Luka 4:1 - Mauni Mamaga Iifaga

¹ Kai Iesu ae'ina ega pinauga aekapa koa kai Jordan agapugegai baptismo eafiia. Ega'ina alogai Deo ega Spiritu alo epogu. Egae kai Jordan epua'afuga emue afuga Kalilea ago elao. Elao alogai Deo ega Spiritu epapea elao ago maininai ekoko.

Luka 4:1 Iomraidhean Croise

Mateo 3:16

Ke Iesu baptismo mo eafiia ke fiakoa mo feisai e'agaukae. Ega aisama ufa eagalai, Deo ega Spiritu koofi koa i'opoga laagai eake eisa.

Luka 2:27

Ke Deo ega Spiritu isa epapea elao Deo ega e'a alogai ekoko. Ega aisama Moses ega iifa kagakagagai, imoi Iesu faugai kapa'ina fekekapa keoma auga kainai, ina ama isa keafiia Deo ega e'ai kekokoaina.

Luka 3:3

Ega kainai ago maini epua'afuga, Jordan agapuge eegai keagu pagua'i ma'oai maa'iai e'ina Deo ega iifa eifafoua. Isa ega nini'aniai papiau epaini'i e'i laomai apala'i kegaumakalaini'i, ega koa Deo isa e'i laomai apala'i age'agegeaini'i, ke baptismo fekeafia eoma.

Luka 3:38

Kenan ama auga Enos. Enos ama auga Set. Set ama auga Adamo. Ke Deo Adamo epagama.

Luka 4:14

Ega'ina afegai Iesu Deo ega Spiritu isapuga alo epogu, ago maini epua'afuga emue Kalilea ago elao. Egae isa e'ina ega pinauga ekapaisa. Ega aisama isa e'ina epinauga paguaga eegai, Kalilea ago pagua'i ma'oai alo'iai isa fouga efoufa'a.

Luka 4:18

“Lopia ega Spiritu eake peniau, gome isa lau isapu epeniiau. Ega koa iifa faunina ulalu au'i maa'iai faifafoua eoma. Ke eulaisau ketipula au'i akepealai auga, ke maakimi'i au'i maa'i felo agemia auga faifafoua eoma. Ke laomai apala'i ma'oai emokai'i au'i akepealai auga, ke Deo inipo kapagai ega gafegafe agepeni'i auga isafa faifafoua eoma.” Aisaea 61:1-2

Ioane 1:32

Ioane ega'ina iifa'i eifani'i afegai, Iesu faagagai kapa'ina emia auga fouga eifafoua einaka, “Lau Deo ega Spiritu koofi koa i'opoga emia ufai eake emai isa kania laagai laisa.

Ioane 3:34

Gome Deo au aga'o eulaisa auga Deo ega iifa eifania, gome Deo ega Spiritu isa epenia auga, epenia afaefuafua.

Acts 1:2

Isa apostolo ekinani'i au'i Deo ega Spiritu ega isapuai eifa kapula peni'i afegai, Deo isa ufai e'agauaina.

Acts 10:38

Ega'ina afegai Iesu Nasareta auga ega pinauga e'ina. Ke Deo ega Spiritu efakeopua, isa isapu epeniia. Ke isa Iudea agogai pagua ma'oai elao aisama, kapa felo'i ma'o ekapai'i ke papiau tiapolo ega isapuai keagu au'i epafelo'i. Gome Deo Iesu fou keagu. Ke Deo Iudea ago fofouga alogai iina epinauga oma, kapa ma'oai kegama au'i, oi a'o'i ologoni'i efua.

Acts 8:39

Isa auni'i feisai ke'agaukae aisama, Deo ega Spiritu Filip eafiia epagea puo Etiopia auga Filip aeisa pugu. Kai isa Filip aeisa mo ganinagai, alo egama alogaina puo aeopopo ekailai afuga elao.