James 2:5 - Mauni Mamaga Iifaga

⁵ Aau akiu, ainami amopaaua kapa'ina alaifania auga a'o fologo. Iifa gome agofa'a alogai Deo alo ko'agai ulalu papiau'i ani'i eani au'i ekinani'i Iesu Kristo kepako'ania. Ke Deo epako'ania kaisau alo'i ko'agai Isa anina keani au'i ega agofa'a agepeni'i eoma. Ega kainai ulalu au'i kapa aga'o ee'iai laa'i mo ganinagai, Deo ega agofa'a isa apu'i agemia auga kepako'ania. Ega puo Deo maagai isa au'i kelopia alogaina.

James 2:5 Iomraidhean Croise

Mateo 11:5

Isa fopaina, maakimi'i au'i afu keisa, melo au'i kepea, molumolu isafaga keafia au'i faaga'i felo emia, aina'i efua au'i a'oa'o kelogo, mae au'i kemaunimue, ke iifa faunina ulalu papiau'i maa'iai iifafouga emia fooma.

Mateo 25:34

“Egae kai Kin ageoge papiau isa kaina kainai keapa au'i agepaini'i ageinaka, ‘Lau Amau eegai kapa felo'i oafi'i aumi, oomai agofa'a egama mo alogai, lau Amau ega agofa'a oi apumi eoma auga amoafia apumi gamia.

Mateo 5:3

“Lalau'iai keulalu au'i Deo eegai kapa felo'i keafi'i, gome Deo ega agofa'a isa apu'i.

Mako 7:14

Ke Iesu la'afou eifaga pugu eega kemai aisama, epaini'i einaka, “Ma'oai mo ainami amopaaua ainau amologo, ke i'ina iifaga kapa'ina eifania auga fologo felo.

Luka 12:21

Iesu palapole ega'ina eifania afegai eifa einaka, “Kaisau ifo faugai epa'amu'amu kai Deo faugai aepa'amu'amu auga, iina koa faagagai agemia,” eoma.

Luka 12:32

“Oi Amami ega agofa'a ega alogamai epenimi. Ega puo oi aumi aema'o mo ganinagai folomani'i.

Luka 16:22

“Ega'ina afegai pinoi auga ega mae kina emai aisama emae. Ke Deo ega agelo kemai isa keafiia kelaoaina Abraham eegai kepaagua. Egae kai pa'amu'amu auga isafa emae, ke papiau isa kelaoaina kefufunia.

Luka 16:25

“Kai Abraham iifa epamue einaka, ‘Gauagai, oi aagoai loagu aisama, emu agu alogai kapa ma'oai felo'i mo loafii'i lopapinaugani'i kai Deo ega iifa kai'iai alopea auga moopolaga. Kai ega'ina alogai Lasarus kapa apala'i mo eafii'i kai isa Deo epako'ania puo, Deo isa agu felo epeniia inae eague. Kai oi auga egae lokiekie alogaina.

Luka 22:29

Ke Amau ega agofa'a lau epeniiau fa'ima eoma koa i'opoga, oi isafa apumi alapenimi ago'ima.

Luka 6:20

Ega'ina alogai Iesu ega apostolo 12, ke ega imoi isa'i au'i ma'oai fou eaipeni'i ke epaini'i einaka: “Ulalu aumi, Deo eegai kapa felo'i oafi'i, gome Deo ega agofa'a oi apumi.

Ioane 7:48

Ke au akaiki'a'i isapu keafia au'i aga'o o Faliseo auga aga'o isa epako'ania o aepako'ania ma?

Acts 7:2

Ega aisama Stefano einaka:

Roma 8:17

Ke i'a Deo gauga koa aisama, Deo gauga kapa'ina akeafia eoma auga, i'a isafa agaafia. Ke Deo kapa'ina Iesu Kristo apuga eoma auga isafa Iesu fou kai'alao agaafia. Gome Iesu Kristo kapa'ina kiekie epa'aua auga koa i'opoga, i'a a'a agu alogai ega agakiekie oma koa aisama, Deo isa isapu ke eaea akaiki'a epeniia auga, i'a isafa isa fou agaafia.

1 Korinto 2:9

Kai isa ega koa kekapaisa auga, Deo ega iifa pukagai iina kepapua oma auga, ko'a femia kainai ega emia oma: “Deo alo ko'agai papiau ani'i eani au'i fau'iai kapa'ina epafua eka auga, papiau aumauni epo'iai kai aga'o maagai ega'ina kapa aeisa. Ke ainagai ega'ina kapa a'o aelogonia, ke minogai isafa ega'ina kapa aeopolaga.” Aisaea 64:4

2 Korinto 4:15

Ke ega'ina kapa'i ma'oai faagamaisai kemia auga, oi faumiai felo mo femia puogai kemia. Ega koa Deo ega gafegafe akaiki'a papiau ma'o ma'o mo eafi'i au'i, tenkiu akaiki'a ipauma Deo ega isapu, ke eaea akaiki'a auga fekepenia faefuafua aoma.

2 Korinto 6:10

Ke alomai emafu ganinagai aufa kina alogamai alao amai. Ke ulalu aumai ganinagai, papiau ma'o apa'amu'amu'i. Ke kapa aga'o eemaisai laa'i mo ganinagai, kapa ma'oai apumai akemia.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

Efesus 1:18

Ke lau lamegamega ega koa oi alomi isafa feeaea, ega koa Deo oi eifanimi muni kapa'ina agoafia afia'amaga opa'aua auga, ke Isa ega isapu ke ega eaea akaiki'agai ega papiau kapa felo'i ma'o akeafi'i eoma auga fologo laoma.

Efesus 3:8

Ke Deo ega papiau epo'iai lau auga kapa aga'o laa'i mo ganinagai, Deo ega gafegafe akaiki'a ega'ina lau epeniiau, ega koa Iesu Kristo epa'amu'amu alogai, oi pika agoopolaga afaekaina auga fouga, Iudea papiau'i laa'i au'i maa'iai fainogonia eoma.

1 Tesalonika 2:12

Ke ega'ina akapaisa alogai, magogo kapula apeniimi emi pako'ai foapa inoka aoma, ke alomafu oafii'i aisama apaameimi. Ke a'augainimi alafua, ega koa Deo oi eifanimi ega agofa'ai fokoko, ke ega eaea isapu akaiki'a fou alogai foagu eoma auga, oi ala foagu oma eoma auga mo agugai foagu aoma.

2 Tesalonika 1:5

Ke pau oi faagamiai kapa'ina kemia auga, Deo papiau laomai felo kekapa aisama, afa felo epeni'i, ke apala kekapa aisama afa apala epeni'i auga, i'a epakinai'a. Deo ega ekapa oma kainai, oi Deo ega agofa'ai agokoko agekaina. Gome oi Deo ega agofa'a ega'ina puogai okiekie.

1 Timoti 6:18

Ke agu pagai maunina afuga aoniamo ekaega auga fekelogo. Pa'amu'amu au'i ega'ina afugai kegakoko keoma koa aisama, isa papiau fekepalagaini'i ke laomai felo'i ma'o mo fekekapa'i. Iina akekapa oma koa aisama, isa muni ufai akepa'amu'amu, ke ifo'i e'i laomai felo afa akeafia. Ke iifa gome isa muni agu pagai maunina afugai akekoko isafa auga fekepakinai'a. Oi pau pa'amu'amu au'i keague au'i fopaini kapulani'i ega koa fekekapa.

2 Timoti 4:18

Ega koa i'opoga, papiau laomai apala'i ipauma'i ma'oai kekapa'i au'i, lau akeafi apalaniau mo ganinagai, Lopia lau isa ee'iai kaniau ageagamauga. Ke fuagai age'ima feloisau, agelaoainiau ufai ega agofa'ai agepaaguisau. Ega kainai i'a a'a Lopia faau afagaina, ke au akaiki'a fapamia aoniamo. Amen.

2 Timoti 4:8

Ke lau e'u pinauga lakapa felo auga afa felo Deo lau apu eoma auga agepeniau. Ke Lopia Iesu Kristo papiau e'i laomai afa epeni felo'i auga agemai papiau e'i laomai felo o apala afa agepeni'i aisama, isa lau e'u pinauga afa, ega'ina kinagai agepeniau. Ega'ina kinagai isa lau mo afa felo afaepeniau kai, papiau kapa'i alo'i ko'agai isa ega mai pugu ke'ima au'i isafa afa felo agepeni'i.

James 1:12

Ke oi epomiai au aga'o i'opo aga'o eega agemai. Kai isa ifo gamuga mo ageopo ageafiapia mo, ega pako'a afaepua'afuga koa aisama, Deo isa ega laomai felo afa agepenia. Ega'ina auga, papiau alo'i ko'agai Deo anina keani au'i ee'iai eifa epako'ania koa i'opoga, mauni umamo afugai fou akeagu. Ega puo i'opo agemai kai kaisau agekapula afae'ualai auga, Deo eegai kapa felo'i ageafi'i.

James 1:16

Ega puo aau akiu pako'a papiaumi, epomiai kai aga'o folologoaina faefogeimi faeifa i'opo Deo eegai emai faeoma.

James 1:19

Aau akiu, pako'a papiaumi, i'ina iifaga fologo felo: Oi ma'oai fofiakoa ainami fopaaua kai laafuai folonini'ani. Ke papiau ee'iai guami faekupu faefiakoa.

James 1:9

Ke oi pako'a papiaumi epomiai, au aage ulalu auga aga'o eaguega koa aisama, Deo isa ekinaga, ega papiau epamia auga felogo. Ke isa au aage ulalu auga mo ganinagai, Deo maagai auga isa au akaiki'a ipauma. Ega puo isa ulalu auga mo faeoma ifo faepaake kai, Deo isa faagagai kapa'ina ekapaisa auga alogama akaiki'a fepa'aua.

1 Peto 1:4

Ke ega koa Deo oi kapa'ina foafia eoma ufai eoge eka auga foafia eoma. Ke ega'ina kapa auga, afaelifu, afaeofu, ke laa'i afaemia.

2 Peto 1:11

Ke oi i'a a'a Lopia, ke Kania'a Eagamauga Auga Iesu Kristo, ega agofa'a ageka aoniamo auga afugai, feifa kokoimi auga isapuga fofouga agoafi afe'aina.

Revelation 2:9

Lau oi emu kiekie ke ulalu fou lalogo. Kai lau laopolaga oi pa'amu'amu aumu laoma. Papiau isa'i ifo'i Iudea papiau'i keoma'i au'i, oi eemuai keifa apala auga lalogo. Isa auga Iudea papiau'i laa'i kai, Satani ega la'afou papiau'i.

Revelation 21:7

Kaisau ega pako'ai laomai apala'i agepalutini'i auga, i'ina kapa'i ma'oai alapenia. Lau isa ega Deo alamia, ke isa Lau gau agemia.

Revelation 3:18

Lau oi magogomu laauga, lau eeuai gold lo e'isapu alogaina auga logai keuma epo emaefa kai, gold ko'a ipauma mo eka auga fo'afa, ega koa oi fopa'amu'amu laoma. Ke afemi tiapu'i kelo'i fo'afa'i foi'iuka'i, ega koa oi faagamu maini meagaina lopa'aua auga fokaisapua. Ke maamu mulamula fo'afa maamuai fooge, ega koa afu foisa laoma.