James 4:7 - Mauni Mamaga Iifaga

⁷ Ega puo oi imaaumi fofouga Deo fopalao penia, ke Isa mo aina foafia. Ke Satani kapa'ina anina eani amokapa eoma auga foumakalaina. Ega aisama Satani oi agepua'afunimi eemiai agepiaukoko.

James 4:7 Iomraidhean Croise

Mateo 11:29

Lau alou gagafe, ke lau ifou e'eleu lapamiaisau puo, lau fou alao alogai eeuai fomalele. Ke oi lau eeuai lalaumi ega laagai afuga agokapulaisa.

Acts 26:19

“Ega puo kin Akripa, ufai Lopia Iesu eake eapakina peniau, epainiau auga aina alapamafua.

Acts 9:6

Pau mo'ue Damaskus taonina alogai mokoko. Egae oi kapa'ina fokapa auga maamuai akeifania,” eoma.

Roma 10:3

Gome Deo eegai alo opai laoga maina emai auga oko akelogo kai, ifo'i Deo maagai alo opai au'i fekemia auga keagaga kekapunia. Ega koa kekapaisa, Deo isa alo'i opaina fekemia eoma auga kainai akepea.

Roma 14:11

Gome ega'ina fouga Deo ega iifa pukagai iina kepapua oma: ‘Lopia eifa, “‘Iifa ko'a, Lau laague alogai papiau ma'oai Lau agouai akeanife'u. Ke mala ma'oai papiau'i Deo maagai ko'a mo akeifafoua’” eoma. Aisaea 45:23

Efesus 4:27

Ke keaga aga'o foloa'amala, ega koa Satani faemai faekoko faepalifuimi.

Efesus 5:21

Ke oi Iesu Kristo omani'iaina, au akaiki'a opamia koa i'opoga, aga'o aga'o kapa'ina agoifania auga ainami foafia.

Efesus 6:13

Ega puo Deo ega ifani amu'i ma'oai faagamiai fooge'i, ega koa tiapolo ega i'opo kina apala eemi agemai aisama, oi isa fou agopipaini agekaina. Ke kapa ma'oai agokapa'i afegai aisama, ifomi ifemiai agoapa.

Hibru 12:9

Ke i'a alogo, ina'a ama'a kepamauni'a au'i, kepaikifani'a keaga felogai kepapeai'a. Ega'ina kekapaisa alogai, kapa'ina keopolaga felo keoma auga mo, i'a faaga'aisai kekapaisa kai epo aemaefa. Ega mo ganinagai, i'a isa apalopiani'i aina'i aafiia. Kai Deo auga i'a Isa koa i'opoga, alo'a opaina femia eoma puo, i'a epaikifani'a keaga felogai epapeai'a. Ke Ama'a Deo auga, papiau ma'oai lalau'i i'ima inagome, i'a ama'a kepamauni'a au'i eka'egaini'i. Ega kainai i'a auga Ama'a Deo aina faafi kapulania, ega koa agaagu aoniamo.

1 Peto 2:13

Papiau epo'iai isapu keafia papiau ke'ima'i au'i aga'o aga'o auga Lopia faugai oi ifomi ega'ina au'i aina'i foafia. Ega'ina au'i auga, kin au akaiki'a'i ma'oai kania'iai auga.

1 Peto 5:6

Ega puo Deo ima isapuga akaiki'a papagai auga oi ifomi e'elemi amopamiaimi. Ega koa kina agekaina aisama, Isa oi ageafiakaemi au akaiki'ami agepamiaimi.