Luka 13:3 - Mauni Mamaga Iifaga

³ Iifa gome maamiai laifania, laa'i ipauma! Oi emi laomai apala'i afoloumakalaini'i koa aisama, oi ma'oai isafa agomae afe'ai.

Luka 13:3 Iomraidhean Croise

Mateo 12:45

Ega aisama elao tiapolo i'oi'i au'i imagea gua, isa ega apala keka'egaina au'i emaiseini'i fou kelao ega'ina e'agai kekoko keagu. Ke fuagai aisama, au ega'ina ega agu elifu alogaina, ufainagai ala eagu oma auga aguga eka'egaina. Pau i'ina papiaumi apalami ipaumami aumi, ega koa i'opoga mo faagamiai agemia.”

Mateo 22:7

Kin ega'ina fouga elogo aisama, gua ekupu alogaina. Ke ega ifani au'i eulai'i kelao auau au'i ega'ina keaupugu afe'aini'i, ke e'i taoni keumaisa.

Mateo 3:2

Ke ega inogoai iina eifa oma, “Emi laomai apala'i amoumakalaini'i, gome Deo ega agofa'a emai kainagai,” eoma.

Luka 13:2

Ega aisama Iesu isa epaini'i einaka, “Oi oopolaga isa ega kemae oma puo, Kalilea papiau'i ma'oai epo'iai isa au'i e'i laomai apala ipauma, Kalilea papiau'i e'i apala eka'egaina ma ooma?

Luka 13:4

Ke Siloam taoaga e'ualai aisama, papiau 18 eaupugu'i auga ologo. Kai oopolaga ega'ina papiau'i e'i laomai apala auga, Ierusaleme taoninai keagu papiau'i e'i apala eka'egaini'i ma ooma?

Luka 13:5

Iifa gome maamiai laifania, laa'i ipauma! Kai oi emi laomai apala'i afoloumakalaini'i koa aisama, Deo oi ma'oai emi laomai afa agepenimi,” eoma.

Luka 24:47

Ega'ina afegai Mesaia kepako'ania au'i isa akagai papiau e'i laomai apala'i fekeumakalaini'i, ke Deo isa e'i laomai apala'i age'agegeaini'i auga fouga Ierusaleme taoninai ake'ina akeinogonia, ke akelao agofa'a fofouga papiau'i ma'oai isafa maa'iai akeinogonia.

Acts 3:19

Ega puo oi emi laomai apala'i amoumakalaini'i Lopia amoaipenia. Ega koa Lopia eegai Deo ega Spiritu oi fepakapulanimi auga kina agemai aisama, Deo oi emi laomai apala'i ma'oai laa'i fepamia'i laoma.