Luka 3:3 - Mauni Mamaga Iifaga

³ Ega kainai ago maini epua'afuga, Jordan agapuge eegai keagu pagua'i ma'oai maa'iai e'ina Deo ega iifa eifafoua. Isa ega nini'aniai papiau epaini'i e'i laomai apala'i kegaumakalaini'i, ega koa Deo isa e'i laomai apala'i age'agegeaini'i, ke baptismo fekeafia eoma.

Luka 3:3 Iomraidhean Croise

Mateo 3:11

“Lau oi emi laomai apala'i foumakalaini'i laoma puo feisai mo baptismo lapenimi. Kai muniuai agemai auga ega isapu lau e'u isapu eka'egaina. Ke lau isa ife kamataga alaafiakae alapua afaekaina. Isa Deo ega Spiritu isapugai ke loai baptismo agepenimi.

Luka 1:16

Ke isa Israel papiau'i ma'o agemueaini'i Lopia isa e'i Deo eega agemaiseini'i.

Luka 1:77

Ke keaga alopakaisa alogai Deo ega papiau, Deo isa e'i laomai apala'i ala age'agegeai oma'i, ke kania'i ala ageagamau oma auga alopalogoni'i.

Luka 4:1

Kai Iesu ae'ina ega pinauga aekapa koa kai Jordan agapugegai baptismo eafiia. Ega'ina alogai Deo ega Spiritu alo epogu. Egae kai Jordan epua'afuga emue afuga Kalilea ago elao. Elao alogai Deo ega Spiritu epapea elao ago maininai ekoko.

Ioane 1:28

I'ina kapa'i ma'oai Jordan agapuge apiegai, afu aka Betani, Ioane baptismo epipeni afugai kemia.

Ioane 3:26

Ke isa kemai Ioane kepainia keinaka, “Rabai, au ega'ina oi fou Jordan apiegai oapa, ke fouga loifafoua auga baptismo epipeni, ke papiau ma'oai isa eega kelao,” keoma.

Acts 13:24

Kai Iesu aemai koa kai, Ioane Israel papiau'i ma'oai einogoni'i, e'i laomai apala'i fekeumakalaini'i, ke baptismo fekeafia eoma.

Acts 19:4

Ega aisama Paulo einaka, “Ioane papiau baptismo epenii'i auga, papiau e'i laomai apala'i fekeumakalaini'i auga baptismoga. Ke isa papiau epaini'i eifa muninai au aga'o agemai aka Iesu auga fekepako'ania eoma,”

Acts 22:16

Ega puo pau kina maaga folopafua! Mo'ue Iesu mopako'ania, akagai baptismo moafia, ke emu laomai apala'i moumakalaini'i. Egae kai Deo emu laomai apala'i age'agegeaini'i,’ eoma.