Luka 4:6 - Mauni Mamaga Iifaga

⁶ Egae kai epainia einaka, “Lau i'ina agofa'a isapuga ma'oai ke kapa felo'i ma'oai i'ina agofa'agai kekae au'i isafa oi alapenio apumu akemia. Gome i'ina agofa'a fofouga lau kepeniiau la'ima. Ke lau kaisau anina laani auga alapenia agekaina.

Luka 4:6 Iomraidhean Croise

Efesus 2:2

Ke ega kina'iai oi i'ina agofa'a lao'i mai'i muni'iai opea, ke tiapolo e'i lopia ega isapuai ufa gua e'ima auga, ke pau eague papiau Deo aina laagai keaopagai au'i alo'iai epinauga auga laoga maina muninai opea.

Ioane 14:30

Ke i'ina agofa'a lopiaga emai puo, lau oi fou aganini'ani epo afaemaefa. Isa ega isapuai kapa'ina lau faagauai ekapa auga, kapa aga'o lau faagauai aemia.

Ioane 12:31

I'ina agofa'a papiau'i e'i laomai felo, o apala akeafia auga kina inamo'e. Ke lau alamae ke alamaunimue aisama, i'ina agofa'a lopiaga i'ina agofa'agai alapapealaisa.

1 Ioane 5:19

Ke i'a alogo i'a auga Deo ega papiau kai, agofa'ai Deo oko akelogo au'i, Satani ega isapuai isa e'ima'i.

Revelation 13:7

Ke isa isapu kepeniia, Deo ega papiau fou fekeifani, ke fepalutini'i eoma. Ke isa isapu kepeniia, ikupu ma'oai, papiau ma'oai, mala ma'oai, ke ago ma'oai papiau'i fe'ima'i eoma.

Revelation 13:2

Ke ifeni koa i'opoga ega'ina lau laisa auga, iisa miini akaiki'a aka leopard koa i'opoga. Kai ife auga a'o akaiki'a aka bear ife koa i'opoga. Ke ake auga laion ake koa i'opoga. Ke kaapa mai'ife maipanina auga, ega kapula, ega aguagu afuga, ke kapa isa'i fe'ima'i isapu akaiki'a a'o ega'ina apala epeniia.

Revelation 12:9

Kaapa akaiki'a ipauma ega'ina auga keafiia kepiulaisa eake. Isa auga kaapa ufaina, kepafaala tiapolo, o tiapolo e'i lopia aka Satani keoma. Ke isa agofa'a fofouga papiau'i efoge'i. Ke isa kepiulaisa eake agofa'ai aisama, isa ega agelo apala'i au'i fou kai'ialao kepiulai'i.

1 Peto 1:24

Gome Deo ega iifa pukagai iina eifa oma: “Papiau aumauni imaau'i auga mukimuki koa i'opoga, ke papiau aumauni iisa'i felo'i ma'oai auga ago alo kaikai'i koa i'opo'i. Mukimuki eogogo, ke kaikai ke'ualai.

2 Korinto 11:14

Isa ega kekapa oma auga folokauai, gome Satani ifo isafa eafi kagakaga Deo ega eaea agelo aga'o koa emia!

Ioane 8:44

Oi auga tiapolo gauga, ke tiapolo auga oi amami. Ega puo oi anina oani, amami kapa'ina anina eani auga mo amokapa ooma. Agofa'a e'ina mo alogai, isa i'ina agofa'agai papiau eaupugu'i. Ke isa iifa ko'a auga aeafia alogai aeka, gome isa alogai kapa aga'o ko'a laa'i. Ke isa epifoge aisama, isa kapa'ina fekapa auga mo ekapa, gome isa pifoge auga, ke isa pifoge ma'oai ama'i.

Luka 4:7

Ega puo oi lau ainau aloafia ke aloau afagainiau koa aisama, i'ina kapa'i ma'oai oi apumu akemia,” eoma.