James 3:2 - Mauni Mamaga Iifaga

² Oi ologo felo koa i'opoga, i'a ma'oai aague alogai, keaga i'oi'i i'oi'iai agagapai a'ualai, papiau puo kepeni'a. Kai gagapai ma'o alogaina auga, i'a a'a nini'aniai papiau puo apeni'i aisama, gagapai a'a nini'aniai kemai. Kai aufalao aga'o epo'aisai nini'aniai gagapai aga'o aekapakapa auga, isa eague alogai, imaauga fofouga age'ima agekaina. Ke Deo maagai alo opai ipauma auga agemia.

James 3:2 Iomraidhean Croise

Mateo 12:34

Oi ikifa aumi, kaapa apala ipauma auga gauga koa i'opomi. Oi laomai apala ikapa aumi puo, ala koa kapa felo aga'o agoifania agekaina? Gome kapa'ina papiau gua'i alo epogu auga, ake'iai epealai keifania.

Mateo 12:37

Gome Deo oi emi iifai afa felo agepenimi, ke ifomi emi iifai afa apala agoafia.”

Roma 3:10

Ega'ina fouga Deo ega iifa pukagai iina eifa oma: “Deo maagai aufalao aga'omo mo ganinagai alo opaina laa'i.

Roma 7:21

Ega puo lau alouai i'ina iifaga ekae epinauga: Lau alouai laomai felo makapa laoma alogai, laomai apala isafa egae lau alouai eka.

1 Korinto 9:27

Ke lau imaau ae'imaisau kai, lau imaau la'ima e'u kala'afi lapamia, ega koa papiau ma'oai maa'iai iifa faunina Iesu fouga alainogonia afegai, Deo lau afa fepeniau eoma auga fepeniau laoma.

Kalatia 3:22

Kai Deo ega iifa puka alogai kepapua keifa agofa'a fofouga papiau'i laomai apala'i mo keguakaeaini'i kai'iai kepea. Ega puo kai aga'o Moses ega iifa muninai epea mo puogai Deo maagai alo opai auga agemia afaekaina. Kai ega pako'a kapula Iesu Kristo mo eegai ageoge aisama, Iesu isa laomai apala'i eegai agepapealaisa. Ke ega'ina papiauga mo Deo Abraham, ke ufuga apa maa'iai pako'a iifaga kapula ekapaisa eifa kapa felo'i agepeni'i eoma auga isa isafa ageafia.

Kalatia 5:17

Gome kapa'ina Deo ega Spiritu anina eani auga, papiau aumauni laoga maina apala anina aeani. Ke papiau aumauni laoga maina apala kapa'ina anina eani auga, Deo ega Spiritu anina aeani. Ega koa kekapa auni'i epo'iai kepipaini. Ega puo Deo ega Spiritu oi agepapeaimi aisama, papiau aumauni laoga maina apala kapa'ina eifania auga afolokapa. Ke papiau aumauni laoga maina apala oi agepapeaimi koa aisama, Deo ega Spiritu kapa'ina eifania auga afolokapa.

Kolose 1:28

Ke lai Iesu Kristo fouga papiau ma'oai maa'iai ainogonia. Ke ega'ina akapa alogai papiau aina'i apalogo kapa'ina fekekapa, ke fakekapa auga fouga maa'iai aifania. Ke ikifa fofougai papiau ma'oai apamaleleni'i, ega koa isa ma'oai Iesu Kristo fekepako'ania felao alo'i opaina femia Deo agogai fapaapalai'i aoma.

Kolose 4:12

Ke Epafras, oi emi papiau aga'o, ke Iesu Kristo ega pinauga ekapa auga, ega pamego iifa'i oi eemiai eulaisa. Isa aufa kina mo oi faumiai megamegai eafipugu, ega koa oi foapa kapula, alomi fekapula, Deo kapa'ina anina eani fokapa eoma auga fologo felo eoma.

Hibru 13:21

Deo Iesu faagagai ega ekapa oma auga, fepalagainimi fofua foagu, kapa felo'i ma'oai ega logoai fokapa laoma. Ke Iesu Deo alo fepagama mo pinauga ekapaisa koa i'opoga, Iesu ega pipalagaisai, i'a Deo alo fapagama mo pinauga fakapa. Ke Iesu ega'ina auga aoniamo, Au Akaiki'a amapamia, ke amaau afagaina faefuafua. Amen.

James 1:26

Kai epomiai aufalao aga'o eopolaga, isa Deo epako'ania muninai epea eoma kai, ifo ega nini'ani ae'ima felo auga ifo efoge. Ke Deo epako'ania muninai epea eoma auga, Deo eegai kapa aga'o laa'i.

James 1:4

Ke Deo anina eani emi pako'a fekapula mo felao maeai, ke emi aguagu alogai laomai felo'i mo fokapa'i ega koa Isa maagai alo opai aumi fomia eoma. Ega'ina mo laa'i kai, emi aguagu alogai alomi ko'agai mo Isa fopako'ania. Ke Isa aina kainai kapa ma'oai fokapa afe'aini'i, ke muninai isafa fopea eoma. Ke fuagai aisama, emi keaga age'opai, kapa aga'o kainai afolokai. Ega puo i'opo i'oi'i i'oi'i eemi akefai aisama, gamu'i mo foopo emi pako'a foafiapia, alomiai mo fekeka felao ega'ina i'opo'i ma'oai fekepagai afe'ai laa'i fekemia. Egae kai Deo maagai alo opai aumi agomia.

James 2:10

Gome Deo ega iifa pukagai iina eifa oma: Akeamage au'i kai aga'o fou amage koa laoga maina fakekapa fakefeu aage mo. Ke iina isafa eifa oma: Kai aga'o foloaupugua eoma. Ega kainai oi fou oloamage au'i fou afolofeu aage mo mo ganinagai, aufalao aga'o agoaupugua koa aisama, oi Deo ega iifa laagai agoaopagai agoaupea. Ega koa i'opoga, kaisau Deo ega iifa ma'oai kai'iai gapea ageoma kai epogai aga'omo mo ageaupea koa aisama, Deo maagai laomai apala agekapa, ega iifa ma'oai mo ageaupea'i.

1 Peto 3:10

Gome, “Kaisau alo ko'agai ifo ega agu maunina anina eani auga, ke anina eani kina felo'i feisa'i eoma auga, mala fe'ima malagai iifa apala'i aga'o faepealai. Ke fifina isafa fe'ima, fifinagai pifoge iifa'i aga'o fakepealai.

1 Peto 5:10

Ke Deo gafegafe ma'oai inagome auga, Iesu Kristo faagagai oi eifanimi, Isa ega isapu, ke eaea akaiki'a fou akeka aoniamo auga foafia eoma. Ke oi kina pika koa mo agokiekie afegai, Isa ifo oi emi kiekie eegai agepapealaimi. Ke Isa oi emi pako'ai agepakapulanimi afololao afolomai, ke emi pako'a agoafiapia.