Luka 1:3 - Mauni Mamaga Iifaga

^3-4 Teofilus, au akaiki'a aumu, papiau isa'i oi maamuai Iesu fouga keifania auga fouga lalogo. Kai lau alou ko'agai anina laani auga, oi Iesu fouga ko'a ipauma auga fologo laoma. Ega kainai lau ifou Iesu e'ina kapa'ina ekapai'i fou'i ma'oai oko'i ipaumagai lamaleleaini'i. Ke fuagai oi faumuai fapapua fapenio auga laopolaga felo laoma. Ega puo Iesu fouga lapapua eemu efai.

Luka 1:3 Iomraidhean Croise

Luka 1:1

Papiau ma'o Iesu e'ina ega pinauga ekapaisa, ke ala epafua oma auga ifo'i maa'iai keisa. Isa kapa'ina keisa auga kepako'ania, ke ega'ina papiau'i epo'iai isa'i, Iesu fouga papiau maa'iai fekeifafoua auga pinauga kekapaisa. Ke isa ega'ina fou'i maa'aisai keifania, ke kepapua kepeni pagaini'a. Ega kainai Iesu fouga keifania auga iifa ko'a apamia, ke alo'a ko'agai apako'ania. Ke i'a epo'aisai papiau ma'o Iesu fouga ala e'ina oma a'o kelogonia auga okogai mo kepapua.

Acts 1:1

Teofilo, lau Luka Iesu fouga puka aga'ogai lapapua kakaua lapeniio. Ega'ina pukagai Iesu ala e'ina oma ega pinauga ekapaisa, ke epamalele mo au'i fou'i egae lapapua'i.

Acts 11:4

Kai Peto faagagai kapa ma'oai kemia auga gomegai e'ina okogai epakaisa isa maa'iai eifania einaka:

Acts 15:19

“Peto, Banabas auni'i keifania auga, Deo ega iifa pukagai kekae au'i fou i'opo'i mo puo, lau e'u nini'ani fuagai auga Iudea papiau'i laa'i au'i alo'i eponi Deo keaipenia au'i e'i keaga falapa'inokania.

Acts 15:25

Ke lai ainamai aga'omo emia, au isa'i akinani'i, Banabas Paulo auni'i ani'i aani alogaina au'i fou aulai'i kefai.

Acts 15:28

Gome Deo ega Spiritu felo eoma auga, ke lai aopolaga felo aoma auga, oi meau akaiki'a ipauma falapenimi kai, kapa'ina oi agokapa'i agekaina auga fokapa'i aoma.

Acts 18:23

Ke isa Antiok taoninai eagu kina pika koa elao afegai kai, epua'afuga. Ke elao Kalatia, ke Firikia ago'iai ekoko, ega'ina afu'i aga'o aga'o epeai'i Iesu ega papiau egae keagu au'i ma'oai maa'iai enini'ani, ke alo'i ko'agai Iesu fekepako'ania fekeagu felo eoma.

Acts 23:26

Kafana Feliks, au akaiki'a ipaumamu aumu. Oi loagu felo ma? Lau Klaudius Lisias, eemuai i'ina malelega lapapua laulaisa.

Acts 24:3

Feliks au akaiki'a aumu, oi emu pinauga ikifagai emai ago ma'oai felo mo lopamia'i. Ega puo lai auga kina ma'oai afu ma'oai, kapa'ina eemaisai lokapai'i au'i kai'iai, tenkiu akaiki'a apenio.

Acts 26:25

Kai Paulo einaka, “Festus, lopia akaiki'a aumu. Lau kapa'ina laifania auga ko'a'i, ke opolau felogai emai auga mo laifania.

1 Korinto 16:12

Ke pau i'a aki'a Apolos fouga alaifania. Lau isa la'augaina Kristiano papiau'i isa'i fou oi eemi kegafai laoma. Kai pau oi eemi fai auga afa'agamo eumaka kai, ega kina felo aga'o ageafia aisama, agefai.

1 Korinto 7:40

Isa ageamage koa aisama, alo agegama. Kai lau laopolaga isa afaeamage kai ala eagu oma koa mo ageagu koa aisama, alo agegama alogaina. I'ina auga lau opolau laifania. Kai lau laopolaga kapa'ina laifania auga, Deo ega Spiritu epalagainiau laifania.

1 Timoti 4:6

Deo ega iifa i'a apako'ania ke kainai apea auga, oi ifomu aloafi'inia koa aisama, ega'ina iifaga agepakapulanio. Ega koa i'opoga, oi pako'a papiau'i maa'iai ega'ina iifa'i laifa kakau'i au'i fopamaleleni'i ke fopalogo felo'i. Ega aisama oi Iesu Kristo ega pinauga ikapa aumu felomu alomia.