James 4:12 - Mauni Mamaga Iifaga

¹² Kai kai aga'o laa'i, Deo ifogamo ega iifa epagama epenii'a puo, Isa ifogamo i'a apala o felo akapa auga feifania. Ke Isa ifogamo i'a kania'a ageagamauga, ke agepamae afe'aini'a agekaina. Kai oi auga kaisau puo, minomiai aami akimi pako'a papiau'i e'i laomai apala, o felo auga oifania? Kai aga'o ega'ina isapuga oi aepenimi!

James 4:12 Iomraidhean Croise

Mateo 10:28

Ke kaisau oi imaaumi akeaupugua kai lalaumi afakeaupugua au'i folomani'iaini'i. Kai kaisau oi lalaumi ke imaaumi fou ipeliai age'afolai'i agolifu afe'ai auga fomani'iaina.

Luka 12:5

Kai pau oi kaisau fomani'iaina auga alapakinaimi. Isa oi imaaumi ageaupugua afegai, lalaumi ipeliai agepiulai'i isapuga eafia auga fomani'iaina. Ko'a ipauma, lapainimi pugu. Oi ega'ina auga fomani'iaina paisa.

Roma 14:13

Ega puo i'a aga'o aga'o apaini'a kapa'ina akapa auga felo, o apala aoma auga laoga maina fapaapakipo. Kai oi opomi fokapuga, ega koa aami akimi ago'iai ife'i feke'anina feke'ualai auga kepo folooge ke isa e'i keaga fokaisapua auga kapa aga'o ago'iai folooge.

Roma 14:4

Ke oi aumi, oi kai puo, aufalao aga'o ega pinauga auga, felo o apala ekapa ooma? Isa e'ima auga mo, isa ega pinaugai eapa inoka, o e'ualai auga fouga feifania. Oi ega foifa oma mo ganinagai, isa ageapa agekaina, gome Lopia isa ega pinaugai agepakapulania ageapa agekaina.

Roma 2:1

Ega puo oi papiau aga'o ega laomai afa feafia ooma aumi, oi ifomi emi laomai apala afa openimi. Oi ega'ina okapa aumi, Deo agogai iifa aga'o foifania, ifomi iimi fooge auga afaekaina. Gome oi laomai kapagai papiau ega'ina laomai apala'i ekapai'i auga afa openia kai, oi ifomi isafa isa laomai apala'i afa openia auga mo lao'i mai'i okapa'i.

Roma 9:20

Aai, papiau aumauni! Oi kai puo Deo ega iifa afa opamue? “Kapa'ina egama auga, isa epagama auga agepaina ageinaka, ‘Kapa puo lau iina lopagama omaisau?’ ageoma agekaina ma?” Laa'i, afaekaina!

Hibru 7:25

Ke Iesu aoniamo eague papiau fau'iai Deo egoina. Ega kainai papiau kapa'i isa akagai Deo eega kelao au'i, Iesu aoniamo isa kania'i ageagamau ko'ania agekaina.

James 5:9

Aau akiu pako'a papiaumi, kai aga'o eegai foloifa kipuga. Oi agoifa kipuga koa aisama, Lopia papiau e'i laomai felo, o apala afa agepeni'i auga, oi isafa afa apala ega koa agepenimi. Amoisa, ega'ina Lopiaga i'a a'a laomai felo, o apala afa agepeni'a auga, pa'afi akegai eapae i'a a'a laomai afa gapeni'a eoma.