James 2:12 - Mauni Mamaga Iifaga

¹² Ega puo oi kapa'ina okapa ke oifania aisama, i'ina iifaga fologo felo: Deo Iesu Kristo puogai i'a a'a laomai apala'i e'agegeaini'i, laomai apala'i alo'iai epapealai'a. Ega'ina mo laa'i kai, papiau ma'oai mo isafa alo'a ko'agai ani'i faani eoma. Ega kainai muni Deo oi aina ala oafi oma auga kainai mo afa ega agepeni omaimi.

James 2:12 Iomraidhean Croise

Luka 4:18

“Lopia ega Spiritu eake peniau, gome isa lau isapu epeniiau. Ega koa iifa faunina ulalu au'i maa'iai faifafoua eoma. Ke eulaisau ketipula au'i akepealai auga, ke maakimi'i au'i maa'i felo agemia auga faifafoua eoma. Ke laomai apala'i ma'oai emokai'i au'i akepealai auga, ke Deo inipo kapagai ega gafegafe agepeni'i auga isafa faifafoua eoma.” Aisaea 61:1-2

Ioane 8:32

Ega aisama oi Deo ega iifa ko'a auga agologo, ke pako'a iifaga ega'ina, oi kapa'ina papagai kala'afi koa omia oagu auga eegai agepapealaimi,” eoma.

Kalatia 6:2

Ke epomiai aufalao aga'o meau aga'o ageafia koa aisama, fopalagaina. Ega koa fokapa aga'o aga'o fopalagainimi, ke ega'ina agokapa aisama, Iesu Kristo kapa'ina eifania fokapa eoma auga, ma'oai agokapa afe'aini'i.

Filipi 4:8

Aau akiu Kristiano papiaumi, nini'ani ega'ina laifani'i au'i fuagai, ina'ina mo alaifania. Kapa'ina ko'a, kapa'ina akaiki'a, kapa'ina opaina, kapa'ina ofu faagagai laa'i kai felo ipauma auga, kapa'ina papiau keisa anina keani auga, kapa'ina papiau keisa felo ipauma keoma auga, ke kapa'ina papiau keifagaina auga, oi opomi i'ina kapa'i mo ee'iai fooge.

Kolose 3:17

Ke kapa'ina agoifania o agokapa alogai, ega'ina kapa'i ma'oai Lopia Iesu Kristo akagai fokapa'i. Ke ega'ina agokapa alogai, Iesu Kristo akagai Ama'a Deo tenkiu fopenia.

James 1:25

Kai Deo ega iifa Iesu fouga felo ipauma, laomai apala'iai agepapealai'a auga fiakoa mo fa'agege auga afaekaina. Ega kainai kaisau ageopolaga alo ko'agai ega'ina iifaga agepako'ania auga, Deo ega iifa a'o agelogo aisama, afae'agege kai kapa'ina a'o elogonia auga agekapa. Ega koa agekapa aisama, ega pinaugai Deo eegai kapa felo'i ageafi'i.

James 2:8

Ega kainai papiau iisagai mo oisa folomaaga. Kai Deo ega iifa pukagai iina kepapua oma auga foopolaga: Kaisau oi fou oagu au'i, oi ifomu animu loani koa i'opoga, isa isafa alomu ko'agai ani'i foani. Deo ega iifa epo'iai i'ina iifaga auga akaiki'a ipauma, Deo ifo epenii'a fakapa eoma. Ega puo oi i'ina iifaga kainai agopea koa aisama, laomai felo ipauma agokapa.