Biblia Todo Logo
Bìoball air-loidhne

- Sanasan -




James 1:1 - Mauni Mamaga Iifaga

1 Lau James. Deo ke Lopia Iesu Kristo e'i pinauga au. Lau Israel pako'a papiaumi okani okaoka, agofa'ai afu i'oi'i i'oi'iai oague aumi eemiai i'ina malelega lapapua laulaisa. Oi ma'oai oagu felo ma pa'anina lapa'ani.

Faic an caibideil Dèan lethbhreac




James 1:1
41 Iomraidhean Croise  

Filip ke Batolomeo. Tomas ke Mateo tax eafia auga. James Alfeus gauga ke Tadius.


Isa e'a ipaapa auga gauga laa'i ma? Ke isa ina aka Maria laa'i, ke akina James, Joseph, Saimon ke Judas laa'i ma?


Ega aisama Iesu ega imoi ma'oai epaini'i einaka, “Iifa gome maamiai laifania. Kina fuagai kapa ma'oai mama'i akemia, ke Papiau Aumauni Gauga ufai ega isapu akaiki'a eafia afugai ageagu aisama, oi lau muniuai opea aumi isafa, isapu akaiki'a afu'i 12 agoafi'i agoagu, Israel ikupuga 12 papiau'i, ke papiau ma'oai isafa e'i laomai felo, o apala auga afa agopeni'i.


Ke Andru, Filip, Batolomeo, Mateo, Tomas, James Alfeus gauga, Tadaeus, Saimon Kanaan auga.


Ega koa oi lau e'u agofa'ai fou faagu faaniani, ke papiau fo'ima'i isapuga foafia foagu, Israel ikupuga 12 papiau'i e'i laomai afa fopeni'i laoma,” eoma.


Mateo, Tomas, James Alfeus gauga, Saimon Silot ikupuga auga.


Ke kaisau lau e'u pinauga ekapa auga lau muniuai fepea, gome lau kapai alaagu auga, lau e'u pinauga auga isafa egae ageagu. Ke kaisau lau e'u pinauga ekapa auga, lau Amau isa au akaiki'a agepamia agepalopiania.


Ega aisama Iudea papiau'i ifo'i mo epo'iai keifa keinaka, “Au i'ina ala agelao kai i'a isa agakapuga afalaisa eoma? Ke isa i'a a'a papiau Grik ago papiau'i epo'iai keagu okaoka au'i ee'i agelao, egae Grik papiau'i agepamaleleni'i ma?


Ke kelao Ierusaleme taoninai aisama, e'a aga'o au'oniai, papiau alogai keaguagu afugai kekoko. Peto, Ioane, James, ke Andrea; Filip, ke Tomas; Batolomeo, ke Mateo; James Alfeus gauga, Saimon Silot ikupuga auga, ke Judas Iesu e'afa'afalaina auga laa'i kai, au i'oina aga'o aka James keoma auga gauga fou ega kelao.


Kai Peto ima eafiakae komo kegaoma eoma. Egae kai Lopia isa tipula e'agai ala epapealai oma auga fouga maa'iai eifafoua. Ke ega'ina eifani'i efua aisama epaini'i einaka, “Folao James, ke pako'a papiau'i fou maa'iai i'ina fouga foifafoua,” eoma. Ega'ina eifania afegai epua'afuni'i, afu i'oina elao.


Ke isa kenini'ani efua aisama, pako'a papiau'i epo'iai au akaiki'a auga, apostolo James e'ue papiau epaini'i einaka, “Aau akiu Iesu opako'ania aumi ainau amologo.


Gome taoni ma'oai alo'iai Iudea papiau'i Deo keau afagaina kina'iai, Iudea papiau'i e'i la'afou afu'iai, Moses ega iifa ufainagai keifafoua mo emai pau kina,” eoma.


Ke malele kepapua kepenii'i kelao. Ega'ina malelega alogai iina kepapua oma: Antiok taonina, ke Siria ke Silisia agogai oague, Iudea papiaumi laa'i kai Iesu opako'ania aumi, oi ma'oai oagu felo ma? Lai apostolo, pako'a papiau'i epo'iai au akaiki'amai aumai, ke aami akimi Iesu apako'ania aumai, i'ina malelega apapua eemiai aulaisa.


Ega'ina alogai agofa'a fofouga alogai Iudea papiau'i kapai kapai keagu alo'i ko'agai Deo keau afagaina au'i ega'ina miamia puogai kemai, Ierusaleme taoninai kela'afou keagu.


Egae afeu egani aisama, Paulo lai ma'oai fou James amaisa aoma puo eega alao. James auga Ierusaleme taoninai pako'a papiau'i e'ima'i lopiaga. Isa afugai akoko aisama, pako'a papiau'i ke au akaiki'a'i au'i isafa ma'oai egae keagu.


Kafana Feliks, au akaiki'a ipaumamu aumu. Oi loagu felo ma? Lau Klaudius Lisias, eemuai i'ina malelega lapapua laulaisa.


Ega'ina alogai Saulo egae eapa, Stefano emae auga eisa eopolaga felo mo eoma. Ega kinagai Ierusaleme taoninai afi apala akaiki'a iifi e'a pako'a papiau'i faaga'iai emia. Ke pako'a papiau'i ma'oai kekani okaoka kelao, Iudea ke Samaria ago'iai keagu. Kai apostolo au'i Ierusaleme taoninai mo keagu.


Lau Paulo Iesu Kristo ega pinauga au. Lau auga Deo ega iifa faunina Iesu Kristo fouga faugai papiau epo'iai eifalaisau apostolo epamiaisau.


Ke egae laagu alogai, apostolo i'oi'i aga'o alaisa'i kai, Lopia akina James auga mo laisa.


Au isa'i James eegai akemai koa kai, isa elao Iudea papiau'i laa'i au'i fou keaniani. Kai au ega'ina James eegai kemai au'i kemai aisama, eapakipo Iudea papiau'i laa'i au'i ee'i aelao. Gome isa papiau isa'i maguae'i faaga iifalaina iifaga muninai kepea au'i emani'iaini'i.


Ke apostolo epo'iai James, Peto, Ioane au'i oiso, oi oopolaga iifi e'a ipalao'i koa i'opo'i ooma au'i isafa, Deo ega gafegafe akaiki'a lau epeniiau auga keisa kelogo. Ega puo isa lau ke Banabas aunimai imamai keafiia. Ega koa kekapaisa auga isa Deo ega pinauga kekapa koa i'opoga, lai isafa isa koa i'opo'i Deo ega pinauga akapa auga gouga eemaisai kekapaisa. Egae kai ma'oai apako'ania isa fekelao Iudea papiau'i maa'iai iifa faunina Iesu fouga fekeifafoua aoma, ke lai auga falao Iudea papiau'i laa'i au'i maa'iai iifa faunina Iesu fouga faifafoua aoma.


Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.


Oi fokapula fopaafiafi imu ega au kina aemai koa kai keaga aga'o foisa eeu fomai. Lau inae fou aague au'i Eubulus, Pudens, Linus, Klaudia, ke pako'a papiau'i ma'oai fou e'i pamego nini'ani'i eemuai keulaisa.


Lau Paulo. Deo anina eani lau Isa ekinani'i papiau'i fapapea'i Isa fekepako'ania, ke ega papiau fekemia eoma. Ke ega papiau fapapea'i Isa ega iifa ko'a'i mo fekelogo, fekeau afagaina ke ega iifa isafa kai'iai fekepea eoma. Ke lau e'u pinaugai ega'ina papiau'i agu pagai maunina akeafia auga fekepako'ania, ke afia'amaga fekepa'aua fekeagu feke'ima eoma. Agu pagai maunina ega'ina auga Deo aepipifoge auga agofa'a aepagama koa kai ifo ega logoai eifa ko'ania, muni ega papiau fekeagu pagainia eoma. Deo lau ega'ina kapa'i ma'oai fakapa'i eoma puo ekinaniau ega pinauga ikapa auga lamia, ke Iesu Kristo ega apostolo epamiaisau.


Lau Peto, Iesu Kristo ega apostolo au aga'o. Lau malele i'ina lapapua oi Deo ekinanimi papiaumi, agofa'ai ago a'ina aumi koa i'opomi, okani okaoka, olao Pontus, Kalatia, Kapadosia, Asia, ke Bitinia ago'iai oague aumi eemiai laulaisa.


Lau Saimon Peto, Iesu Kristo ega pinauga, ke ega apostolo au, i'ina malelega lapapua oi eemi efai. Oi auga, i'a a'a Deo ke i'a kania'a eagamauga auga Iesu Kristo fou papiau alo'i opaina kepamia auga faagagai, oi pako'a kapa akaiki'a lai aafia auga koa i'opoga oafiia.


Lau Jude Iesu Kristo ega pinauga au, ke James akina au i'ina malelega lapapua oi i'a Ama'a Deo eifanimi, animi eani alogaina papiaumi aumi, ke Iesu Kristo faugai Deo oi i'ina agofa'a lao'i mai'i ee'iai epakaisapuimi aumi eemiai laulaisa.


Egae kai lau papiau pika paku'iai maka isoge emia auga a'o lalogonia. Ega'ina papiau'i auga Israel ikupuga alogai papiau ma'oai 144,000 auga inamo'e'i:


Lean sinn:

Sanasan


Sanasan