James 1:3 - Mauni Mamaga Iifaga

³ Gome ologo oi emi pako'ai i'opo i'oi'i i'oi'i eemi akefai aisama, oi emi pako'a foafiapia, gamuga mo foopo auga laoga maina epa'uegenia.

James 1:3 Iomraidhean Croise

Luka 21:19

Ega kainai alomi fopakapulania, lau eeuai foafia'ama, ega koa agu pagai maunina agoafia,” eoma.

Roma 15:4

Ufainagai Deo ega iifa pukagai i'a fekepamaleleni'a keoma puo, kapa ma'oai kepapua'i. Ega koa kina apala'i akemia mo ganinagai gamuga mo faopo faafiapia mo, ke Deo ega iifai magogo kapula epenii'a auga faagagai, i'a agu pagai afugai agaagu auga afia'amaga fapa'aua keoma.

Roma 2:7

Ke papiau laomai felo kekapa alogai, isa Deo au akaiki'a akepamia, akeau afagaina, ke alo'i akeafiapia mo kapa'ina akeka aoniamo kapa'i akekapuni'i au'i, Deo isa agu pagai maunina agepeni'i.

Roma 8:25

Kai i'a auga kapa aga'o alaafia koa auga eegai a'a afia'ama aoge koa aisama, kapa'ina mo faaga'aisai fekemia mo ganinagai, gamuga mo agaopo agaafiapia mo ega'ina kapa agaafia paisa auga a'ima.

Roma 8:28

Ke i'a alogo, Deo kapa ma'oai ekapa'i auga, papiau kapa'i alo'i ko'agai Isa anina keani, ke ifo kapa'ina fekekapa eoma kainai eifani'i au'i fau'iai felo mo femia eoma puo ekapa'i.

2 Korinto 4:17

Gome lai kiekie ke'ilikae, afakeka aoniamo, pau aafi'i au'i kepapeaimai isapu ke eaea akaiki'a ageka aoniamo, kiekie ega'ina ma'oai meau'i eka'egai afe'aini'i auga eega elaoainimai.

Kolose 1:11

Ke lai amegamega, ega koa Deo ega isapu akaiki'a ipaumagai oi kapula ma'oai fepenimi, ega koa kapa'ina eemiai fekemia fokiekie alogaina mo ganinagai, ega'ina kiekie gamuga mo foopo foafiapia mo, ke Deo muni kapa felo aga'o agepenimi auga fo'ima.

2 Tesalonika 1:4

Oi ega okapa oma kainai, emi pako'ai papiau oi keafi apalanimi, ke i'opo ma'o eemi kefai mo ganinagai, gamu'i mo oponi'i Iesu opako'ania paisa. Ega puo lai Deo ega iifi e'a papiau'i ma'oai epo'iai, oi emi laomai ega okapa oma auga aina'auga apa'aua.

2 Tesalonika 3:5

Lai Lopia amegamega penia, ega koa isa Deo oi animi eani alogaina auga fepaopolanimi, ke Kristo ekiekie ganinagai ega kiekie ma'oai eafiapi'i mo auga isafa fepaopolanimi aoma.

Hibru 10:36

Ke kapa'ina mo faagamiai fekemia mo ganinagai, gamu'i mo foopo foafiapia mo, ega koa Deo kapa'ina anina eani auga agokapa afegai aisama, kapa'ina Isa eifa ko'ania foafia eoma auga foafia laoma.

Hibru 12:1

Ega puo i'a ifo'a mo alaagu kai, ega'ina papiau'i kemae mo ganinagai, apuapu akaiki'a koa i'opoga kemia keailofei'a keisa'a. Ke pau ega'ina papiau'i fou'i Deo ega iifa pukagai akuapina aisama, kapa'ina akapa auga kepafoki'a keifafoui'a. Ega kainai laomai apala'i faaga'aisai kekae au'i meau'i ma'oai apaelai'i. Ke laomai apala'i fiakoa mo maa'a kela'a me'e au'i isafa apua'afuni'i. Ke kapa'ina akemia mo ganinagai, a'a pako'a Iesu eegai faafiapia mo, Deo i'a fau'aisai pipalauai kapa'ina faafia eoma auga faula.

Hibru 6:12

Ufainagai papiau isa'i Deo kepako'ania, ke kina apala eafii'i mo ganinagai alo'iai keafiapia, gamuga mo keoponia. Ke e'i pako'a keafi'inia mo emai fuagai kapa'ina Deo eifa ko'ania auga isa apu'i kepamia. Lai anina aani folo'apolo kai ega'ina papiau'i isa'i ala kekapa oma au'i iisa'i mo fo'opo aoma.

1 Peto 1:7

Ke oi emi pako'a auga gold afa eka'egaina. Papiau gold fekapula keoma puo, loai iuma emia mo ganinagai, afaeka aoniamo laa'i agemia. Kai i'opo i'oi'i i'oi'i oi eemi kefai ega koa oi emi pako'a kapula ipauma femia. Ke Iesu Kristo ageapafoki pugu aisama, oi emi pako'ai feau afagainimi, au akaiki'ami fepamiaimi, ke isapu eaea akaiki'a fepenimi laoma.

2 Peto 1:6

Ke ifomi fo'ima feloimi auga laoga maina foafia, Deo ega logo ega'ina laagai foogeaua. Ke alomi foafiapia gamuga mo foopo auga laoga maina foafia, ifomi fo'ima feloimi auga laoga maina laagai foogeaua. Ke Deo anina eani auga aguga foafia, oi alomi foafiapia, gamuga mo foopo auga laoga maina laagai foogeaua.