James 1:9 - Mauni Mamaga Iifaga

⁹ Ke oi pako'a papiaumi epomiai, au aage ulalu auga aga'o eaguega koa aisama, Deo isa ekinaga, ega papiau epamia auga felogo. Ke isa au aage ulalu auga mo ganinagai, Deo maagai auga isa au akaiki'a ipauma. Ega puo isa ulalu auga mo faeoma ifo faepaake kai, Deo isa faagagai kapa'ina ekapaisa auga alogama akaiki'a fepa'aua.

James 1:9 Iomraidhean Croise

Luka 1:52

Ke keaina'au au'i epo'iai, papiau ke'ima'i lopia'i au'i e'i lopia eafani'i. Kai akeaina'au au'i, au akaiki'a'i epamia'i.

Luka 10:20

Kai tiapolo apala'i ainami keafia aisama, ega'ina mo alogama folopa'aua kai Deo oi akami ufai epapua auga alogama akaiki'a fopa'aua,” eoma.

Luka 14:11

Gome kaisau ifo akaiki'a epamia auga, e'ele agemia. Kai kaisau ifo e'ele epamia auga, akaiki'a agemia,” eoma.

Luka 9:48

Egae kai epaini'i einaka, “Kaisau i'ina imoina e'ele lau akauai ageifa koko aisama, lau ageifa kokoisau. Ke kaisau lau ageifa kokoisau aisama, lau eulaisa auga isafa ageifa koko. Iifa gome, oi epomiai kaisau Deo ega pinauga ikapagai ifo e'ele agepamia aisama, isa auga Deo maagai au akaiki'a ipauma,” eoma.

Roma 8:17

Ke i'a Deo gauga koa aisama, Deo gauga kapa'ina akeafia eoma auga, i'a isafa agaafia. Ke Deo kapa'ina Iesu Kristo apuga eoma auga isafa Iesu fou kai'alao agaafia. Gome Iesu Kristo kapa'ina kiekie epa'aua auga koa i'opoga, i'a a'a agu alogai ega agakiekie oma koa aisama, Deo isa isapu ke eaea akaiki'a epeniia auga, i'a isafa isa fou agaafia.

2 Korinto 6:10

Ke alomai emafu ganinagai aufa kina alogamai alao amai. Ke ulalu aumai ganinagai, papiau ma'o apa'amu'amu'i. Ke kapa aga'o eemaisai laa'i mo ganinagai, kapa ma'oai apumai akemia.

Filipi 3:14

Ke Iesu Kristo kainai Deo lau eifaniau, ke lau opou fofougai Deo kapa'ina ufai alaafia eoma auga eega lalao, ega koa ega'ina afa faafia laoma.

Filipi 3:3

Gome i'a auga papiau maguae'i faaga iifalaina emia auga gouga ko'a ipauma auga aafiia. Ega'ina auga i'a Deo ega Spirituai Deo aau afagaina, ke Iesu Kristo fou amia kainai aaina'au kai, faaga'aisai kapa'ina kekapaisa auga alapako'ania.

1 Peto 2:9

Kai oi auga, Deo ekinanimi papiaumi. Ke oi sakedote, Deo, Kin ega pinauga okapa aumi. Ke oi Deo ega ago papiaumi, ke Deo apuga omia. Ega koa Deo oi uminagai eifalaimi elaoainimi Isa ega eaea felo ipaumagai epakokoimi auga isau afagaina foifafoua eoma.

Revelation 2:9

Lau oi emu kiekie ke ulalu fou lalogo. Kai lau laopolaga oi pa'amu'amu aumu laoma. Papiau isa'i ifo'i Iudea papiau'i keoma'i au'i, oi eemuai keifa apala auga lalogo. Isa auga Iudea papiau'i laa'i kai, Satani ega la'afou papiau'i.