Biblia Todo Logo
Bìoball air-loidhne

- Sanasan -




Mateo 1:1 - Mauni Mamaga Iifaga

1 I'ina auga Iesu Kristo, i'a ufu'a apa'a Abraham okogai emai auga, ke kin Davide okogai emai auga, ega mauni ninina:

Faic an caibideil Dèan lethbhreac




Mateo 1:1
39 Iomraidhean Croise  

Ke pau Iesu Mesaia auga ega mauni fouga iina epea oma. Isa ina Maria auga pako'a iifaga kepaapa Iosepa auni'i fekeamage keoma. Kai auni'i akeagu fou koa kai, Maria Deo ega Spiritu ega isapuai epakaisau. Iosepa Maria epakaisau auga eisa elogo kai, Deo ega Spiritu ega isapuai epakaisau auga aelogo.


Abraham gauga auga Aisak. Aisak gauga auga Jakob. Jakob gauga auga Juda aaga akina fou.


Ega aisama Kanaan papiega aga'o ega'ina ago eegai emai Iesu eegai maisapepega mo eifa einaka, “Lopia, Davide okogai lomai aumu, guau moania! Tiapolo lau gau papiega alogai eague, epakiekie alogaina,” eoma.


Ke Iesu baptismo mo eafiia ke fiakoa mo feisai e'agaukae. Ega aisama ufa eagalai, Deo ega Spiritu koofi koa i'opoga laagai eake eisa.


Iesu ifiao epamaunimue afegai, ekailai elao alogai, maakimi'i au'i auni'i isa muninai kemai keagaga keinaka, “Davide okogai lomai aumu, guamai moania!” keoma.


Ke isa Israel papiau'i, Iakobo okogai kemai au'i aoniamo age'ima afe'aini'i. Ke isa agofa'a e'ima auga afaefua ageka aoniamo,” eoma.


Deo ega iifa pukagai aeifa Mesaia Davide okogai agemai, ke Beteleme Davide eagu taoninai agemai aeoma ma?” keoma.


Ega puo Davide ega'ina iifaga eifania auga, isa ifo fouga aeifania. Kai isa profeta auga puo, Deo maagai kapa'ina epako'ania eifania auga, elogo kaukau. Ega'ina iifaga auga, isa okogai au aga'o agemai, isa koa i'opoga Lopia akaiki'a, Mesaia agemia auga fouga.


Ega'ina puka alogai Deo Gauga fouga eifania. Ke ega'ina auga papiau aumauni aga'o Davide okogai agemai auga fouga eifania.


Gome Deo eifa ko'ania Abraham faagagai agofa'a papiau'i kapa felo'i agepeni'i, ke agofa'a isa apu'i agemia eoma. Ke Abraham gauga au'i isafa pako'a iifaga ega'ina keafiia. Kai pako'a iifaga ega'ina auga Moses ega iifa faagagai aemai kai, Abraham ega pako'a Deo eegai eogeisa, ke Deo isa alo opai auga epamia auga faagagai emai.


Isa auga Abraham, ufuga apa fou oko'iai kemai au'i. Ke Iesu Kristo papiau aumauni emia auga, isa oko'iai emai. Ke isa auga Deo kapa ma'oai eka'egaini'i auga, amaau afagaina aoniamo. Amen.


Ega koa i'opoga Deo Abraham maagai pako'a iifaga kapula ekapaisa, ke Abraham ufuga apa auga isafa maagai pako'a iifaga kapula ega'ina ekapaisa. Ke pako'a iifaga ega'ina auga, Deo ega iifa pukagai aeifa, Abraham oi ufumu apamu ma'oai maa'iai pako'a iifaga kapula lakapaisa aeoma kai, Deo Abraham epainia einaka, “Oi ufumu apamu eegai pako'a iifaga lakapa,” eoma. Ega'ina auga isa Abraham ufuga apa fofouga maa'iai pako'a iifaga kapula aekapaisa kai, Abraham ufuga apa aga'omo mo maagai pako'a iifaga kapula ekapaisa. Ke ega'ina papiauga aga'omo auga, Iesu Kristo.


Gome kai aga'o laa'i Deo ifogamo i'a kania'a eagamauga. Deo aga'omo koa i'opoga au aga'omo Deo ke papiau aumauni fou epo'aisai gagao ekokoaina. Ega'ina auga, papiau aumauni ipauma emia, aka Iesu Kristo.


Oi aufa kina alomuai Iesu Kristo foopolaga. Deo epako'ania eifa koa i'opoga mo, isa papiau aumauni ipauma emia, Davide okogai eake emai i'ina agofa'agai. Ke emae kai maeai emaunimue. Lau iifa faunina Iesu fouga i'ina auga mo papiau maa'iai laifafoua.


Lau, Iesu e'u agelo laulaisa, iifi e'a fau'iai ega'ina iifaga ko'a ipauma auga feifafoua laoma. Ke lau auga Mesaia, Davide okogai lamai au akaiki'au au, ke Davide akagai lamai au. Ke lau auga amagai mi'imi'ina eeaea alogaina au,” eoma.


Lean sinn:

Sanasan


Sanasan