James 2:9 - Mauni Mamaga Iifaga

⁹ Kai papiau iisagai mo oisa omaaga aisama, Deo ega iifa ega'ina kainai alopea kai oaupea, ke maagai laomai apala ipauma okapa.

James 2:9 Iomraidhean Croise

Ioane 16:8

Ke Pipalagai Auga ega'ina agemai aisama, agofa'a papiau'i e'i laomai apala'i kapa'ina auga agepakina'i. Ke Deo agogai alo opai lao'i mai'i kapa'ina auga isafa agepakina'i. Ke Deo papiau e'i laomai felo o apala afa agepeni'i auga kapa'ina auga isafa agepakina'i.

Ioane 8:46

Oi epomiai aufalao aga'o lau apala lakapaisa auga ageifafoua agekaina ma? Ke laa'i koa aisama, lau iifa ko'a laifania puo kapa puo lau alopako'aniau?

Ioane 8:9

Iesu ega eifa oma aisama, egae keapa aina kelogo au'i epo'iai, au apao'i au'i keufai aga'omo aga'omo kekani kaukau. Ke papiau agu'a'i isafa aga'omo aga'omo kekanikani kai elao Iesu mo papie ega'ina auni'i egae keapa.

Acts 10:34

Ega aisama Peto ake epaagalaisa enini'ani einaka, “Iifa ko'a, pau lalogo felo Deo papiau aga'omo afegai aeaulao.

Roma 3:20

Gome kai aga'o Deo ega iifa kai'iai mo agepea Deo maagai alo opai auga agemia afaekaina. Lau ega laifa oma, gome Deo ega iifa faagagai i'a a'a laomai apala'i auga oko alogo felo.

1 Korinto 14:24

Kai iifi e'a papiau'i ma'oai profeta koa akemia Deo ega iifa keifaifafoua kai, Kristiano laa'i auga, o aufalao aga'o kapa'ina emia aelogo auga afemai afekoko koa aisama, isa e'i nini'aniai ega'ina papiauga agelogo, isa auga laomai apala ikapa auga. Ke e'i nini'aniai isa ega laomai apala'i ekapai'i au'i akefoki.

Kalatia 2:19

Gome lau Iesu lapako'ania aisama, Moses ega iifa kai'iai pea laapakipo. Ega koa lakapaisa Moses ega iifa kainai alapea puo, Moses ega iifa eegai auga, lamae efua koa i'opoga. Ke pau Moses ega iifa kainai lamae, ega koa lau Deo faugai faagu laoma.

1 Ioane 3:4

Ke kaisau laomai apala ekapa auga Deo ega iifa eaupea. Gome laomai apala auga, Deo ega iifa kainai aepea.