James 3:10 - Mauni Mamaga Iifaga

¹⁰ Ega koa i'opoga, ake'a ega'inagai mo Deo aau afagaina, ke ake'a ega'inagai mo papiau aifa apala peni'i. Aau akiu pako'a papiaumi, iina koa faagamiai faemia laoma.

James 3:10 Iomraidhean Croise

Roma 12:14

Ke papiau oi keafi apalanimi au'i, Deo kapa felo'i isa fepeni'i fooma. Deo kapa felo'i isa fepeni'i fooma kai, afa apala gapeni'i folooma.

1 Korinto 3:3

Lau oi foumi ega laifa oma, gome oi auga agofa'a lao'i mai'i mo oapae okapa'i paisa. Oi epomiai piapu, ke akekua emia auga, oi agofa'a lao'i mai'i alokapa'i ma ooma? Ke oi papiau aumauni koa alokagakaga ma ooma?

1 Timoti 5:13

Kapa puo afuafu agu'a'i aka'i fakeoge laoma auga alaifania pugu. Pako'a papiau'i isa akepalagaini'i aisama, afakepinauga puo ake'apolo e'a akepao apu'i. Ega'ina mo laa'i kai, nini ake'anina, e'a aga'o nini'anina auga akelao, e'a aga'ogai fakeifania koa kai akeifania.

James 1:16

Ega puo aau akiu pako'a papiaumi, epomiai kai aga'o folologoaina faefogeimi faeifa i'opo Deo eegai emai faeoma.

James 1:19

Aau akiu, pako'a papiaumi, i'ina iifaga fologo felo: Oi ma'oai fofiakoa ainami fopaaua kai laafuai folonini'ani. Ke papiau ee'iai guami faekupu faefiakoa.

James 3:1

Aau akiu pako'a papiaumi, oi fologo felo, Deo papiau e'i laomai apala'i afa agepeni'i aisama, pamalele au'i e'i laomai apala'i afa akaiki'a agepeni'i. Kai papiau aage'i au'i e'i laomai apala afa e'ele mo agepeni'i. Ega puo oi ma'oai pamalele aumi fomia auga opolaga foloafia.

James 3:11

Kapa aga'o alaafi'opo amoisa. Inuinu feina ke a'u feina fou kai'ialao ake aga'omogai akepealai agekaina ma? Ke au aka fik keoma auga, olive puaga ageoge agekaina ma? Ke fino oofuga faagagai fik puaga ageoge agekaina ma? Afaekaina! Ega koa i'opoga, a'u feina, inuinu feina agapamia afaekaina.

James 3:9

Mala'a ina'inagai Ama'a Deo ke a'a Lopia aau afagaina. Ke mala'a ina'inagai mo papiau Isa iisa koa i'opoga epagama'i au'i, Deo akagai aifa apala peni'i.

1 Peto 3:9

Ke aufalao aga'o oi eemiai apala ekapaisa koa aisama, oi isa afa folopenimue eegai apala folokapa. Ke aufalao aga'o oi eifa apala penimi koa aisama, oi isa ega iifa afa folopamue, foloifa apala penia. Kai Deo kapa felo'i isa agepenia auga maagai foifania, foifa felo penia. Gome oi ologo Deo oi eifanimi auga i'ina puogai eifanimi, ega koa Deo kapa felo'i oi fepenimi eoma auga foafi'i eoma.