James 2:1 - Mauni Mamaga Iifaga

¹ Aau akiu pako'a papiaumi, oi i'a a'a Lopia Iesu Kristo, au akaiki'a ipauma, Deo kaina kainai eague auga opako'ania. Ega kainai oi papiau iisagai mo oisa anina foloani folomaaga.

James 2:1 Iomraidhean Croise

Mateo 22:16

Ke isa e'i imoi, ke Herod ega au fou keulai'i kelao Iesu kepa'ani penia keinaka, “Pamalele aumu, lai alogo oi auga iifa ko'a mo loifania. Ke iifa ko'agai mo Deo ega keaga papiau lopamaleleni'i. Ke papiau oi eemuai ala keopola oma auga gefa aloauga. Gome oi papiau afe'i aloisa.

Acts 10:34

Ega aisama Peto ake epaagalaisa enini'ani einaka, “Iifa ko'a, pau lalogo felo Deo papiau aga'omo afegai aeaulao.

Acts 20:21

Ke lau Iudea ke Grik papiau'i maa'iai laifa, isa e'i laomai apala'i fekeumakalaini'i, ke Lopia Iesu fekepako'ania laoma.

Acts 24:24

Kina pika koa elao afegai, Feliks akafa Iudea papiega aka Drusila fou kemai. Ega aisama Feliks iifa eulaisa Paulo femai eoma. Paulo emai ke pako'a papiau'i Iesu Kristo ala kepako'a oma auga fouga maa'iai eifania a'o kelogonia.

Acts 7:2

Ega aisama Stefano einaka:

Roma 1:11

Gome lau auga alou ko'agai alafai maoma mafai maisami laoma, ega koa Deo ega Spiritu ipeni'i isa'i eeuai kekae au'i oi fapenimi fapakapulanimi laoma.

1 Korinto 2:8

Ke i'ina ikifaga auga, i'ina agofa'a ke'ima lopia'i epo'iai kai aga'o ganinagai ikifa ega'ina oko akelogo. Gome isa kegalogo koa aisama, Lopia Iesu isapu, ke ikifa akaiki'agai kapa ma'oai e'ima'i auga kolotiai fakeau'u'ua.

Kolose 1:4

Gome lai oi alomi ko'agai Iesu Kristo opako'ania, ke alomi ko'agai Deo ega papiau ma'oai ani'i oani auga isafa fouga alogo.

1 Timoti 1:19

I'ina alokapa aisama, Deo ega iifa alomu ko'agai fopako'ania, ke Deo maagai kapa'ina apala auga folokapa kai felo mo fokapa. Kai papiau isa'i Deo maagai kapa'ina felo mo fekekapa auga keumakalaina, Deo akepako'ania kai pifoge pamalele'i mo kepako'ani'i. Ega koa kekapa puo, kapa aga'o ee'iai laa'i kai pifoge pamalele'i mo ee'iai kekae. Ega'ina auga a'uai lonti fopai e'animu'a, amu ma'oai kekogo afe'ai kapa aga'o aeka koa i'opoga, isa e'i pako'a auga ekani okaoka.

1 Timoti 5:21

Lau Deo, Iesu Kristo ke Deo ega agelo ekinani'i au'i ago'iai oi laifa kapula penio. Oi lau kapa'ina maamuai laifa kakau'i au'i kai'iai fopea. Ke kapa ma'oai alokapa'i alogai, ifomu minomuai kapa'ina emai auga mo folokapa. Kai aufalao aga'o kapa'ina eifania auga, ko'a o pifoge auga fologo felo kakaua kai kapa'ina alokapa auga fokapa. Ke papiau aga'o lologonia mo looma afegai foloaulao.

Taitus 1:1

Lau Paulo. Deo anina eani lau Isa ekinani'i papiau'i fapapea'i Isa fekepako'ania, ke ega papiau fekemia eoma. Ke ega papiau fapapea'i Isa ega iifa ko'a'i mo fekelogo, fekeau afagaina ke ega iifa isafa kai'iai fekepea eoma. Ke lau e'u pinaugai ega'ina papiau'i agu pagai maunina akeafia auga fekepako'ania, ke afia'amaga fekepa'aua fekeagu feke'ima eoma. Agu pagai maunina ega'ina auga Deo aepipifoge auga agofa'a aepagama koa kai ifo ega logoai eifa ko'ania, muni ega papiau fekeagu pagainia eoma. Deo lau ega'ina kapa'i ma'oai fakapa'i eoma puo ekinaniau ega pinauga ikapa auga lamia, ke Iesu Kristo ega apostolo epamiaisau.

Hibru 1:3

Deo Gauga auga Deo iisa i'opoga mo, ke Deo ega Akaiki'a ala koa auga Gauga faagagai aisa. Ke Deo eifa mo aagoa ufa fou kegama. Iesu pau ega'ina isapugai kapa ma'oai eafiapi'i e'ima'i. Isa emai fau'aisai emae, a'a laomai apala'i eikui'i kai ufai e'agaukae, au'oniai Au Akaiki'a eagu afuga kaina kainai eague.

Hibru 12:2

Iesu auga i'a a'a pako'a inagome, ke Deo maagai alo'a opaina ipauma fepamiai'a auga. Kai Deo ega logoai muni alogama feafia eoma puogai, kolotiai emae kiekiega auga eafiapia mo, ke meagaina aepa'aua. Ke isa Deo eaguagu afuga kaina kainai eague. Ega kainai i'a a'a pako'a Iesu mo eegai faoge.

James 1:16

Ega puo aau akiu pako'a papiaumi, epomiai kai aga'o folologoaina faefogeimi faeifa i'opo Deo eegai emai faeoma.

James 1:19

Aau akiu, pako'a papiaumi, i'ina iifaga fologo felo: Oi ma'oai fofiakoa ainami fopaaua kai laafuai folonini'ani. Ke papiau ee'iai guami faekupu faefiakoa.

James 2:3

Ega aisama oi au tiapu felo'i ei'iuka'i auga mo omaaga gafegafe akaiki'a opakina opaina oinaka, ‘Aguagu afuga felo inamo'e moagu’ ooma. Kai ulalu auga tiapu ofu'i ei'iuka'i auga opaina oinaka, ‘Oi auga molao egamogae moapa’, o ‘Anina loani koa aisama, inae ifeu fo'inai afuai moagu’ ooma.

James 2:9

Kai papiau iisagai mo oisa omaaga aisama, Deo ega iifa ega'ina kainai alopea kai oaupea, ke maagai laomai apala ipauma okapa.

James 3:17

Kai ikifa ufai Deo eegai emai ikifaga auga, papiau epalagaini'i Deo ega aguai keagu. Laomai ma'oai epo'iai papiau kapa Deo ega aguai eagu auga laoga maina kapa akaiki'a ipauma. Ke ega'ina ikifaga eafia papiauga auga, papiau fou gagaoai keagu, ke ifo elogoaina papiau kapa'ina keifania auga, aepaafiafi kai'iai mo epakaisa. Ke isa aina aefua, papiau keifania auga ekapa, ke papiau gua'i eani alogaina. Ke isa papiau fau'iai kapa felo'i ma'o ekapa'i, ke kapa'ina ekapa auga opo aga'omogai ekapa. Ke kapa ma'oai alo ko'agai mo ekapa'i.

2 Peto 1:1

Lau Saimon Peto, Iesu Kristo ega pinauga, ke ega apostolo au, i'ina malelega lapapua oi eemi efai. Oi auga, i'a a'a Deo ke i'a kania'a eagamauga auga Iesu Kristo fou papiau alo'i opaina kepamia auga faagagai, oi pako'a kapa akaiki'a lai aafia auga koa i'opoga oafiia.

Jude 1:16

I'ina au'i iifa mugumugu au'i, ke aufa kina papiau e'i apala mo kekapuga keifani'i, ke ifo'i alo'iai apala keopolaga auga mo muninai kepea. Ke isa ifo'i mo olaga'i ke'anina. Ke isa auga isa ifo'i mo fau'iai kapa aga'o kegaafia keoma puo, pifogeai nini'ani felogai koa i'opogai papiau maa'iai kenini'ani.

Revelation 14:12

Ega'ina puogai Deo ega papiau au'i Deo ega iifa kapula'i kai'iai kepea au'i, ke e'i pako'a Iesu eegai keoge paisa au'i, kapa'ina mo faaga'iai fekemia mo ganinagai, gamuga mo fekeopo fekeafiapia mo.