Luka 4:8 - Mauni Mamaga Iifaga

⁸ Kai Iesu einaka, “Deo ega iifa pukagai isafa iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’” eoma.

Luka 4:8 Iomraidhean Croise

Mateo 16:23

Kai Iesu isa eaipenia kai epainia einaka, “Satani, muniu mai lao! Oi lau ifeu fa'anina fa'ualai koa kapa lomia e'u keaga lokaisapua. Oi Deo kapa'ina fekapa eoma auga aloopolaga kai papiau aumauni kapa'ina fekekapa keoma auga mo loopolaga,” eoma.

Mateo 4:10

Kai Iesu isa epainia einaka, “Satani! Eeuai moapa'au. Gome Deo ega iifa pukagai iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’ eoma. Deuteronomy 6:13

Luka 4:4

Kai Iesu einaka, “Deo ega iifa pukagai iina kepapua oma: ‘Papiau aumauni palafa ifogamo akeania akeagu afaekaina.’ Kai Deo isafa anina fekeani, ke ega iifa kainai fekeagu,” eoma.

Luka 4:7

Ega puo oi lau ainau aloafia ke aloau afagainiau koa aisama, i'ina kapa'i ma'oai oi apumu akemia,” eoma.

James 4:7

Ega puo oi imaaumi fofouga Deo fopalao penia, ke Isa mo aina foafia. Ke Satani kapa'ina anina eani amokapa eoma auga foumakalaina. Ega aisama Satani oi agepua'afunimi eemiai agepiaukoko.

1 Peto 5:9

Kai oi emi pako'ai foapa kapula kai isa foumakalaina. Gome agofa'ai oi aami akimi Kristiano au'i oi kiekie alo'iai okoko au'i i'opo'i mo isa alo'iai kekoko auga ologo.

Revelation 19:10

Ega aisama lau isa ife fo'inai laomukipo maau afagaina laoma. Kai isa lau epainiau einaka, “Moisa! Ega'ina folokapa! Lau auga pinauga au aga'o, oi ke aamu akimu Iesu fouga ko'a mo oifafoua aumi koa i'opou. Oi Deo moau afagaina! Gome Iesu fouga ko'a mo auga Deo ega Spirituai profeta eifania auga.

Revelation 22:9

Kai isa lau epainiau einaka, “Ega'ina folokapa! Lau isafa oi, ke oi aamu akimu profeta au'i, ke i'ina pukagai iifa ma'oai kekae au'i muni'iai kepea au'i ma'oai koa i'opo'i, Deo ega pinauga ikapa au. Ega kainai Deo moau afagaina!” eoma.