James 2:4 - Mauni Mamaga Iifaga

⁴ Iina okapa oma auga, oopolaga laomai felo ma okapa ooma? Laa'i! Oi papiau iisagai mo oisa omaaga kainai ifomi epomiai o'eaimi, ke laomai apala okapa. Ke oi opola apala oafia, kapa aga'o papiau omaaga auga eegai foafia ooma puo, iisagai mo oisa omaaga ega koa okapa.

James 2:4 Iomraidhean Croise

Luka 18:6

Iesu ega'ina palapole eifania afegai, eifa pugu einaka, “Au ega'ina ega laomai apala, Deo ke papiau aemani'iaini'i auga ifo mo kapa'ina eifania auga a'o amologo.

Ioane 7:24

Oi papiau iisagai mo oisa papiau felo, o apala ooma auga kagakaga amopaapakipo kai, alo opai laoga mainai afa amopipeni'i,” eoma.

James 3:17

Kai ikifa ufai Deo eegai emai ikifaga auga, papiau epalagaini'i Deo ega aguai keagu. Laomai ma'oai epo'iai papiau kapa Deo ega aguai eagu auga laoga maina kapa akaiki'a ipauma. Ke ega'ina ikifaga eafia papiauga auga, papiau fou gagaoai keagu, ke ifo elogoaina papiau kapa'ina keifania auga, aepaafiafi kai'iai mo epakaisa. Ke isa aina aefua, papiau keifania auga ekapa, ke papiau gua'i eani alogaina. Ke isa papiau fau'iai kapa felo'i ma'o ekapa'i, ke kapa'ina ekapa auga opo aga'omogai ekapa. Ke kapa ma'oai alo ko'agai mo ekapa'i.

James 4:11

Aau akiu pako'a papiaumi, Deo ega iifa epaini'a, alo'a ko'agai aga'o aga'o ani'a faani eoma. Ega puo aga'o aga'o eemiai foloifa apala. Kai epomiai kaisau aaga akina pako'a papiau'i ee'iai ageifa apala, o Deo ega iifa kainai akepea auga alogai ageopolaga apala ageoma aisama, Deo ega iifa ega'ina ageaupea. Ega kainai isa papiau ee'iai ageifa apala, o apala kekapaisa eoma auga, papiau aepaini'i kai Deo ega iifa eegai eifa apala. Ke Deo isafa eegai apala ekapa. Ega koa ekapa aisama, isa Deo ega iifa kainai aepea kai, iifa ipakaina afugai eagu koa i'opoga eifa, Deo ega iifa auga felo, o apala eoma.