Ioane 9:3 - Mauni Mamaga Iifaga

³ Kai Iesu einaka, “Laa'i, isa laomai apala aekapaisa, ke isa ina ama isafa laomai apala akekapaisa. Kai isa faagagai iina koa emia ega koa Deo ega pinauga ala koa auga isa ega agu alogai fefoki eoma.

Ioane 9:3 Iomraidhean Croise

Mateo 11:5

Isa fopaina, maakimi'i au'i afu keisa, melo au'i kepea, molumolu isafaga keafia au'i faaga'i felo emia, aina'i efua au'i a'oa'o kelogo, mae au'i kemaunimue, ke iifa faunina ulalu papiau'i maa'iai iifafouga emia fooma.

Ioane 11:4

Ke Iesu i'ina iifaga elogo aisama eifa einaka, “Isafa ega'ina auga agelao mae afaemia kai, Deo ega akaiki'a ke ega isapu fou fefoki kainai isa eisafa. Ega koa isafa ega'ina faagagai papiau, Deo Gauga au akaiki'a fekepamia eoma kainai ega emia oma,” eoma.

Ioane 11:40

Ega aisama Iesu eifa einaka, “Lau oi alapainio, oi lau alopako'aniau aisama, Deo ega isapu ke ega eaea akaiki'a fou afoloisa'i alaoma ma?” eoma.

Acts 28:4

Keleipua ega'ina papiau'i Paulo imagai kaapa ekafiu'ui e'afauka keisa aisama, ifo'i epo'iai kenini'ani keinaka, “Iifa gome ega'ina auga auau auga ma'e. Isa a'uai femae kai aemae pau emai inae ega laomai afa Deo pau epeniia,” keoma.

Acts 4:21

Ega puo kepamani'i kakau'i koa i'opoga kai, pau auga kepamani'i kapulani'i, ke kepaini kapulani'i mo pugu kai kepapealai'i. Ke papiau fau'iai isa auni'i afa ala fekepeni oma'i auga keagaga aga'o akekapulaisa, gome papiau ma'oai kapa'ina emia keisa au'i Deo au akaiki'a kepamia.

1 Ioane 4:16

Ke ega koa emia puo alogo, ke apako'ania Deo alo ko'agai i'a ani'a eani auga laoga maina faugai aague. Ke Deo auga alo ko'agai i'a ani'a eani. Ega puo kaisau ega agu alogai alo ko'agai papiau ani'i eani auga, Deo isa fou keagu, ke isa Deo fou keagu.

1 Ioane 4:9

Ke Deo alo ko'agai anina eani Gauga faagagai i'a agu pagai maunina faafia eoma. Ega puo Gauga ega mo aga'omo auga eulaisa emai agofa'ai. Deo iina ekapa oma, i'a ani'a ala eani oma auga epakinai'a.