James 1:2 - Mauni Mamaga Iifaga

² Aau akiu pako'a papiaumi, i'opo i'oi'i i'oi'i eemi akefai aisama, emi pako'a ageuki pugu auga foopolaga, alomi fegama alogaina.

James 1:2 Iomraidhean Croise

Acts 5:41

Apostolo iifa ipakaina afuga kepua'afuga aisama, Iesu isa fau'iai faaga kepakiekie koa i'opoga, isa isafa Iesu faugai faaga'i ekiekie auga keopolaga, Deo maagai felo mo keoma. Ega puo kegapuki'i auga akemeagai kai alo'i egama alogaina.

Roma 5:3

I'a ega'ina mo alogama alapa'aua kai, a'a kiekie isafa alogama apa'aua. Gome i'a alogo kiekie i'a alo'a faafiapia mo auga laoga maina epagama.

Filipi 1:29

Gome Deo Iesu Kristo faugai oi elogoainimi isa fopako'ania mo aeoma kai, isa kiekie isafa fopa'aua eoma.

Filipi 2:17

Kai sakedote lopia'i ifa keafiia papiau fau'iai Deo kepa'a penia koa i'opoga, lau oi emi pako'a faugai fekeaupuguisau ifau fefaka mo ganinagai, alou egama, ke oi ma'oai fou aalogama.

Filipi 2:18

Ke ega koa i'opoga, oi isafa alomi ko'agai ifomi imaaumi Deo opa'a penia auga alogama lau fou faalogama laoma.

Kolose 1:24

Ke lau Deo Gauga puogai lakiekie kai, pau oi faumiai lakiekie auga alogama lapa'aua. Ke lau kiekie ega'ina laafi'i kai, lau isa imaauga, iifi e'a faugai lakiekie auga, isa ifo kiekie epa'aua kai kiekie ega'ina aefua koa auga, lau ifou faagauai ega'ina kiekie'i lapa'au'i.

Hibru 10:34

Gome oi epomiai papiau isa'i Iesu puogai kepatipulani'i aisama, oi isa gua'i oaniia olao tipula afugai oisa'i opalagaini'i. Ega okapa oma puo, ega'ina papiau'i fou kaimialao okiekie. Ke papiau isa'i pamani'iai emi amu kegaafi'i keoma eemi kefai aisama, ega'ina amu'i kiekie'i alopa'aua alogamai ologoaini'i mo keafii'i. Gome oi emi amu felo'i ipauma'i, aoniamo ufai kekaega auga ologo.

James 1:12

Ke oi epomiai au aga'o i'opo aga'o eega agemai. Kai isa ifo gamuga mo ageopo ageafiapia mo, ega pako'a afaepua'afuga koa aisama, Deo isa ega laomai felo afa agepenia. Ega'ina auga, papiau alo'i ko'agai Deo anina keani au'i ee'iai eifa epako'ania koa i'opoga, mauni umamo afugai fou akeagu. Ega puo i'opo agemai kai kaisau agekapula afae'ualai auga, Deo eegai kapa felo'i ageafi'i.

James 1:16

Ega puo aau akiu pako'a papiaumi, epomiai kai aga'o folologoaina faefogeimi faeifa i'opo Deo eegai emai faeoma.

James 1:19

Aau akiu, pako'a papiaumi, i'ina iifaga fologo felo: Oi ma'oai fofiakoa ainami fopaaua kai laafuai folonini'ani. Ke papiau ee'iai guami faekupu faefiakoa.

James 5:11

Amoisa, i'a alogo papiau kina apala'i keafi'i mo ganinagai, gamuga mo keopo keafiapia mo, e'i pako'a akepua'afuga au'i, Deo eegai kapa felo'i keafii'i auga apako'ania. Ke Job fouga ologo felo. Isa kina apala ipauma alogai ekoko mo ganinagai, ega kiekie gamuga mo eoponia eafiapia mo. Ke fuagai Deo isa kapa'ina epeniia auga isafa fouga ologo felo. Iifa gome Deo gafegafe akaiki'a ipauma auga, ke papiau gua'i eani alogaina puo, kina apala'i keafia au'i ae'agegeaini'i.

2 Peto 2:9

Ke Lopia Deo papiau kapa'i Isa keau afagaina au'i i'opo ee'iai ala fepapealai oma'i auga elogo. Ke Isa papiau kapa'i alo'i opaina laa'i au'i e'i laomai apala afa epeni'i alogai, ala feafiapi oma'i mo felao papiau ma'oai e'i laomai felo, o apala afa agepeni'i auga kinagai kai auga isafa elogo.

Revelation 2:10

Oi faagamiai kapa'ina akemia agokiekie auga mani'i'i folopa'aua. Lau lapainio, oi epomiai isami Satani ga'opoimi ageoma, tipulai agepaaguimi. Ke kina ou'aga alogai oi agokiekie alogaina. Kai oi emi mae kuagai ganinagai, emi pako'a lau eeuai fooge paisa. Ega koa agokapa aisama, lau oi afa felo ipauma alapenimi, agu pagai maunina agoafia.