James 2:7 - Mauni Mamaga Iifaga

⁷ Ke oopolaga isa Iesu kepako'ania au'i ee'iai keifa felo ma ooma? Laa'i! Isa Iesu aka oi eemiai akaiki'a ipauma auga eegai keifa palago.

James 2:7 Iomraidhean Croise

Mateo 1:23

Ega'ina kapa'i aga'o auga fouga profeta Aisaea iina epapua oma: “Ifiao agu'a faaga fofouga, au aga'o fou akefeufeu auga, ageinae imoi maguaega agepamauga. Ke papiau isa aka Immanuel akeoma.” Immanuel i'a mala'aisai auga, “Deo i'a fou aague,” auga eifania.

Mateo 12:24

Kai Faliseo au'i papiau ega keifa oma aina'i kelogonia aisama, keifa keinaka, “Isa tiapolo e'i lopia Belsabul mo aka isapugai tiapolo epapealai'i,” keoma.

Mateo 27:63

Ke kepainia keinaka, “Au akaiki'a aumu. Pifoge auga ega'ina aemae koa kai iina eifa oma auga aopolaga puo amai, ‘Kina oiso afegai alamaunimue,’ eoma.

Acts 11:26

Ke elao Tarsus taoninai Saulo eisa aisama, eafiia fou kemue Antiok taonina kelao. Egae Banabas Saulo auni'i inipo aga'o fofouga keagu, pako'a papiau'i ma'o paisa fou kekaigugu, ke papiau ma'o kepamaleleni'i. Ke egae Antiok taoninai papiau i'oi'i pako'a papiau'i aka mamaga kepenii'i ke'ina keifani'i ‘Kristiano’ keoma.

Acts 15:17

Ega koa agofa'ai papiau ma'oai keague au'i, ke Iudea papiau'i laa'i kai lau akau keafia au'i, Lopia fekekapuga laoma.

Acts 26:11

Ke kina ma'o Iudea papiau'i e'i la'afou afu'i, aga'o aga'o alo'iai lakoko, pako'a papiau'i Iesu kepako'ania auga, Deo maagai apala ipauma lapamia, laafi apalani'i. Ke lapamani'ini'i Iesu eegai kegaifa apala laoma. Ke ega'ina papiau'i ani'i aga'o alaani mo laa'i aefuafua puo, agoma taoni'i i'oi'i i'oi'i isafa lalao laafi apalani'i.

Acts 4:12

“Ke kai aga'o akagai papiau kania'i ageisagamau afaekaina. Gome Deo agofa'a alogai kania'a isagamauga isapuga kai aga'o aepenia. Kai Iesu mo aka isapugai kania'a ageagamauga agekaina,” eoma.

1 Timoti 1:13

Ufainagai lau Iesu eegai laifa apala, ke Iesu kepako'ania papiau'i laafi apalani'i, ke lapalifu alogaini'i kai felo mo lapamia. Ega'ina lakapai'i mo ganinagai isa ega guani lau epakinaisau, gome ega'ina alogai lau iifa faunina Iesu fouga alalogo ke Iesu Kristo alapako'ania.

1 Peto 4:16

Kai oi Kristiano omia kainai okiekie koa aisama folomeagai. Kai oi Iesu Kristo aka oafiia kainai, Deo foau afagaina.

Revelation 19:13

Ke isa afe tiapuga ifai kei'iupia auga ei'iuka, ke isa aka auga Deo ega Iifa.

Revelation 19:16

Ke afe tiapugai, ke a'agagai isa aka iina kepapua oma: KIN MA'OAI E'I KIN, KE LOPIA MA'OAI E'I LOPIA.