea'i ifo'i mo kelao iku aga'o e'agau alogaina auga ikugai ke'agaukae.

Mateo 20:20

Ega'ina afegai Sebedi gauga au'i ina'i fou kemai Iesu agogai keanife'u kai Iesu kapa felo aga'o isa gauga fepeni'i eoma.

Mateo 26:37

Ke Iesu Peto, ke Sebedi gauga auni'i James, ke Ioane fou eafii'i fou kelao, ke kapa'ina mo faagagai akemia au'i eopolani'i alo emafu alogaina, ke opolaga elao mo emai.

Mateo 4:18

Iesu kina aga'ogai Kalilea a'uga foegai epea alogai, au aaga akina auni'i eisa'i. Ega'ina au'i auga Saimon Peto keoma auga, ke akina Andru auni'i. Isa ega'ina a'ugai fe'i keogeoge kai eisa'i gome isa inoino au'i.

Mateo 4:21

Ke egae ekailai elao au i'oina aga'o akina auni'i eisa'i. Isa auni'i auga Sebedi gauga James akina Ioane auni'i. Ke isa ama'i Sebedi fou gaagai keagu fe'i kekapai'i kegaoge'i keomaoma kai eisa'i eifani'i.

Mako 1:29

Egae kai Iesu ega imoi, ke Ioane James fou Iudea papiau'i e'i la'afou afuga kepua'afuga aisama, kelao Saimon ke Andru auni'i e'i e'ai kekoko.

Mako 13:3

Ega'ina afegai Iesu elao Deo ega e'a epaai pagainia afugai Olifa ikugai eaguega kai Peto, James, Ioane ke Andru fou isa eega kemai ogefakeai kepa'ani penia keinaka:

Mako 6:30

Iesu apostolo 12 eulai'i au'i kemue kemai Iesu eegai keapa lofe kai, maagai kapa'ina mo kekapai'i, ke kepamaleleni'i au'i fou'i keifani'i.

Luka 11:49

Ega kainai Deo ega ikifai eifa einaka, ‘Lau profeta ke imoi isa ee'iai alaulai'i. Kai isa ega'ina papiau'i isa'i akeaupugu'i, ke isa'i akeafi apalani'i,’ eoma.

Luka 22:14

Egae kai aniani kina maaga ekainia aisama, Iesu ega apostolo 12 fou kelao teipoloai keagukipo.

Luka 22:8

Ega aisama Iesu ega apostolo Peto, Ioane auni'i epaini'i einaka, “Amoufai amolao i'a fau'aisai Pasover miamiagai fo'ama agaania auga opafua gaka,” eoma. Egae kai eulai'i kelao.

Luka 5:10

Ke Sebedi gauga James Ioane auni'i Peto fou kepinapinauga au'i isafa kekauai kemani'i alogaina. Ega aisama Iesu Saimon epainia einaka, “Folomani'i. Oi ma'a lopaoa koa i'opoga, pau ke kina ma'o alogai papiau ma'o aloafi'i eeu alomaiseini'i,” eoma.

Luka 9:10

Iesu ega apostolo 12 e'i pinauga kepafua kemue kemai aisama, kapa'ina mo kekapai'i au'i ma'oai Iesu maagai keifania. Egae kai Iesu ega apostolo mo e'afeini'i fou keagu afuga kepua'afuga kelao taoni aga'o aka Betsaida taoninai kepealai.

Ioane 12:22

Ke Filip elao Andru epainia, ke Andru Filip auni'i kai'ialao keoge Iesu kepainia.

Ioane 13:23

Isa ega imoi epo'iai aga'o Iesu anina eani alogaina auga Iesu eegai eagu eaniani.

Ioane 20:2

Ega puo epiau elao Saimon Peto keoma auga, ke Iesu ega imoi i'oina aga'o Iesu anina eani alogaina auga auni'i epaini'i einaka, “Lopia laai keafilaisa kai kapai keogeisa auga alalogo,” eoma.

Ioane 21:2

Saimon Peto keoma auga, Tomas kafela keoma auga, Natanael Kalilea agogai Kana taoninai emai auga, Sebedi gauga auni'i, ke Iesu ega imoi auni'i isafa fou egae keagu.

Ioane 21:20

Ke Peto e'afoaipini aisama, Iesu ega imoi anina eani alogaina auga isa muni'iai epea eisa. Imoi ega'ina auga Iesu ega imoi fou keaniani alogai, elao Iesu faagagai e'afeau kai epainia, “Lopia kai, age'afa'afalainio?” eoma auga.

Ioane 21:24

Iesu ega imoi ega'ina auga i'ina kapa'i kemia au'i ko'a mo eifafou'i ke fou'i pukai epapua'i. Ke i'a alogo isa kapa'ina eifani'i au'i ma'oai ko'a'i.

Ioane 6:67

Ega aisama Iesu e'afoaipini ega apostolo 12 au'i epa'ani peni'i einaka, “Oi isafa olao ma ooma?” eoma.

Ioane 6:70

Ega aisama Iesu einaka, “Lau oi aumi 12 aumi alakinanimi ma? Iifa gome lau oi lakinanimi kai, oi epomiai aga'o auga tiapolo!” eoma.

Ioane 6:71

(Iesu ega'ina eifania auga, isa ifo ega imoi 12 auga epo'iai aga'o aka Judas, au aka Saimon Iskariot gauga muniai isa age'afa'afalaina auga fouga eifania.)

Ioane 6:8

Ega aisama Iesu ega imoi aga'o Andru, Saimon Peto keoma auga akina eifa einaka, “Imoi maguaega inamo'e palafa iuma e'ele'i ima, ke ma'a e'ele'i gua eegai kekae. Kai papiau iina ema'o oma auga, palafa ega'ina ke ma'a gua auga faaga'iai kapa aga'o agapagama ma?” eoma.

Acts 1:13

Ke kelao Ierusaleme taoninai aisama, e'a aga'o au'oniai, papiau alogai keaguagu afugai kekoko. Peto, Ioane, James, ke Andrea; Filip, ke Tomas; Batolomeo, ke Mateo; James Alfeus gauga, Saimon Silot ikupuga auga, ke Judas Iesu e'afa'afalaina auga laa'i kai, au i'oina aga'o aka James keoma auga gauga fou ega kelao.

Acts 1:26

Egae kai Iosepa ke Matias auni'i aka'i kepapua, Iudea e'i kagakagai papiau kekinani'i auga laoga maina kekapaisa. Ke Matias aka keafilaisa apostolo emia. Ega'ina afegai egae kekaigugu kemegamega au'i ma'oai kepako'ania, isa apostolo ipauma kepamia. Ega puo apostolo au'i 11 keagu kai isa kekinaga aisama, au'i ma'oai 12 emia pugu.

Acts 12:2

Ke Herod ega iifai, apostolo aga'o Ioane aaga, James ifani a'ifagai aiso kefoua emae.

Acts 3:1

Kina aga'ogai gapigapi, Iudea papiau'i e'i megamega kina maaga 3 o'clock aisama, Peto, Ioane auni'i Deo ega e'a alogai kegamegamega keoma kelao.

1 Korinto 15:7

Ke papiau 500 apiegai eapakina peni'i afegai, ifo akina James eapakina penia, ke ega'ina afegai aisama, apostolo ma'oai eapakina peni'i pugu.

Efesus 4:11

Ke isa papiau isa'i apostolo fekemia auga pipenina epenii'i apostolo kemia. Ke isa'i profeta fekemia auga pipenina epenii'i. Ke isa'i isa ega iifa fekeifafoua auga pipenina epenii'i. Ke isa'i au'i iifi e'a papiau'i feke'ima'i auga pipenina epenii'i. Ke isa'i au'i papiau fekepamaleleni'i pipenina epenii'i.

Hibru 3:1

Ega kainai aau akiu pako'a papiaumi, Deo ega famili aga'omogai omai, ke Deo eifanimi, lau fou Isa ega agofa'a fou agaagu aumi, Iesu Apostolo ke Sakedote Lopia Fa'a, i'a apako'ania ke fouga aifafoua auga eegai opomi fofouga amooge.

1 Peto 1:1

Lau Peto, Iesu Kristo ega apostolo au aga'o. Lau malele i'ina lapapua oi Deo ekinanimi papiaumi, agofa'ai ago a'ina aumi koa i'opomi, okani okaoka, olao Pontus, Kalatia, Kapadosia, Asia, ke Bitinia ago'iai oague aumi eemiai laulaisa.

2 Peto 1:1

Lau Saimon Peto, Iesu Kristo ega pinauga, ke ega apostolo au, i'ina malelega lapapua oi eemi efai. Oi auga, i'a a'a Deo ke i'a kania'a eagamauga auga Iesu Kristo fou papiau alo'i opaina kepamia auga faagagai, oi pako'a kapa akaiki'a lai aafia auga koa i'opoga oafiia.

2 Ioane 1:1

Lau iifi e'a au akaiki'au aga'o malele i'ina lapapua, oi iifi e'a, ke iifi e'a papiaumi Deo ekinanimi aumi eemiai laulaisa. Oi Deo ega iifa ko'a auga opako'ania kainai, lau alou ko'agai animi laani alogaina. Ke lau ifou mo laa'i kai, papiau Deo ega iifa ko'a kelogo au'i ma'oai alo'i ko'agai animi keani alogaina.

3 Ioane 1:1

Lau iifi e'a au akaiki'au aga'o malele i'ina, ekefa'auagai Kaius eemuai laulaisa. Ke oi auga Deo ega iifa ko'a auga lopako'ania kainai, lau alou ko'agai oi animu laani.

Revelation 1:1

I'ina puka auga Iesu Kristo kapa'ina epafokia auga fouga. Ega'ina kapa'i auga Deo Iesu Kristo epeniia, ega koa isa kapa'ina emai efua afa'agamo agemia auga, Deo ega pinauga au'i fepakina'i eoma. Ke Iesu Kristo ega agelo eulaisa, ke agelo faagagai isa ega pinauga auga Ioane i'ina kapa'i epalogo.

Revelation 1:9

Lau Ioane, oi Asia agogai iifi e'a imagea gua aumi aami lamia. Oi lau Iesu Kristo fou amia kainai, fou kai'alao isa ega agofa'ai agaagu. Ke i'a kai'alao akiekie, ke gamuga mo aopo. Lau Deo ega iifa, ke Iesu Kristo ko'a eifafoua auga laifafoua puogai, keulaisau ifou mo lalao Patmos keleipuagai.

Revelation 18:20

Kai ufa, Deo ega papiau aumi, apostolo, ke profeta aumi isa amoalogamalaina. Gome isa oi faagamiai kapa'ina ekapai'i koa i'opoga mo, Deo isa ega laomai apala afa epeniia,” akeoma.

Revelation 22:8

Lau Ioane, ega'ina kapa'i a'o'i lalogonia, ke laisa'i. Ke lau ega'ina kapa'i au'oniai au'i ma'oai a'o'i lalogonia aisama, agelo ega'ina kapa ega'ina ma'oai lau epakinaisau auga ife fo'inai laomukipo maau afagaina laoma.