Mateo 10:1 - Mauni Mamaga Iifaga

¹ Ega'ina afegai Iesu ega imoi 12 eifa kaigugu'i. Ke kekaigugu aisama, tiapolo ma'oai fekepapealai'i, ke isafa apala'i ke isafa i'oi'i i'oi'i keafi'i au'i fekepafelo'i isapuga epenii'i.

Mateo 10:1 Iomraidhean Croise

Mateo 19:28

Ega aisama Iesu ega imoi ma'oai epaini'i einaka, “Iifa gome maamiai laifania. Kina fuagai kapa ma'oai mama'i akemia, ke Papiau Aumauni Gauga ufai ega isapu akaiki'a eafia afugai ageagu aisama, oi lau muniuai opea aumi isafa, isapu akaiki'a afu'i 12 agoafi'i agoagu, Israel ikupuga 12 papiau'i, ke papiau ma'oai isafa e'i laomai felo, o apala auga afa agopeni'i.

Mateo 26:20

Epagapigapi aisama, Iesu ega imoi 12 fou teipoloai keagukipo kegaaniani keoma.

Mateo 26:47

Iesu enini'ani laolao kai, ega imoi au'i 12 epo'iai aga'o Judas keoma auga emai isa ee'iai. Ke sakedote lopia'i, ke au akaiki'a'i papiau ke'ima'i au'i fou au keulai'i au'i, la'afou akaiki'agai ifani a'ifa'i ke kopi fou keafii'i isa fou kemai.

Mateo 4:23

Ega'ina afegai Iesu Kalilea ago fofouga alogai epea, Iudea papiau'i e'i la'afou afu'iai ekoko epamalele, ke iifa faunina Deo ega agofa'a fouga einogoaina. Ega'ina alogai papiau isafa i'oi'i i'oi'i keafi'i au'i kemai ma'oai epafelo'i.

Mateo 6:13

Ke mopapeaimai i'opo apala'i alo'iai falakoko, ke tiapolo apala auga eegai mopapealaimai.’”

Mateo 9:35

Ega'ina afegai Iesu taoni ke pagua ma'oai alo'i epeai'i Iudea papiau'i e'i la'afou afu'iai ekoko epamalele. Ke iifa faunina Deo ega agofa'a fouga einogoaina. Ega'ina alogai papiau isafa apala keafia au'i kemai eegai epafelo'i. Ke isafa i'oi'i i'oi'i isafa kemai epafelo'i.

Mateo 9:38

Ega puo laiti i'aina Lopiaga amogoina pinauga au'i ma'o gaulai'i, isa ega laiti afugai kegapinauga,” eoma.

Luka 10:19

Lau oi isapu akaiki'a lapeniimi efua. Ega puo oi kaapa aoao fou agogafamu'a'i. Ke emi ou Satani ega isapu akaiki'a ma'oai afaepalifuimi.

Luka 24:49

Lau Amau kapa'ina epako'ania eifania auga eemiai alaulaisa. Alaulaisa agoafia aisama, isapu ufai ageake alomi agepapogua. Kai pau aloafia koa puo inae Ierusaleme taoninai mo foagu felao ega'ina kinagai kai,” eoma.

Luka 6:13

Egani aisama Iesu ega imoi ma'oai eifani'i kemai. Ke kemai aisama, epo'iai au'i 12 mo ekinani'i, epafaala'i apostolo eomai'i, ke aekinani'i au'i keake iku papagai isa ke'imai'i.

Ioane 17:2

Gome Oi isa isapu lopeniia papiau ma'oai fe'ima'i ega koa papiau ma'oai isa lopenia au'i, agu pagai maunina fepeni'i looma.

Ioane 3:27

Kai Ioane einaka, “Au aga'o kapa'ina ufai kepenia auga mo ageafia.

Ioane 3:35

Ke Ama alo ko'agai Gauga anina eani, ke kapa ma'oai isa imagai epaaua.

Ioane 6:70

Ega aisama Iesu einaka, “Lau oi aumi 12 aumi alakinanimi ma? Iifa gome lau oi lakinanimi kai, oi epomiai aga'o auga tiapolo!” eoma.

Acts 1:8

Kai pau oi kapa'ina fologo auga alaifania. Deo ega Spiritu oi ageake penimi aisama, isapu kapula ipauma alomiai ageka, Ierusaleme taonina, Iudea, ke Samaria ago'i ma'oai, ke agofa'a ma'oai agolao, papiau maa'iai lau fou ko'a auga agoifafoua,” eoma.

Acts 19:15

Kai tiapolo au aga'o alogai eagu auga isa epaini'i einaka, “Lau Iesu lalogonia, ke Paulo isafa lalogonia kai, oi auga kaisau?” eoma.

Revelation 12:1

Ega'ina afegai ufai gou akaiki'a ipauma epealai. Gou ega'ina alogai papie aga'o, kina auga isa ega tiapu epamia ei'iuka ke ife papagai gafa eka ke kaniagai mi'imi'i 12, kin kania'iai kraon keoge auga koa i'opoga kemia kaniagai eogei'i laisa.