Luka 8:3 - Mauni Mamaga Iifaga

³ Ke Kusa, Herod ega e'a i'ima kaniagai auga akafa aka Ioanna auga. Ke Susanna, ke papie ma'o isa'i isafa Iesu fou kelao. I'ina papie'i ifo'i e'i amu moni fou keafii'i Iesu ke ega imoi fou kepenii'i kepapinaugani'i.

Luka 8:3 Iomraidhean Croise

Mateo 14:1

Ega'ina alogai kin Herod Kalilea ago e'ima lopiaga Iesu fouga elogo.

Mateo 14:3

Herod ega eifa oma, gome isa Iesu fouga aelogo koa kai, isa ifo akina Filip akafa Herodias eakafania puogai Ioane Baptista eafiia egopeisa tipulai epaagua.

Mateo 14:6

Kai Herod ega mauni kina miamiaga ekapaisa aisama, Herodias gauga ifiaoga emai isa ma'oai ago'iai egefa, ke Herod alo epagama alogaina.

Mateo 2:11

Ke kemai ega'ina afugai kekoko aisama, imoi ina Maria fou egae keisa. Ke kelao keloukipo imoi keau afagaina. Egae kai e'i amu afa'i akaiki'a'i keuka'i fe'a kegupuki'i, ke pipeni amu'i, gold, ke mulamula foga'i felo'i au'i, ke myrrh keoma auga fou kekagau'i imoi kepalao penia.

Mateo 20:8

“Ke epa'umina aisama, fino uma inagome auga ega pinauga au'i e'ima'i auga epainia einaka, ‘Pinauga au'i moifani'i kegamai kai, muniai kemai au'i faaga'iai fo'ina, e'i moni fopeni'i felao, keufai kemai au'i faaga'iai fofua,’ eoma.

Mateo 25:40

“Ke Kin iifa agepamue ageinaka, ‘Iifa ko'a maamiai laifania. Kapa'ina mo lau aau akiu e'ele'i i'ina aga'o eegai okapaisa auga, lau eeuai okapaisa,’ ageoma.

Mateo 26:11

Gome ulalu au'i auga aufa kina mo eemiai akeagu kai, lau auga oi fou afalaagu mo afaelaolao.

Mateo 27:55

Ke papie ma'o isafa egae aakai mo keapa kai maa'i elao Iesu keisa. Ega'ina papie'i auga, Kalilea agogai Iesu muninai kepeapea kapa'ina mo anina eani aisama, kepapalagaina au'i.

Luka 24:10

Ega'ina papie'i kelao laai kapa'ina kemia keisa imoi maa'iai keifafou'i au'i aka'i, Maria Makdalena, Ioanna, ke James ina Maria. Ke papie isa'i fou la kelao au'i isafa, imoi maa'iai keifafoua.

Ioane 12:6

Judas Iskariot ega eifa oma auga, isa ulalu papiau'i gefa'i eauniia kainai ega aeifa oma kai, isa ifo painao auga kainai ega eifa oma. Isa Iesu ega imoi au'i e'i moni fe'a e'imaisa kainai, fe'a alogai moni pika keukaisa auga eafiia kapa'ina anina eani auga e'afaisa ifo epalagaina.

Acts 13:1

Pau Antiok taoninai pako'a papiau'i epo'iai, profeta ke pamalele au'i isafa keagu. I'ina au'i auga Banabas, Simion Niker keoma auga, Lusius Sairene taonina auga, Manaen, kin Herod auni'i kefa'a auga, ke Saulo.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.