James 1:5 - Mauni Mamaga Iifaga

⁵ Kai oi epomiai kaisau ega'ina i'opo'i alo'iai fepeauka auga ikifaga, eegai laa'i koa aisama, Deo fegoina fepalagaina. Deo gafegafe akaiki'a auga agogoina aisama, afaepapuua, kapa'ina ogoina auga, kapa e'ele ipauma pinoina agopinoi mo ganinagai, emi apala afaeisa kai agepenimi mo. Ega puo kaisau eegai ega'ina ikifaga laa'i koa aisama, Deo fegoina ega'ina ikifaga fepenia.

James 1:5 Iomraidhean Croise

Mateo 11:20

Egae kai Iesu taoni kapa'i alo'iai ega mirakulo ma'o ekapai'i au'i, e'i laomai apala'i akeumakalaini'i puo, e'ina efinai'i einaka:

Mako 16:14

Ega'ina afegai Iesu ega apostolo au'i 11 au'i keaniani laolao kai eapakina peni'i. Ke Iesu elo'u peni'i, gome isa gua'i e'inoka, alo'i aekapula, Iesu emaunimue keisa keifania au'i akepako'ani'i.

Ioane 14:13

Ke lau akauai kapa'ina agogoina auga alakapa, ega koa Gauga Ama ega akaiki'a ala koa auga agepafokia.

Ioane 15:7

Kai oi lau alouai agoagu, ke e'u iifa alomiai ageka koa aisama, kapa'ina anina oani auga lau Amau fogoina, ke Isa oi kapa'ina ogoina auga agepenimi.

Ioane 4:10

Kai Iesu einaka, “Oi Deo kapa'ina epipeni, ke kaisau oi fei egoinio auga mologo koa aisama, oi isa fogoina, ke isa oi agu pagai feina fepenio,” eoma.

2 Korinto 2:16

Ke papiau lalau'iai kemae kelaoaina au'i ee'iai auga, i'a papiau kemae foga'i apala emia au'i koa i'opo'i kepamiai'a. Kai Deo papiau kania'i eagamauga au'i ee'iai auga, i'a mulamula foga felo mauni epipeni auga mulamula koa kepamiai'a. Ke papiau kapa auga ega'ina pinauga agekapa agekaina?

James 1:17

Kai fologo felo, Deo Ama'a eaea ma'oai, kina, gafa ke mi'imi'i ufa guagai aisa'i au'i epagama'i. Ke kina, gafa, ke mi'imi'i eaea'i i'oi'i akemia kai, Deo auga eaea ma'oai gome auga puo, egama mo egama, i'oina agemia afaekaina. Ke kapa felo'i, ke pipeni felo'i ipauma'i au'i ma'oai Deo au'oniai eague auga eegai kemai.

James 3:17

Kai ikifa ufai Deo eegai emai ikifaga auga, papiau epalagaini'i Deo ega aguai keagu. Laomai ma'oai epo'iai papiau kapa Deo ega aguai eagu auga laoga maina kapa akaiki'a ipauma. Ke ega'ina ikifaga eafia papiauga auga, papiau fou gagaoai keagu, ke ifo elogoaina papiau kapa'ina keifania auga, aepaafiafi kai'iai mo epakaisa. Ke isa aina aefua, papiau keifania auga ekapa, ke papiau gua'i eani alogaina. Ke isa papiau fau'iai kapa felo'i ma'o ekapa'i, ke kapa'ina ekapa auga opo aga'omogai ekapa. Ke kapa ma'oai alo ko'agai mo ekapa'i.

James 5:16

Ega puo Deo oi emi isafai gapafeloimi ooma koa aisama, aga'o aga'o maamiai emi laomai apala'i foifafou'i kai faumiai fomegamega. Iifa gome pako'a papiauga, Deo maagai alo opai auga emegamega aisama, Deo isa ega megamega a'o elogo, ke isapu akaiki'agai epinauga felo.

1 Ioane 3:22

Ke kapa'ina Isa agagoina auga isafa eegai agaafia paisa. Gome Isa i'a kapa'ina epaini'a fakapa eoma auga akapa, ke alo fapagama kapa'i mo akapa'i.