James 4:6 - Mauni Mamaga Iifaga

⁶ Deo epiapu mo ganinagai, Isa gafegafe akaiki'a auga puo, papiau egafegafe peni'i. Kai kaisau Deo maagai ifo e'ele epamia auga, Deo ega gafegafe akaiki'a ipauma isa epenia. Ega kainai Deo ega iifa pukagai iina eifa oma: “Kaisau ifo eau afagaina auga, Deo isa emunia kai, ifo e'ele epamia auga, Deo isa egafegafe penia.”

James 4:6 Iomraidhean Croise

Mateo 13:12

Lau ega laifa oma, gome kaisau eegai amu kekae au'i, Deo isa ma'o agepenia amu agealogai alogaina eegai akeka. Ke kaisau eegai amu oisomo mo kekae au'i, oisomo mo eegai kekae au'i mo ganinagai, Deo ega'ina amu'i isa ageafania.

Mateo 23:12

Gome kaisau ifo akaiki'a epamia auga, Deo isa au e'ele agepamia. Kai kaisau ifo e'ele epamia auga, Deo isa au akaiki'a agepamia.

Luka 1:52

Ke keaina'au au'i epo'iai, papiau ke'ima'i lopia'i au'i e'i lopia eafani'i. Kai akeaina'au au'i, au akaiki'a'i epamia'i.

Luka 14:11

Gome kaisau ifo akaiki'a epamia auga, e'ele agemia. Kai kaisau ifo e'ele epamia auga, akaiki'a agemia,” eoma.

Luka 18:14

Iesu palapole ega'ina eifania afegai, iina eifa oma einaka, “Iifa gome maamiai laifania. Kaisau ifo eau afagaina auga e'ele agemia. Ke kaisau ifo e'ele epamia auga akaiki'a agemia. Ega puo ega'ina au'i auni'i epo'iai tax eafia auga Deo maagai alo opaina emia emue ega e'a elao. Kai Faliseo auga auga Deo maagai alo opaina aemia,” eoma.

James 4:10

Ke Deo agogai oi ifomi e'elemi fopamiaimi. Ega aisama Isa oi ageafiakaemi akaiki'ami agepamiaimi.

1 Peto 5:5

Ke oi au agu'ami aumi isafa, oi iifi e'a au akaiki'a'i au'i aina'i foafia. Ke oi ma'oai auga ifomi e'elemi fopamiaimi laoga maina auga foafi inokania, papiau aga'o aga'o ee'iai fokapa. Gome “Deo kaisau ifo'i au akaiki'a'i kepamia'i au'i ee'iai eapa emuni. Kai kaisau ifo'i e'ele'i kepamia'i au'i ega gafegafe akaiki'a epeni'i.” Proverbs 3:34