Luka 9:3 - Mauni Mamaga Iifaga

³ Ega'ina alogai epaini'i einaka, “Agolao alogai oi peagege aumi auga gouga folokapa i'ini foloafia, fe'a aga'o foloafia, fo'ama aga'o foloafia, ke moni aga'o foloafia, ke alo tiapuga i'iuka eo aga'o isafa foloafia. Ke kapa aga'o mo ganinagai foloafia.

Luka 9:3 Iomraidhean Croise

Mako 6:7

Iesu pagua pagua epeai'i epamalele efai elao alogai, kina aga'ogai ega apostolo 12 eifa kaigugui'i kai gua gua eulai'i. Ke eulai'i aisama, tiapolo fekepapealai'i auga isapuga epenii'i.

Luka 12:22

Ke Iesu ega imoi ma'oai epaini'i einaka, “Iifa gome maamiai laifania. Pa'amu'amu auga faagagai iina koa agemia kainai, oi emi agu, ke kapa'ina agoania, ke imaaumi faugai tiapu kapa ago'iuka auga opopo folopa'aua.

Luka 12:28

Ke ago alo kaikai'i ega'ina pau kekae kai fafoko aisama, papiau akeafi'i loai ake'afoau'i mo ganinagai, Deo isa kaikai'i felo auga, tiapu koa i'opoga epai'iuka'i. Kai oi aumi kaikai ega'ina aloka'egaini'i ma? Ke Deo kapa felo'i ipauma'i agepenimi afaekaina ma ooma? E! Isa agepenimi paisa. Kai oi pako'a e'ele papiaumi! Oi Deo fopako'ania koa kai alopako'ania.

Luka 22:35

Egae kai Iesu isa ma'oai epa'ani peni'i einaka, “Oi laulaimi mo alogai, paoti, fe'a, o kamata i'oina aga'o aloafia alogai kapa aga'o eegai oafi'afu ma?” eoma. Ke isa iifa kepamue keinaka, “Laa'i,” keoma.

Luka 3:11

Ioane einaka, “Kaisau eegai tiapu i'iuka auni'i kekae aisama, aga'o feafia kaisau eegai laa'i auga fepenia. Ke kaisau eegai fo'ama ekae auga, kaisau eegai fo'ama laa'i auga fepenia. Ega agokapa oma koa aisama emi laomai felo'i mo akemia,” eoma.

Luka 5:29

Egae kai Iesu Lefi eifaga auga alogama epa'aua puo, ega e'ai Iesu faugai miamia akaiki'a ekapaisa. Ke Lefi koa i'opoga, papiau ima'iai tax keafia au'i ma'o la'afouai kemai. Ke tax keafia au'i koa i'opo'i laomai apala'i kekapa'i au'i isafa kemai Iesu fou keagu keaniani.

Luka 9:4

E'a kapagai akeifa kokoimi aisama, egae mo foagu felao ega'ina taonina fopua'afuga.

2 Timoti 2:4

Ifani au'i isa e'ima'i lopiaga alo kegapagama keoma puo, eifani'i aisama kekaigugu kepipaini. Ke kai aga'o afe pinauga'iai aeofa isa ifo ega pinauga ke e'ima lopiaga ega pinauga isafa aepalifua. Ega koa i'opoga, oi isafa Iesu Kristo eifa kapula penio kapa'ina fokapa eoma auga mo fokapa.