James 4:5 - Mauni Mamaga Iifaga

⁵ Ke Deo ega iifa pukagai iina eifa oma: Deo ega Spiritu i'a alo'aisai epaagua auga, i'a imaau'a fofouga Deo fapalao penia auga alo ko'agai anina eani alogaina. Ega puo Isa i'a ee'aisai epiapu. Oi ega'ina iifaga Deo eifa aagenia mo ma ooma? Laa'i ipauma!

James 4:5 Iomraidhean Croise

Ioane 10:35

Deo isa eifani'i deo eomai'i mo ganinagai, ega iifa isa epenii'i. Ega puo Deo ega iifa ega'ina auga, iifa ko'a ipauma, ke ageka aoniamo.

Ioane 19:37

Ke Deo ega iifa pukagai afu i'oina aga'ogai isafa iina kepapua oma: “Papiau akeakae mape kefau kanina auga afuga akeisa,” keoma.

Ioane 7:42

Deo ega iifa pukagai aeifa Mesaia Davide okogai agemai, ke Beteleme Davide eagu taoninai agemai aeoma ma?” keoma.

Acts 7:9

“Ke i'a ufu'a apa'a Iosepa aaga au'i Iosepa eegai kepikupa kainai kala'afi koa i'opoga ke'afa'afalaina. Ke afa'afa au'i Iosepa keafiia Isipto kelaoaina. Kai kina ma'oai Deo Iosepa eegai eagu epalagaina.

Roma 1:29

Ke isa Deo maagai alo opai lao'i mai'i laa'i au'i, ke amage koa lao'i mai'i apala'i ipauma'i au'i, ke mogemoge, ke tiapolo e'i laomai au'i ma'oai isa alo'i epogu. Ke isa keifa mugumugu. Ke pikupa, auau, akekua, pifoge, ke kelogo laomai apala kai fekekapa'i au'i lao'i mai'i ma'oai alo'i epogu.

Roma 9:17

Lau ega laifa oma, gome Deo ega iifa pukagai Deo Isipto ago e'ima auga Faro epainia iina eifa oma: “Oi faagamuai Lau e'u isapu papiau fekeisa, ke agofa'a fofouga alogai Lau akau fekeifafoua laoma. Ega'ina puogai Lau oi kin lapamiaiso,” eoma.

1 Korinto 6:19

Ke oi auga Deo ifo Gauga Iesu Kristo imaaugai e'afaimi, ke Deo ega Spiritu epeniimi auga alomiai eague. Ega kainai pau oi imaaumi auga Deo ega Spiritu ega e'a emia auga alologo ma? Iifa gome oi ologo oi imaaumi auga oi ifomi apumi laa'i kai, Deo ega Spiritu ega e'a. Ega puo oi imaaumi, ke lalaumi fofouga Deo apuga emia auga amopapinauga Deo au akaiki'a amopamia, amopalopiania.

2 Korinto 6:16

Ke Deo ega e'a, ke deo pifoge'i fou epo'iai kapa aga'omo fouga keifania ma? Laa'i. Gome i'a imaau'a auga, Deo eague aoniamo auga ega aguagu afuga. Ega'ina fouga Deo ega iifa pukagai iina eifa oma: “Lau isa fou agaagu, epo'iai alapea lao alapea mai. Ke Lau isa e'i Deo alamia, ke isa Lau e'u papiau akemia,” eoma.

Kalatia 3:8

Gome ufainagai Deo ega iifa pukagai eifa kakaua koa i'opoga, muni Iudea papiau'i laa'i au'i isa akepako'ania aisama, Deo isa e'i pako'a ega'ina anina ageani. Ke ega'ina pako'agai Deo maagai isa alo opai au'i agepamia'i eoma. Egae kai Deo iifa faunina ega'ina Abraham maagai eifa kakaua einaka, “Agofa'a fofouga papiau'i oi munimuai akemai au'i oi faumuai kapa felo'i ma'o akeafi'i,” eoma.

Taitus 3:3

Gome ufainagai i'a isafa Iesu alapako'ania alogai, kafo'o lao'i mai'i akapai'i. I'a kai aga'o aina alaafia. Ke kapa i'oi'i i'oi'i amaani'i ke alo'a fekepagama kapa'i muni'iai apea au'i i'a kefogei'a e'i kala'afi amia. Ke kina ma'oai aagu alogai papiau ee'iai laomai apala'i ipauma'i akapai'i, ke apikupa alogaina. Ke a'a laomaisai papiau i'a ani'a akeani, ke i'a isafa aga'o aga'o alo'a ko'agai isa ani'i alaani.