Luka 13:4 - Mauni Mamaga Iifaga

⁴ Ke Siloam taoaga e'ualai aisama, papiau 18 eaupugu'i auga ologo. Kai oopolaga ega'ina papiau'i e'i laomai apala auga, Ierusaleme taoninai keagu papiau'i e'i apala eka'egaini'i ma ooma?

Luka 13:4 Iomraidhean Croise

Ioane 9:11

Ke isa einaka, “Au keifaga Iesu keoma auga mi'iu ekapaisa maau elakaisa, ke epainiau malao Siloam ofugagai maufele eoma. Ega puo lau lalao laufele aisama, maau ekiakae afu laisa,” eoma.

Ioane 9:7

Egae kai epainia einaka, “Molao Siloam ofugagai moufele,” eoma. Siloam i'a mala'aisai auga iulai fouga eifania. Ega puo maakimi'i auga elao ega'ina ofugagai eufele, ke maaga felo emia afu eisa emue emai ega pagua.

Mateo 18:24

Ega'ina ekapaisa alogai, au aga'o isa eegai talent monina 10,000 eapitole auga isa eega kemaiseina.

Mateo 6:12

Ke lai papiau e'i apala a'agegeaini'i koa i'opoga, Oi isafa lai emai apala mo'agegeaini'i.

Luka 11:4

Oi emai apala ma'oai mo'agegeaini'i, gome lai papiau eemaisai apala kekapa au'i e'i apala a'agegeaini'i. Ke mopapeaimai i'opo apala'i alo'iai falakoko’” eoma.

Luka 13:3

Iifa gome maamiai laifania, laa'i ipauma! Oi emi laomai apala'i afoloumakalaini'i koa aisama, oi ma'oai isafa agomae afe'ai.

Luka 13:5

Iifa gome maamiai laifania, laa'i ipauma! Kai oi emi laomai apala'i afoloumakalaini'i koa aisama, Deo oi ma'oai emi laomai afa agepenimi,” eoma.

Acts 28:4

Keleipua ega'ina papiau'i Paulo imagai kaapa ekafiu'ui e'afauka keisa aisama, ifo'i epo'iai kenini'ani keinaka, “Iifa gome ega'ina auga auau auga ma'e. Isa a'uai femae kai aemae pau emai inae ega laomai afa Deo pau epeniia,” keoma.